ذاك هو

الحب حالة شعورية تجمع العديد من المتناقضات
تتألم برضا تتذوق العسل مراً تتنعم بعذاب
قمة الإحساس بالكرامة وقمة الإحساس بنسيانها تمتلك العالم وتتنازل عنه لمن تحب

ماذا يمكن أن تسمي
عجز منطقك عن الإدراك ...عجز لسانك عن النطق ....عجز قلبك عن أن يتحمل خفقانه

ذاك هو الحب
ولكن .... لابد و أن يكون مظلل بشرع الله

Monday, December 28, 2009

أسياخ الحديد

******
أشعر بغصة ومرارة شديدة ويدثرنى شعور بالاستياء والاحتقار
كم من الأحاسيس المتداخلة فأنا ناقمة على نفسي وعلى غيري وذات الوقت مشفقة علينا
اختنقت بأفكاري وامتلأت حزناً
ابكى كرامتى وانسانيتى وأدميتى وحريتى
كل هذا أبكيه
ومن شدة غيظى كعادتى مؤخرا غالبتنى كلماتى
وانا في سيارة الأجرة أثناء عودتى الى منزلى بعد انتهاء يوم من العمل
فأخرجت قلمى و ورقة وكتبت تلك الكلمات خوفاً من أن أنساها
وها هى
.
.
.
.
وأعـــــدوا لهـــم ما استطعتم من قـــوة .... هكـــذا القـــــــرآن قـــــــد أمـــــــر
*
وفـرعـــون بغـــرس أسيــاخ الحــــديد .... قــــــراره التاريخــي قـــــد صــــدر
*
وتســــاؤلى أيخــــال أن يأتــي يومــــاً .... فعــله الشــائن هـــــذا قــــد يُغتـفـــر
*
أيظـــــــن أن حديــــده سيمسي حائـــلاً .... دون وقـــــوع مـــا هـــــو منتظـــــر
*
أيــــروم تبجــيلاً و عرفانـــاً بالجمـيـــل .... مــن الصهيون في محفـلِ أومؤتمـــر
*
مـــالــي أنــــــا مستنكـــــرة متعجـبــــة .... مــن جرو ينفــذ ما بــه سيده قد أمـــر
*
لليــوم محفــور بالعقــول كــــل مـا ذاع .... عــــــن غـــــزة الآبيـــة مـــن خـــــبر
*
فئــــة قليــلة بــــالله وثـقــــوا و آمـنـــوا .... وحققوا لكــل مسلم نصــراً بـه يُفتَخَـــر
*
والـيــوم خَجـلَى أنـا. فعل الذمـيم الطاغية .... جعـــل حــــالى بالعـــارقــــد تدثــــر
*
أَمَــا كَفَـاه حينهـا منعى من تضميد الجروح .... ومـــــن مواســاة الثكـــالى في الأُسَــر
*
أمَــا كَفَـاه نعيمه في حـين رضيــع غــــــزة .... يحبــــو دون أمــــه في قلـب الخطـــر
*
أَمَـــا تُخجـــلَه جســــــارة الأطفـــــال فــي .... مجـابهــــة الكـلاب ورميهــم بالحجــــر
*
أمَــا كفــاه كــــل هـــــذا فأطـــاع الأمـــــر .... وبالخيانـــة المُعلنــة قــــراره صــــدر
*
.
.
.
أخـــيرا أقول حسبي الله ونعــم الوكيـــل

Friday, December 25, 2009

مطروح للنقاش


تلك الأبيات تصف حالة واقعيةحرت في نصحها ومناقشتها وأعياني النقاش معها
وغالبتنى تلك الأبيات فكتبتها ولكنى حقا لم اجرؤ على عرضها عليها
.
.
.
هاهى كلماتى
.
.
.
مآســـــاة حـب وهمــي في خيالك تعيشــين وتآملـــين
*
وشعـــــور متبـــادل من آخــــر حــذرِ منك تتوهمـين
*
خوفـــاً هـادنـــك كى لا تتهورين وحيـــاته تدمــــرين
*
رجــل بالعقل يجـــانبك وأنت تطـــاردين ولا تستحـين
*
لكرامـــة أهـــلِ أئتمـنوك برعــونة و سفـه تغتالــــين
*
ولعـــــزة شخصــك بتهــــور تهـــدرين ولا تسـتـائين
*
لوســـــاوس شيطــــان رجـــــيم يسكـنك تنصــاعــين
*
وعقـلك البائـــس بــإرادة حــــرة بغبــاء سَــافر تغيبين
*
صرتى مزرية جدا لمقابل حبك الآثم مستجدية تتسولين
*
مـا ذنب الآخــر فــي خِــرف وهمــك حتى له تسيــئين
*
لنســــاء العصـــر المظلـــم المحظــيات أنت ترمــزين
*
كُــــنّ هامشـيات علـى عشـــائرهن غــــير مُحتَســـبين
*
أين دمــاء الحـرة بداخـلك هــل هـانت عليك فسفكــتين
*
أقلبتى مــيزان الكـون وصـرتى للرجل الآبيّ تطـاردين
*
بقى الركــوع على ركبتيك وإن طــال رفضـه تسجدين
*
مـا عـــدت استنكـر عليك أنك ربمــا حـــــذاءه تلثمــين
*
أأنت مجذوبــة فنبكي عقلك الغائب بالدمـــــــع الثخـين
*
أم أنت آفـــــــة خائنـــة نخــــاف منــك ولا تؤتمـــنـين
*
أم أنـك وصمــــة عـــــار للقتـــل يـا هـــــــذه تستحـقين
*
بالله فلتوقظـى ذاك النائــــم في رأســـك ذاك المستكــين
*
.
.
.
.
حقا حرت كل الحيرة مع المقصودة بكلماتى هذه
ولا أدرى كيف أردها وانتشلها مما هى فيه
.
.

Wednesday, December 23, 2009

البحث عن الصوت

ابحث عن صوتك واوعى تسيبه حس انك ممكن تغير حاجة
حتى لو مش مقتنع اوى على الأقل تبقى حاولت
التجربة في حد ذاتها بتمنحك احساس بانك انسان ايجابي
نوعا ما حتى وان جاءت النتائج كما توقعت
اعمل اللى عليك
لو مفيش حد من وجهة نظرك يستحق صوتك
روح باردو وافسد صوتك علشان ما يتمش استغلاله
صدقونى التجربة والمحاولة حتى لو النتيجة ليست المرجوة
بتترك اثر ايجابي فى النفس
أنا عن نفسي الدورة الفائتة ذهبت فى المرحلة الأولى
كانت الامور عادية وادليت بصوتى
وفى مرحلة الإعادة ولاننا كان لدينا مرشح اخوان
كان الشغل على عينك يا تاجر
لان محافظتنا كانت مرحلة تالتة
يعنى الحكاية كانت خربت والحكومة يا قاتل يا مقتول
وقالوا للقردة اتبرقعى قالت وشى واخد على الفضيحة
ايه المثل دا
ماعلينا مالكومش دعوة بيه خالص ولا كانكم شوفتوه
المهم يعنى فى الإعادة بقى بكل بجاحة قصدى بكل صراحة
اللجان الحريمي اتبرشمت
و لما تشوفى حلمة ودنك بقى علشان تدخلى تحطى صوتك
وبالتالى الرجالة سابوا لجانهم والتفوا حول لجان الحريم
والمواضيع كيرررررررت اوووووووووى
هتفنا بقى ننادى على الصحافة والاعلام
وكان في مراسلين اجانب
والوضع تفاقم وهوب يللا حرقان فى الزور
والدنيا بقى لونها مدخن
واثناء الجرى ايه دا يا بنتى اللى بيحرق فى الزور دا
يكونش دا يا بت الغازات المسيلة للدموع
والله يا بت يا شوشو ودخلنا التاريخ وبقينا ضمن المناضلين
وبنجرى من الأمن المركزى ورا المدارس فى الأراضى الزراعية
نفسي اتقطع جرى يومها لحد ما وصلنا أطراف البلد
ودخلنا قلب البلد من
اطرافها البعيدة وعربات البوكس انتشرت فى الشوارع
وهاتك يا لم بقى فى البشر
كل دا ورغم انى ايامها قلت توبة من دى النوبة
بلاش بهدلة وقلة قيمة
لكن التجربة رغم الاحساس بالاهانة وقتها
الا انها تركت فى نفسي اثر ايجابي انى حاولت
ولازم ما اتنازلش عن حقى واحاول تانى
حتى فى الاستفتاء الرئاسي رحت وعلمت على لا
رغم انى متاكدة ان دا مالوش اى تأثير
بس قلت لنفسي انا بقى حرة فى صوتى
ولازم اروح واقول لاء نفسي اقول لاء ورحت وقلتها
كل الرغى والدش دا يعنى لو حد دخل وقراه
علشان نقول يا جماعه كل واحد يحاول يدور على صوته
ويقيد نفسه فى الجداول الانتخابية
اكيد فى يوم هيكون لها تأثير
ابسط حاجة حقنا اننا نكون مثبتين فى تواجد البلد دى
مش نبقى عايشين وفى السجلات مش موجودين
ومن وحى الهرتلة دى كلها
اتفركشت فى دماغى شوية جمل كدا
خدوها اهى
صوتك دا حـــق مشــترك لكل واحــد فى البـلد
لـو لسه نـايم فوقــه مش وقته خالـص يتخمــد
اثبت صحـيح انك ولد من صلب ابوه وأمه اتولد
شـــارك بصــوتك يمكــن في يــوم نحيي البــلد
خــايف تـروح ويقفشوك وبايد كلابهــم تتجــلد
يا عم هيصيبك فقط اللى أمر بيه الواحد الأحد
جـرب يا سـيدي وأهـى تبقى ذكـرى لولد الولد
صوتك دا فين ؟ وبطاقته فين ؟ دور وطلع مستند
سجل بسـرعة فى الكشـوف علشان انتخابيا تتولد
وتبقى ناخب بيك مُعترف وتحـط صوتـك لأجل البـلد
يا عم جرب

Sunday, December 20, 2009

عَشِقَت خيانته

دى خاطرة قريتها في أحد المنتديات
واستغربتها وحاولت أفهمها الغريب انى تفاعلت معاها
اصلها غاظتنى اوى وفكرت ليه الانسان هيعشق الخيانة
ولقيت احتمال واحد بس والاحتمال دا خلاني كتبت شوية كلام كدا
الخاطرة اهى زى ما نقلتها من المنتدى
..
..
..
عشقت خيانتك
خنتنى فكان من سُمك ترياقي
فحبي لك سيدي كان موشوماً بالعار
أذاقني عشقك المتناقضات فكنت أتنعم بعذاب وأتألم برضا
تارة ملكة في العشق وتارة جارية
بإرادتي ارتضيت أن أكون بلا إرادة
واخترت أن أكون بلا هوية
أوتدري: لقد عشقت خيانتك
..
..
..
ودول بقى شوية الكلام اللى أنا كتبتهم
ونزلتهم مع الخاطرة في موضوع فى منتدى تانى
ماهى شغلانى منتديات بقى اصل اللى قريت فيه الخاطرة
مش مشتركة فيه
وكبرت فى دماغى ارد على الخاطرة
فرديت عليها في اللى انا مشتركة فيه
قمة الذكاء ما كدا صاحبة الخاطرة مش هتشوف ردى
مش فاهمة ايه الذكاء بتاعى دا
ما علينا خلينا في تخاريفي اللى انا كتبتها
.
.
.
.
*****
قدست فيك خيــــانةً....... قــــد طهـرتنــى
مـــن ســــــوءة حـــبِ كانت قـــــد دنستـني
بكـــل عــــارِ جــــلـلِ كانت قـــــد دثرتني
بقيــودِ مــــن آثـــام رغـمــــاً عـني كَبَلَتني
أهـــديتني تلك الخيــــانة ......فحَـــــرَرَتني
مـــن غــــدرك اشتققت مصــــلاً لعـلـةِ أشقتني
عـلــة خلتهـا مزمنـــة تحت وطأتهــــا كلّ متني
في عــاري كنت أغـــرق وجـاءت فعلتك فانتشلتني
فرحـــة أنا تلقيتها ففي خــير توقيت فاجـأتني
وبكــل شـــوق احتويتها وكيف لا وقـــد أنقذتني
ربمااستهجنتها ونكرتها لكن ابداً..أبداً ماكرهتها
فهى مـــن سجـــن اثمــي ....... قـــد أعتقتني
*****
.
.
.
ماعلينا من كل دا
بس من وجهة نظرى هو دا المبرر الوحيد
اللى يخلي حد يعشق خيانة اللى خانه



Thursday, December 10, 2009

القطنة ما بتكدبش




وربنا بجد يعنى مكسووووووفة ووشى من اللى هيدخل هنا في الأرض

على التأخير والغياب

بس عذري انى كنت غايبة عن النت كله



ورجعت وأثناء تجوالي لقيت مدونة كفراوية ففرحت


بس فرحة ما تمت الكلام بقى كان على ايه ؟؟؟؟؟؟


كان على زيارة الحكومة عندنا

الزيارة اللى اتأجلت اكتر من مرة

وكل مرة تتأجل بعد ما الناس العمال عينهم تطلع

فى تعليق اليفط والذي منه

والطريق يقف والميكروباصات يتحول مسارها

واضطر أمشى مسافات طويلة سيراً على الإقدام

طبعا هو دا اللي فارسنى الصراحة


المهم جيه اليوم والزيارة وصلت

والبلد اتقفلت ومن سوء حظى

انى تواجدت بالقرب من الفندق اللي هيتفغدى فيه الضيوف

والموكب قرب

ايه دا انا قلت يعنى كام عربية كدا وكام موتوسيكل

الاقى اسطول عربيات واتوبيسات

وصلوا فندق الرياضيين ووقفوا والدنيا وقفت

الطريق من قبلها اصلا اتقفل


اتنشق على تاكسى يدخلنى الموقف علشان اروح مفيش

ويومها اخدت حتة مشوار


يللا ماعلينا


المهم انا نسيت صحيح كنت بقول ايه

اه المدونة اللى دخلتها وفكرتنى بيوم الزيارة

لقيت وصلة مدح وغزل فى الزيارة واصحاب الزيارة


طيب انا سمعت ان غــدا السـادة الـزوار اللى طبعا ما كانـش من كفر الشيخ

وجاى وصاية من الإسكندرية

سمعت انه كلف مليون جنيه يمكن الرقم مبالغ فيه

لكن اكيد قريب من كدا





هو دا بقى يرضى مين؟؟؟؟

والمشوار اللى انا خبطته متورجل دا يرضى مين ؟؟؟