والله بقى لي مدة كل ما اكتب حاجة استسخفها
فقلت بلاش كتابة واقف مع نفسي شوية
وعندي مجموعة اسئلة كان الشيخ محمد يعقوب طرحها
وسماهم ستين سؤال عن النفس
ممكن يكون كتير منكم سمعهم منه او حتى بيسالهم لنفسه طبيعي
وقلت اسالهم لنفسي تاني انا اصلي بحب اسالهم لنفسي كل فترة
الهدف ان كل واحد يسأل نفسه ويجاوب بمنتهى الصراحة بينه وبين نفسهواعتقد كلنا عارفين معايير التقييم
مش هاطول اكتر من كدا بعد اذنكم بقى هاكتشف نفسي واشوف اتغيرت اد ايه من اخر مرة سالتها الاسئلة دي
وبالمرة قلت اكتبها يمكن حد يحب يلك مع نفسه شوية ومعاكم الاسئلة اللي عايز يواجه نفسه يتفضل يقرأ بس يجاوب
وبينه وبين نفسه طبعا
هل تحب نفسك أي هل تحس بالغرور والتكبر والاعجاب بالنفس؟
هل تحب المدح من الاخرين؟
هل تضيق من النقد او من ابراز عيوبك من شخص اخر؟
هل انت ممن يؤثرون مصلحتهم وراحتهم دائما ولو على حساب الاخرين؟
هل تغلبك الشهوات دائما؟
ما هو المقدار الكافي لك من النوم - الاكل - الكلام؟
هل تطاوع نفسك وهواك في كل ما تطلب؟
هل انت متسرع عجول؟
هــــل انت عصبي سريع الانفعال؟
هل انت شديد الحساسيه تجاه الاخرين ومع ذلك لا تراعي مشاعر الاخرين؟
هل تتحدث عن نفسك كثيراً وعن اعمالك وآرائك وانجازاتك وماضيك وآمالك حتى مع نفسك وليس بالضرورة مع الناس؟
كيف تنظر للآخرين سواء الافضل منك او الاغنى منك او الاشهر منك او جميعهم والعكــس أي الاقــل منــك و الافقــر منك و الاضعف منك و الاجهل منك؟
هل تعتقد انك لم تأخذ حقك في هذه الحياه؟
كيف ظنك بالناس (حقودة – مؤذيه – غير ودوده – ودوده – الخ ) ؟
هل انت راضٍ بما قسم الله لك من رزق؟
هل تحب ان تُقدم اليك النصائح؟
هل انت كثير الكلام؟
هل تفكر كثيرا في نظرة الناس لك؟
هل تغضب لنفسك وتنتصر لها دوما؟
هل تمدح نفسك وتدافع عنها ولا تحب ان يعاب عليك وتسوق المبررات لكي تكون الصائب دائما؟
هل تغتاب الناس ولو بقلبك؟
هل تحب ان يُنتقص بضم الياء الناس امامك؟
هل تقبـل النميمه وتحب نقلهــا؟
هـــــــــــــــــــل تكــــــــــــــــذب؟؟؟؟؟؟؟؟؟؟؟؟
عندمـا تكذب احيانا هل يكون شعورك ان هذا طبيعي ومن حقك وأن هذا هو الصواب؟
هل انت خائن او غــادر او بوجهــين؟
هل انت مشغول بما لايعنيك؟
هـــــــــــــــــــل انت متعصب لرأيك ولا تقبل الخلاف ولا المناقشــــــه ؟
هل انت تحب الاخذ ولا تحب العطاء؟
هل تشتهي ان يُذل بضم الياء الناس لك ويتوسلون لك؟
هل تحب ان يسارع الناس في خدمتك واكرامك ويثقل عليك التواضع للآخرين؟
هــــــــــــــــــــــــل تحــــــــــــب البطــاله والكسـل والنــوم؟
هل حـــدث مـــرة ان منعت خيرا عن احد من الناس؟؟؟
هل احببت ان يصيب احد الناس شرا ؟
هل حدث مرة ان كان باستطاعتك منع او درء شر عــن احــد الناس ولم تفعل او العكس أي تجلب خير لاحدهم ولم تفعل ايضا؟
هل حـــدث مـــرة ان منعت خيرا عن احد من الناس؟؟؟
هل احببت ان يصيب احد الناس شرا ؟
هل حدث مرة ان كان باستطاعتك منع او درء شر عــن احــد الناس ولم تفعل او العكس أي تجلب خير لاحدهم ولم تفعل ايضا؟
ما هو تقييمك للناس ؟هل هو :
•على قدر حبهم واخلاصهم لك؟
•ام على قدر ثناؤهم ومدحهم لك ؟
•ام على قدر خدمات احدهم لك؟
•ام على قدر ارضاؤهم لغرورك ونفاقهم لك؟
•ام على قدر رقتهم وخفة ظلهم ؟
• ام على قدر موافقتهم لك واشباعهم لشهواتك؟
هل انت مراء او منافق تحب ان تُحمد بمالا تفعل؟
هل انت من اصحاب الدعاوي العريضه انا وانا وانا وانا وانا وانا ؟
هل انت متطلع لما ليس عندك متشوق لما لا تقدر عليه أي هل تعرف حق قدرك ووزنك؟
ما هي مساحة الجد من الهزل واللعب في حياتك ؟
هل تعترف بالخطأ وتتراجع ام يصعب عليك التراجع والاعتذار؟
متى تشعر بالسعاده ومتى تتـــــألــــــــم؟ هل الاحساس بالسعاده او الالــــــم مرتبط بالجسد ام بالمشاعر وعلاقتك بالاخرين؟
هل تحب الشماته؟
هل عندك القدرة على العفو وأن تغفر اخطاء الاخرين؟
هـــــــــــــــــــل تقبل الاعتذار او تلتمس الاعذار؟
هل تسامح وتنسى الاساءه؟
هل انت قلـــــــــــــــــــــــوق وموســــــــــــــــوس؟
هــــــــــــــــل انت مهمـــــوم دائمــــــا وتختلق همــــــوم لتشعر بأنك تحملها وتثقـــــل كاهــلك؟
هل تعيش في وهم كبير ثم تصدقه وتظن انه حقيقي وتبحث عن علاج له؟
هل تستطيع ان تأخذ قرارا عند الحاجه في دقيقه واحده ام تكون متردد لا تستطيع الحسم؟
هل تحب المظاهــــــــــــــر؟
هل تحب ان تتظاهـــــــــــــــــــــــــر؟
هل انت عنيد تحب المخالفه والاصرار؟
ما هي النســــبه بيــن داخـــلك وخارجـــك و ســـرك و عـــــلانيتك و باطـــــنك وظاهـــــرك ؟
هل انت كريم ام بخيل ام حريص؟ (البخيل على كل الناس بما فيها نفسه اما الحريص فهو كريم على نفسه بخيل على الناس ) .
هل انت رقيق هادئ الطباع لطيف ام قاسي غليظ؟
ما هــــــــــــــو رأي اعدائك ومن يكرهونك فيك؟ وماذا يقولون عنك ؟
هل تحب الناس ام تكرههم؟
هل انت غاضب من الناس؟
هل انت راضي عن الناس؟
من انت من كل هذه الاسئله؟
طبعا انا شايفة ان في اسئلة كتير تعتبر متكررة المعنى
بس دا برضوا كويس لانه بيعرض السؤال باكثر من شكل
وممكن تفاجأ انك اجابتك مع نفسك مختلفة
دا لو عرفت توصل لاجابة حاسمة
انا عن نفسي باشوف الاسئلة دي سهل ممتنع
سلام يا شباب
60 comments:
السلام عليكم
ازيك يا ماعلينا
اولا الموضوع رائع جدا ومش هيكفيه يوم في تمعن ما فيه
جزا الله شيخنا محمد حسين يعقوب خير الجزاء
والله احب هذا الشيخ في الله
الاسئلة كشفت حجات كتيرة اوي
ديما الشيخ يعقوب بيركز علي إصلاح النفس والقلوب
والاسئلة ديه خلاصة مواضيع كتيرة جدا ومن اجابتها الواحد بيكتشف اد ايه هو مليان عيوب
لازم قاعدة فعلا
بس قاعدة طويلة ...لن الاسئلة أظهرت عيوب كتيرة اوي
ربنا يعافينا ويرزقنا الاخلاص
جزاكي الله خيرا اختي الكريمة علي الموضوع
وأدعو الله ان يجعله في ميزان حسناتك
دمتي في خير إن شاء الله
مش مصدق؟!؟
انتي تبتي يا ما علينا!!!؟
---------------------------------
بجد موضوع جميل جدا, و فعلا الواحد بيحتاج انه يراجع نفسه كل فترة و يحاسبها و يقومها انا فعلا هجاوب على الاسئلة دي و اقيم نفسي
بوست بجد جميـــــــل جدا
و ربنا يكرمك يا رب
ملحوظة:
رجاء استرجاع جميع الطوابع و الترب و الباكتات التي في حوزتكم لحين انتخاب رئيس هيئة البريد
شكرا
الراقص مع الذئاب
الشيخ محمد يعقوب من الناس
اللي كلامهم بيدخل القلب
ربنا يجازيه خير
ربنا يعافينا اخي
ويعينا على اصلاح انفسنا
الواحد من وقت للتاني بيحب يقف مع نفسه وقفة
ربنا يغفر لنا جميعا
نورتني ايها الراقص مع الذئاب
S H A H
ايه يا لورد
انت جاي تشنع على وتسيح لي
ايه تبت دي
اسكت يا عم كدا هتسوأ سمعتي
وسط معلمين الكار
دي وقفة مع النفس
بييجي بعدها العيد بهيصته
وبعدين مفيش تعارض
انت ما شفتش حمدي غيث في ارض الخوف
وهو بيتكلم عن الحشيش
وانه نبات خلقه ربنا
وبعدين هو انا قلت اني هاستقيل
علشان تطالبني بالعهدة
سعيدة جدا يا شاه ان البوست عجبك
وهاجي اشوف
الزوار عندك ايه اخر اخبارهم
واللي محتاج طوابع
نشوف طلباته
دي نقرة ودي نقرة
مش عارف اكتب اقول ايه؟؟
هو البوست جديد من نوعه بس جميلة جدا الاسئلة
هو انتو قاعدين فين علشان اللى عايز يقعد؟؟
تخاريف دكتور
طيب جبت نفسك
لو هي معاك
هي هاتدلك على مكانا
عيش بقى مع نفسك يا دكتور
السلام عليكم ... أتشرف بأن يكون اول تعليق لي على ما علينا على كلام الشيخ يعقوب حبيب الملايين ... أنا بس لفت انتباهي ان كثير من هذه الأسئلة تجسد مأساة الشعب المصري و يمكن العربي الآن و هي على سبيل المثال لا الحصر ...
"النميمة, سوء الظن بالناس, كلام كتير شغل قليل نوم كتير , الرفاهية و عدم الرغية في الشقاء و التعب ,التسلط,الكذب بل و تبريره " و كثير من هذه الأمراض الأخلاقية ... و طالما تسائلت ما السبب؟
ربما غياب الحلم ... حلم يجمع الأمة و يفجر طاقات الأفراد في فترة الحلم كان الملكية و فترة اخرى اعلاء الثورة و تمجيدها و تارة السلام و أحلام الرخاء و اخر الحروب و ما دون ذلك ... دعكي من صدق أو كذب كل هذه الأقاويل و لكن المهم انه كان هناك فكرة و اضحة تعطي الشرعية للناس لكي تحلم و تتعاون مع بعضها
أما الان ... فدعاوي الإستقرار التي أصلا تعني في الواقع غياب الحلم و غياب المشروع أدى الى أن يلتفت الناس الى ما عند كل منهم و يتفاخر أدهم بما لديه و يحاول أن يحقر من شأن الاخر
هكذا تم تمزيق نسيج المجتمع و توصيله لحالة من الصراع الذاتي التي سوف تتفجر قريبا ...
أخيرا كل هذا أدى الى اصابة قلوب الناس بأشد الأمراض ضراوة على كل الجوانب و هو ما عبر عنه الشيخ بعبقرية في السؤال التالي ...
هل تعتقد انك لم تأخذ حقك في هذه الحياه؟
نعم لم أخذ حقي في الحياة ... حرمت من نعمة الحلم و التطلع لأن أكون الأفضل
احباااااااااااااااااااااط
ياللا ما علينا
My friend, I make votes so that you have a good weekend
السلام عليكم
سهل وممتنع
دا صعبه جدا جدا جدا
اصعب شئ للانسان انه يتعري قدام نفسه
بس جزاكي الله خير
تحياتي
The Last Samurai
اولا انت شرفتني جدا جدا بدخولك مدونتي
وبرغم ان كلامك يشير الى ثورة وغضب عارمين بداخلك
فدا معناه الموضوع جذب اهتمامك لدرجة انك تعلق عليه
واخي لا داعي للاحباط
الامل في ربنا موجود
المهم اننا نصلح من انفسنا اولا
لنستطيع من تحقيق الاصلاح على المستوى العام
اتمنى زيارتك تتكرر
قريت بداية البوست
لكن عذرا وقتى مش سامح لى انى اكمله
لكن اكيد محتاجاه
ومحتاجه اخد نفسى واقعد انا وهى فى مكان فاضى ابقى انا وهى لوحدنا
علشان لما تحصل مشكلة ماحدش يعرف يخلصها منى
صحيح بنقعد دلوقتى مع بعض كتير
بس الكتب بتاعتى اعتبرها محرم
مش هاينفع صح
دعواتك
:)
david santos
then what do you want?
mohand
وعليكم السلام ورحمة الله وبركاته
عارف يا اخ مهند
انا باعتبر ان السهل الممتنع اصعب بكتير جدا من الصعب في معناه المتعارف عليه
علشان كدا قلت ان الاسئلة دي سهل ممتنع
لانك ممكن تلاقي حد يقولك اه عادي
انا مش بامنع الخير
لا انا مش باكدب
لا انا مش باتنرفز
كدا اجابات متسرعة
لكن الواحد لو تانى مع نفسه شوية
بيبقى محتاس
ومكسوف اوي من نفسه
لانه لما بيدور جواه على الاجابة الحقيقية
ممكن يكتشف بلاوي
وحكاية ان الواحد يعري نفسه قدام نفسه
دي مش صعبة وبس
دي قاتلة
ومجهدة نفسيا جدا جدا
الله المستعان
وربنا يرحمنا جميعا
ان شاء الله
WiLdBiRd
ياستي براحتك خالص خالص
البوست مش هايروح كدا ولا كدا
المهم انت شدي حيلك بس
وربنا معاكي
والكتب طبعا هاتبوظ القاعدة
لازم انت ونفسك بس
ولما يحصل شد وجذب ناديلي
وانا اجي افض الاشتباك
ربنا يكرمك ويوفقك ان شاء الله
انابكسل اقعد مع نفسى
وانت عايزانى اجيبها ونيجى نقعد جنب نفسك
صعبة الحكاية دى
وبعدين الاسئلة دى كتيرة اوى
انامعاكى ان المفروض كل واحد يقعد مع نفسه شوية
بس بالطريقة والاسئلة دى
صعب اوى ع النفس او يكاد يكون مستحيل
خلينا نكون واقعيين
احنا مش عايشين فى المدينة الفاضلة
ومفيش حد خالى من العيوب
ولا الكوليسترول
هههههههههههههههههه
بونسوار
ايوة كدة طالما رجعلنا تاني يبقى براءة و تفضلي انتي البارونة, انا مكنتش عارف ادي مكانك لمين كان فاضي فعلا
و اهو ساعة لقلبك برده
مش عارف ليه حاسس انه طلعلي قرنين و ماسك شوكة طويلة في ايدي
شوفيلنا بقى حتة نستصلحها عشان نزرع بقى و الانتاج يبقى طازة كدة وفريش
و خلي الزبون ينبسط بقى
---------------------------
على هامش الكومنت
----------------------------
ما علينا: انا كل مرة بسألك على الامتحانات اخبارها ايه طبعا لازم تطمنيني, بس كنت احب اعرف انتي في كلية ايه و سنة كم
ثانيا
اسمك ايه!!!؟
كل الحواديت و بارونة .............ااااااااااااااه ولا يمكن خايفة تتقفشي؟
يعني لو تحبي تدلي بالمعلومات دي اكون شاكر فضلك يا كبيرة :)
مش عايزة انا هكتفي بالطوابع, ابقي ضيفيني بقى عندك على الماسينجر عشان نشوف الارض اللي هنشتريها فين و هنزرعها ايه
و اجمل سلام مؤقت لملكة الكييف
دكتور كسلان
ومالك على يمين
بعد ما كتبت البوست ولقيته طويل
قلت انت هاتكسل تقراه للاخر
وعلشان كدا انت بس هاقسط لك الاسئلة
وبلاش تجيب نفسك وتيجوا جنبنا
خليكوا زي ما انتم
وانا واقعية جدا لعلمك
وكونك تسأل الاسئلة دي لنفسك
مالوش علاقة بالمدينة الفاضلة
انا بقول نسال
ونجاوب بصراحة بس
طبعا شيء مش سهل ابدا ابدا
لكن نحاول
قدر انكانا
عارف امتى بقى نبقى في المدينة الفاضلة
لو سالنا نفسنا وجاوبنا
وغيرنا عيوبنا
وصلحنا من انفسنا
وقدرنا نتغلب على كل سقطاتنا
مش كدا ولا ايه
S H A H
بونسوارك معاك يا لورد
حلوة اوي انك حاسس انك بقيت شوشو
ايوا عمال تشجعني على عدم التوبة
علشان يعني ما في بينا صفقات وكدا
انا في تجارة يا شاه
سنة تالته
بس تعليم مفتوح
واسمي المعروفة بيه لاصدقائي في دنيا النت عموما
جميلة بوحريد
وياباشا انا تحت امرك
ولو اتفشت
اهو في شغل بيتعمل من خلف الاسوار برضوا
لا وايه بيبقى احلى شغل
والواحد بقى خبراته تزيد جوا
هاقابل العتاولة بقى
واوسع دايرة معارفي وخبراتي
نقفل المحضر با يا بيه
ولا لسه عايز اقوال تانية
هو انا بقيت الملكة
وموضوع الارض دا
نبقى نستعين بمباحث المخدرات
اكيد مصادرين اراضي كتير
من النوع اللي احنا عايزينه
ناخد من الحكومة
ويبقى لها نسبة
جهز بقى الشاي على ما اجي
القعده مع النفس مهمه اوى
بتعالج العيوب
اوتقللها وده مكسب
لكن الاسئله دى كتيره اوى
دى عايزه اسبوع اجازه
انا بحاسب نفسى دايما بس مش بكل الأسئله
يعنى بحاسبها اول بأول مع
كل موقف احس فيه انى
اتصرفت بطريقه مش صح
واحيانا فعلا رغم كبر سنى اقول لنفسى
انى حاربيها ممكن اكون شفت
حد عمل خير احاول اعمل زيه
ربنا يهدينا جميعا
ويجازيكى خير
تحياتى وسلامى
جميلة بوحريد؟؟؟؟
يعني شرايط دين و توبة و سكتنا
بارونة مخدرات و قلنا ماشي و اهو بنسترزق و الايد البطالة مش حلوة
كمان طلعتي قومجية و سياسية وبعدين معاكي
عندي احساس هوقف اشتري من كشك ايس كريم الاقيكي واقفة بتقوليلي فراولة
ولا مانجة و لا مستكة؟!؟
لابد ان كل شخص يقف مع نفسه وقف كل فترة من اجل تقييم مدى تقدمه فى حياته وفى علاقته مع ربنا ومع الناس
انا قلت يقف مش يقعد علشان حبايبنا الى بيعلقوا تعليقات ظريفة
سلام يا غالية
klmat
معاك ان الاسئلة كتير
بس هي المشكلة في انها كتير
المشكلة في اننا هانقدر نصارح نفسنا
بالاجابات الحقيقية ولا لأ
والأسئلة دي
غير محاسبة النفس
دي لاكتشافها
يعني
المفروض في الاخر
دا لو وصلنا لكل الاجابات
اننا نكتشف احنا شكلنا ايه
وهي ممكن تحتاج العمر كله
مش اسبوع وبس
وزي الاخ مهند ماقال
احنا هنا ومع الاسئلة دي
بنعري انفسنا
من كل القشور اللي احنا
مجملينها بيها
حتى بينا وبينها
ودا شيء صعب جدا غير
اني احاسب نفسي على موقف عملته
انا حقيقي
باسعد جدا بدخولك عندي وتعليقك
يارب دايما كدا تنوريني وتشرفيني
S H A H
ايه دا
انت فقت ولقيت البلوج
ولا الشعور تغلب على اللاشعور
ازيك يا لورد
وكلام في سرك
انا من يومي وانا ثورجية ومعارضة
بس ايه آيس كريم دا
ايه الدلع دا
انت ممكن تلاقيني اوك واقفة في كشك سجاير من بتوع السجاير المستورد
ولا في كشك من اللي بيعملوا
شاي في اي موقف
ممكن تلاقيني طابور خامس
مايضرش برضوا
طالعين من المدبح ومالوا
يا لورد احنا بتوع كله
انا مؤمنة بحكمة
اعرف شيئ عن كل شيئ
افضل من معرفة كل شيئ عن شيئ واحد
وبعدين ماخفي كان اعظم
خليك معانا
تجد ما يسرعك
أبو سويلم
منورني يا ابا محمد
الموضوع صعب اوي اوي
يا محمد افندي
ادينا بنحاول
وربنا يقدرنا
نقدر نكتشف حقيقة نفسنا
باتمنى في النهاية
اني اقدر اعترف بيها
وما تكونش حقيقة اخجل منها بيني وبين نفسي
وبالنسبة للناس اللي بتستظرف
انا حتى انهم المره دي
مش متقالين العيار كالعادة
نورتني
يا اخو الغالية
يا غالي وفوق الراس
الأسئلة دي
ممكن تنزل على نافوخ الواحد
زي الطوب
..
وممكن تنزل زي الدبش
..
وممكن تنزل جردل ميه ساقعة
..
وممكن تخلي الانسان يحتقر نفسه
أو يخجل منها
...
...... وممكن
ممكن الواحد يبتسم ابتسامة رضا بعد ما يقراها و يقول : الحمد لله
السلام عليكم
جزاه الله خيرا عن كل المسلمين يارب
الواحد لو جاوب على الاسئله دى
يا هيكتئب يا هيكتئب
ربنا يرحمنا ويهدينا جميعا
جزيتى خيرا
بوست حلو اوي
حوار مع النفس
ارقي واصعب واصدق حوار
وفققي الله دوما
حاسبوا انفسكم قبل ان تحاسبوا وزنوا اعمالكم قبل ان توزن عليكم
الله المستعان
والله انتي سكر يا جميلة
====================
و يا سلام بقى لو تكملي الباكورة الجامدي دي بقى بعربية حلابسة
و ميمنعش تبقي بتاعة غزل بنات برده
و يا سلام عليكي و انتي واقفة بتبيعي فجل و شبت و بقدونس
مزاجي النهاردة فعلا مش رايق مش عارف ليه
سلام مؤقت
.أنونيمس
بصراحة يا دكتور
لخصت انت الموضوع فعلا
ونفسي اوي
في ممكن الاخيرة
نفسي بعد ما اخلصها مع نفسي
احس بالرضا واقول الحمد لله
بس هل ممكن
الواحد
يجيب 410 من 410 في الاسئلة دي
ياريت
ربنا يعيننا على جهاد انفسنا
قلبى يهذى
ليه بس
يعني لازم يكتئب
خلينا نقول يا رب
ورحمة ربنا واسعة
جزا الله جميع المسلمين خيرا ان شاء الله
سعدت بزيارتك وتعليقك
بالله المستعان
ومش اي حوار
نقدر نقول دا امتحان
وككل واحد يبص في ورقة اجابته
ويجاوب
وممنوع الكتابة على ورقة الاسئلة
منورني يا رؤية
ليكي وحشة والله
الله المستعان
S H A H
ايه يا شاه
انت عايز تلم النمل علينا ولا ايه
وبعدين السكر دا
بابيعه في محل البقالة اللي واقفة فيه
على اول الشارع
طبعا بعد ما بارجع من وردية شغل التباع على الميكروباص بالنهار
وباقرف الركاب طبعا
بحاجة ساقعة بيبس حاجة ساقعة بيبس
وعلى ما دور العربية اللي شغالة عليها
بالف بمناديل وفوط صفرا
وورد يا هانم
فل يابيه للهانم
وعاملة بقى عربية
عليها
شبشب لحمادة يا ام حمادة
واحلى تيشرت بت 7.5 تعالى بص
غير طبعا العيال اللي مسرحاهم
في اشارات المرور
وعند الجوامع
ويوم الجمعه بقى بطلع القرافة
ناخد نصيبنا من الرحمة
وحاجات كتير
هاحول انظم وقتي
واشوف جدول اعمالي
واحاول ادخل مشروع عربية الحلابسة
ونسيت البصل والكرات الجرجير والجعضيض ليه من مشنة الخضار
دول كانوا بدايتى خالص
استاجذك بقى
رايحة المدبح عندي دبيحة
بس ايه معكر مزاجك يا لورد
حد يبقى في غرزة ماعلينا
ومزاجه يبقى عكر
دي وحشة في حقنا
انت كدا بتضرب سمعة الصنف اللي باقدمه هنا
سلام يا لورد
ما علينا
ازيك ياجميل
معلش
انا جاية اخر واحدة ومكسوفى منك ووشى فى الارض
بس والله غصب عنى
حلو اوى البوست دا
والاسئلة كمان صريحة اوى وبتوجع اوى
وعاوزة صدق مع الذات فى الاجابة
ويمكن الواحد يطلع من الاسئلة دى بحاجات كتير غلط بيعملها ويحاكم نفسه
اصل اصعب حاجة الواحد يطلع مذنب قدام نفسة
تحياتى ليكى
:)
Hadota .. حدوتة
ليه بس يا حدوته
وشك في الارض
هي عجباكي ولا ايه
يا ستي
انت تيجي براحتك
انا فاتحة المدونة
ومفيش تقيد باي مواعيد ولا ترتيب
المهم اني على بالك يا ست الكل
وبعدين انت خلاص حكمتي انك اخر تعليق
اقفل باب التعليقات على البوست دا بقى
منوراني دايما جميل
ولو انت اخر تعليق
يبقى ختامها مسك
Hadota .. حدوتة
ايوة الاسئلة دي بتوجع اوي
بس نحمد ربنا انها بتوجعنا
معنى كدا اننا بنحس
ولسه عندنا ضمير
واللي مش بتوجعه
ربنا يتولاه بقى
ايه الاسئله الجامده ديه
ده الواحد يجيب نفسه ويقعد هواء
بس تفتكري في ناس ممكن تجاوب علي الاسئله
ديه بصراحه
انا اعتقد
ان الي بكدب علي الناس
سعات كتير بيكدب علي نفسه
كفاية
ده تقطيع
بجد
الشيخ محمد دايماً بيجي علي الجرح
جزاه الله خيراً
وجزاكم
البارونة الكبيرة
ايه بس كمية الشغل دي كلها, انا قلت التوديكة و تجارة المخدرات دي مجتش من فراغ فعلا
و الناس قال فكرها ان تجارة المخدرات سهلة و القرش جي لوحده
ميعرفوش كم المخاطر اللي بتقابلنا
ميعرفوش القلق اللي احنا عايشين فيه
انا مش هنسا مواقفك معاايا يوم جيتي طلعتيني من القسم
حتى ال 3 ايام اللي قعدتهم هناك العساكر كانو بتوصيين بيا و يقولوي ست الهانم برة مروقاهم
دي كلها مواقف مش ممكن انسهالك ابدا يا جميلة
وفاكرة يوم الخناقة بتاعة باكوس لما طلعو علينا العيال و كسرو العربية و كسرولي رجلي معاها؟!؟
محدش عمل معايا اللي انتي عملتيه ده
حبيت بس اوضح جزء من المخاطر و الصعوبات اللي بتقابلنا
و قد ايه على قد الشر اللي جوانا بس جدعان و دايما نقف جنب بعض
ابو اسماعيل هيعدي عليكي النهاردة مشهوصيكي
و ميعادنا احنا بليل في الغرزة بتاعتنا
و احب اقولك اني عملت بلوج جديد اسمه
صحتك في القرش ده
و سلام مؤقت
مش تحطيلك بقى شات بوكس كدة لزوم الدليفري؟
سهل ايه وممتنع ايه بس
هى لا سهلة ولا حاجة
يكفى هذا
ما هي النســــبه بيــن داخـــلك وخارجـــك و ســـرك و عـــــلانيتك و باطـــــنك وظاهـــــرك ؟
لو تعلمون ما اعلم عن نفسى لحثيتم على رأسى التراب
بارك الله فيك وجعله فى ميزان حسناتك
تحياتى
محمود علي
طبعا ما افتكرش خالص
واعتقد مستحيل حد يجيب 410 من 410
في الاسئلة دي
واللواحد مش ساعات بيبقى سهل يضحك على نفسه
لأ
دا دايما سهل عليه يضحك على نفسه
علشان يسهل الامور بينه وبينها
وما تقرفهوش
منورني يا عم محمود
خليك فاكرنا يا عم الثائر
S H A H
اييييييييييييه
هاتقول لمين بس يا شاه
ومين يفهم ويقدر
عموما ماعلينا
احنا قاصدين وجه الكريم
وبعدين
عايزين نتفق على
عملية تكون مسك الختام
بعدها ناخد الاموال فومين غسيل
في اي غسالة من بتوع غسيل الاموال
او دراي كلين حتى
ونبقى بقى
من الصفوة واهل الخير في المجتمع
وبعدين شات بوكس ايه
بس
ما انت عارف
الواحد متعقد من البوكس
وبعدين خلينا كدا على ادنا
اعمل شات بوكس
ومباحث المدونات العامة
ولا المدون العام
ولا الاشتراكي
يقولي من اين لك هذا
لا كدا خلينا بعيد عن العين
BinO
وجزاك اخي ان شاء الله
هو فعلا تقطيع
بس اعتقد المفروض
انه لابد منه
وياريت تكون نتيجته ايجابية
الطائر الحزين
وبارك فيك اخي
وفي جميع المسلمين ان شاء الله
وبعدين ما انا قلت
ان السهل الممتنع
اصعب من الصعب
وقصدي من كلمة سهل ممتنع
ان في ناس ممكن تبص للاسئلة نظرة سطحية جدا
ويقولك اه عادي
انا مش باعمل دا وباعمل دا
وانا في الصفة دي
ومفياش دي
صدقني في ناس كدا
ومستسهلة الموضوع دا جدا
ربنا يعافينا كلنا
هههههههههههههههههههههههههه
هههههههههههههههخخخخخ
و الله ده كان اشد كومنت قريته ليكي, بجد انتي مشكلة
موضوع البوكس ده موتني هوا و فمين الغسيل
بس اللي قتلني ضحك بقى بجد يا جميلة
ان انتي كاتبة موضوع ديني
والناس داخلة تقولك جزاك الله كل خير و اللي يقولك جعله الله في ميزان حسناتكم
و ببوص لقيتك لابسة الخمار و بتقولي: عسى ان يغفر الله لنا جميعا
المصيبة بقى ان احنا الاتنين عزف منفرد لوحدنا عن المخدرات و هاتك يا ضحك و تريقة في نفس البوست اللي انتي عاملاه و كل شوية الاقيكي تتحولي على طول
ده في حد ذاته غسيل اموال اهه
ده انا مش شيطان, انا تلميذك يا مجرمة
بجد جتلي هسترية ضحك, و محدش خد باله من اللي حصل
الاخوان لو قفشوكي هيهدروا دمنا
سلام مؤقت
اه يا مجرمة
شاه هايضايفك بالصنف ويعلى دماغك
================================
بس حلوة منك برده
مستني بوستك الجاي بقى........نعم للمخدرات
S H A H
انت خلاص اديتني لقب مجرمة
ولا يهمك يا حاج
وبعدين مش انت يا شاه
اللي بتدخل تجرجرنني من الجو الروحاني دا وتحرضني على الاتجار بالصنف
وبعدين انت بتقول ولا حد واخد باله
لا طبعا
بس الناس فاهمة كويس جدا
ان العزف المنفرد بتاعنا ما هو الا نقد ساخر
واسقاط على الاجواء التى اصبحت هي
الطبيعي بتاع المجتمع
وطبعا امن المدونة عمل عنك تحريات جامدة جدا
واتاكدوا انك ماشي تمام
وكلام المخدرات دا ما هو الا فنجرة بق
وحوارنا
عامل زي فاصل ونعود
احنا الاتنين وكل الناس
فاهمين كويس جدا
ان دا ما هو الا تهريج
ولعلمك الاخوان
مش بيهدروا الدماء
دول ناس تفكيرهم معتدل
يمكن التكفير والهجرة يعملوها
بس ما تقلقش انا مأمنة المدونة
حطاها تحت رعاية امن الدولة
شاه انا لسه ما شربتش الشاي بتاعي
حاسة ان ردي مش مترابط
بقولك صحيح
والنعمة لو العنوان اللي انا حاطاه لمدونتك ما هو عاجبك
قولي بس وانا مش هاغيره
سلام يا عم
اروح للصنف الوحيد اللي انا مش عارفة ابطله
شايي العزيز
ما علينا
كل الكلام ده جميل جداً جداً بس أحب أوضح وجهة نظر صغيرة وهي أن الأسئلة دي لما تتجاوب هتلاقي إجابات كتيرة وملهاش عدد لأن الإجابات بتتحدد على أساس الدين والتربية والأخلاق والبيئة المحيطة بالشخص والتفكير والشخصية وغير كده كتير
بس في الآخر أحييكي جداً على البوست الجميل ده لأننا كسبنا من كلامه كتير أوي
nosha
انا فاهمة قصدك
ان كل واحد له معايير
بيحدد بناء عليها ايه الصح وايه الخطأ
ودا راجع هو اتربى ازاي
يعني اللي انا باعتبره كدب
غيري ممكن يكون عنده قناعه تامه انه مش كدب
والنفاق
غيرك ممكن يكون مؤمن جدا انه ذوق ومجاملة
بس اهو الواحد يحاول
وسعيدة انك وجدت وجه ايجابي في البوست
وسعيدة اكتر انك بتشرفني
ان العزف المنفرد بتاعنا ما هو الا نقد ساخر
واسقاط على الاجواء التى اصبحت هي
الطبيعي بتاع المجتمع
==================================
احنا الاتنين وكل الناس
فاهمين كويس جدا
ان دا ما هو الا تهريج
===================================
ولعلمك الاخوان
مش بيهدروا الدماء
دول ناس تفكيرهم معتدل
==================================
شاه انا لسه ما شربتش الشاي بتاعي
حاسة ان ردي مش مترابط
----------------------------------------------------------------------
لا يا جميلة معجبتنيش خالص في الكومنت ده او يمكن مفهمتنيش اصلا, او احتمال عشان مشربتيش الشاي
حتى انتي في الاخر حسيتي بنفسك في حاجة غلط
لا زعلت خلاص و مش هعلق يا ماعلينا
احبطيني
ده انا لسة كنت هحبك خلاص و بتصل بماما و بقولها جميلة بوحريد
وكلهم عملو حسابهم عليكي الحقيقة
بس احبطتيني :((((((
وبعدين ايه اللي انتي كاتباه ده؟؟
ان العزف المنفرد بتاعنا ما هو الا نقد ساخر
واسقاط على الاجواء التى اصبحت هي
الطبيعي بتاع المجتمع
انتي كنت واخدة صنف نجيب محفوظ و لا عاملة دماغ صحافة و لا ايه بالضبط؟
ولا مكنش في بقرة لفيتيه في ورق جرايد!!!!؟
S H A H
معقولة
يعني كدا انا خربت على نفسي
انا قلت يا بت اعملي فيها مثقفة
وبتقولي كلام كبير
اصل شاه كدا شكله اخد موقف من موضوع المخدرات
وممكن الموضوع دا يضيعك من ايدي
لالا خلاص
انا مش هاستعر من حقيقتي
وهي اني نشأت وترعرعت
بين أشجار الخشخاش
ونبات القنب
ولعبت صغيرة بالشيشة
والكانشة
عارف الكانشة
خلاص خلاص
يا شاه
اتصل بالحاجة
وبعدين ايه كلهم عملوا حسابهم على دي
انتم داخلين على طمع
هي العيلة كلها جاية وطمعانة
اظبط الجمجمة مجاني
لا معلش
دا اكل عيش ورزق
ما ينفعش فيه المجاملات
بس ممكن اجاملهم
في اني اقدم لهم صنف
عالي
خلاص بقى سماح
فعلا ما كنتش ضاربة الشاي بتاعي
وحالا لسه
واخدة الجرعة بتاعتي في الوريد
ومن الاول نتفق
كل واحد يشتغل في منطقته
ومنتعداش على مناطق بعض
خلاص بقى
ما عاش اللي يحبطك
بعد الشر عليك من الاحباط
وبعدين الصنف الجديد
انا كنت واخداه شد
سطرته وشديته
بس كنت مسطراه على
كتاب
عن السياسات الداخلية
فتلاقي محتوى الكتاب كان
ناضح على شوية
وضربت بعدها دبوس انما ايه
منتظراكم بقى
شبكتي
طن حشيش حاجة تيجي كدا
والمهر كفاية عليك
كيلو بودرة بيور
و10 % من كل عملية تعملها بعد كدا
خلاص بقى
اروح اشرب شاي تاني
شاه
واحدة جنبي
قرفاني
وتقولي قوليله
عايزة قرش كابتشينو
السلام عليكم
مدونتك رائعه
واسمحلى اهديك التاج
تحياتو وسلامى
klmat
اولا اشكرك
على كلامك الجميل
ورايك الذي اعتز به جدا جدا
واشكرك جدا على التاج
وان شاء الله انزله
في اسرع وقت
جزاك الله كل خير
وربنا يوفقك ويوفقنا جميعا
3abdo me7tas
واياك اخي
ربنا يوفقنا جميعا للخير ان شاء الله
نورتني والله
وكمان جاي لي بالنيولوك الجديد
الف مبروك
الصورة القديمة كانت جامدة برضوا
وبصراحة كانت واكلة مع الاسم اوي
لكن عموما الف مبروك
بس يا ترى ايه سر التغيير؟
ايوة كدة بردتي قلبي
افتكرتك طلعتي عن طوعي
وبعدين كانشة ايه يا مجرمة
اانا بقى بدات اجزم ان كل اللي فات مش تهريج و بحقو حقيقي
كانشة و تسطير و دبوس و ضرب
الكلام ده ميطلعش غير من ولد قديم كمان و بيعرف يلف الجوين التمام
كدة بقى نكلم الحاجة عشان نقيم الافراح و الليالي الملاح
و حق عرب عليا لوزع محصول الخشخاش كله على المعازيم
و السجاير هتنزل محشية جاهزة بالفيتامين بتاعها
و مسامحينك كمان يا ما علينا في كل اللي فات
انتي برده كنتي تعبانة و اكيد مكنتيش في وعيك لما قلتي الكلام الكبير ده
ايوا كدة احنا محتاجينك
الدنيا من غير كئيبة و دمها تقيل
حمدالله على السلامة
و شبكتك و مهرك ابروفد يا ست الحسن و الدلال و عليهم كمان 2 درنب من محصول الارض كل سنة لاجل عيونك الطعمين
احنا في ديك الساعة لما ترضى علينا تمر حنا
مش عارف ليه حسيتني فريد شوقي
و قولي للي جنبك قرش الكابتشينو موجود و مستنيكي
واجمل سلام مؤقت
البلوج النهاردة علقنا فيه الكهارب استعدادا لحفلتنا الميمونة
نحن هنا يا تمر حنا
النهاردة الخميس يا جميل
هااا فاهماني طبعا
مش عارف ليه حاسس ان تمر حنا لايق عليكي
سلام مؤقت
الاسئلة جامدة
و هيا فكرة جميلة
بس زي مقولتي ممكن تكون مرهقة ذهنيا
تحياتي و تقديري لك
:)
مدونتك جميلة جدا .. قرأت معظم ما كتبتيه و استمتعت بالوقت الذي قضيته هنا .. يعني عقلي هو اللي استمتع أحسن ما حدا يقلّي انت فاكر نفسك عالكورنيش
ـ أما لماذا اخترت ان اكتب تعليقي هنا .. فلسببين
ـ أولا ان هذه الأسئلة مهمة جدا و الإجابة عليها ليس سهلة .. بل أعتقد أن من يستطيع الإجابة عليها بصدق .. هو انسان عرف نفسه جيدا ..و عرف ما يريد .. و أعتقد ان هذا صعب جدا في زماننا هذا ..
ـ ثانيا فكـّرتيني بحاجة انا كنت كتبتها قبل حوالي مية سنة ..
طبعا ليس لها علاقة بهذه الأسئلة الهامة .. بل بالقعدة مع النفس ..
تناولتها بطريقة أخرى .. ربما تدلّ على حالتي وقتها ..
ممكن تجيبي نفسك و تيجي تقريها لو عندكم وقت .. سعدت فعلا بالتعرف على مدونتك .. ومن خلالها على عقلك .. تحياتي
جـو غانـم
http://joe75.jeeran.com/archive/2007/5/215453.html
Post a Comment