تاااااج تااااانى لالالالالالالا قصدى تاج تالت

والتاج دا بقى وصاية من الحاج الدكتور الصديق والاخ العزيز الداااااكتور انونيمس
اولا اسفة على التأخير يا دكتور بس انت عارف الاسباب
اعتذار اخر حديث على التاخير الشديد يا دكتور
ندخل بقى على التاج

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

يمكن لو الاسئلة دي وردت لى من كام سنة كدا ما كنتش واجهت اي صعوبة في الاجابة
وقتها كان الخيال خصب ومسعف بكثير من التصورات والخيالات
لكن اعتقد ان العرب بينظروا للمصريين نظرتهم للخدم او العبيد اكيد ليس الكل
ولكن الوضع العام والنظرة الغالبة هي نظرة صاحب المال لطالب المال
لكن كنظرة للي بيحصل في مصر اعتقد هاشوف ان اللي بيحصل في مصر
حاصل في كل الدول العربية بشكل او بآخر
السؤال يحتمل اوجه كثيره جدا للاجابة لان على رايك يا دكتور تفرق هاكون من اي عرب

لوكنت أوروبي أو غير مسلم هتبقي إيه نظرتك للعرب والمسلمين؟

النظرة العامة المبنية على الشائع عن العرب والمسلمين هاقول دول همج
ولو انا بقى زي ما الاعلام بتاعنا دايما يردد عن الاوروبيين وثقافتهم وعقلانيتهم
اكيد مش هتكون نظرتي جامدة ولا هاخلط الامور ببعضها

لو قالوا لك إنت بقيت رئيس جمهورية هتعمل إيه؟

مش هاصــــــــــــــــــدق

لوسمح لك برؤية الرسول عليه الصلاة والسلام وإنك تقوله كلمة واحدة ؟

ســـامحــــــــــــــــنى

لو كنا في عصر ازدهار الأندلس كنت تتخيل نفسك إزاي؟

مش هاتخيل بس هاقول انى كنت اتمنى اكون طالبة علم

لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب؟

الاسئلة دي ماينفعش اجاوب فيها بناء على الافتراض لازم اعيش الموقف فعلا علشان اعرف هيكون موقفى ايه

لو طلعت القمر هتكتب عليه ايه؟

هاكتب فعلا لو اطلعنا على الغيب لرضينا بالواقع

تمرر التاج لمين ؟

يا سلاااااااااااام زمان كنت بحب اكون شريرة ماعلينا

طبعا التاج انا اكتشفت انى كتبته وحفظته في المسودات منذ ما يقرب السنة
قبل فترة انقطاعى وكان قد مرره لى الصديق العزيز انونيمس

و قد مرت فترة طويلة انقطعت فيها عن التدوين والمتابعة ولا اعلم من قد يكون قد وصله هذا التاج
ولذلك فانا امرره لمن لم يصله
واعلم منهم مجموعة بوابين بوابة الحلوانى
ابو سويلم و دكتور كسلان و سي السيد

و تخاريف دكتور اللي قفلها بالضبة والمفتاح و بتاع الجاز
وخصصتهم بالذكر لانى لاحظت انقطاعهم ايضا عن التدوين منذ فترة

وايضا الى صديقتي العزيزة جدا بس خلاص صاحبة مدونة وااااالا يهمك لانها مدونة جديدة

ودا هيكون اول تاج لها غلبانة يعنى وكمان بلدياااتى

وامرره الى كل اصدقائي الذين لم يصلهم هذا التاج

النتيجة ظهررررررررررررررت

كنت هابدأ وأقول مش نتيجتى
بس افتكرت ان نتيجتى انا كمان فعلا ظهرت وانتم ما تعرفوش
خلصت اخر تيرمين وانا بعيدة عنكم
كانوا اسوأ ما يكون انا نجحت الحمد لله فيهم
وخلصت جامعه كمان كدا لانهم كانوا اخر تيرمين
لكن لم استشعر اي لذة او متعة

المهم

النتيجة اللي اقصدها هي :::::::::::::: نتيجة

كادر المعلمين

اخويا مدرس وزوجة اخويا الاخر اضا مدسة وبقالهم اسبوع واكتر مديني ارقامهم
علشان النتيجة
فعلا حاجة تضحك
والله ايام الاختبارات وكانوا معترضين كنت معترضة على دوافع اعتراضهم
لكن كنت اعترض ايضا
هم اعترضوا على الفكرة من اساسها
ازاي يعنى يعملوا لهم اختبار زي التلامذة
وكان لهم دافع اخر انا اعتبرته منطقى
وهو ان ليه نفس النظام لم يطبق على الاطباء


اعتراضي انا الشخصى
ان الاختبارات دي كفكرة شيء كويس لكن هل فعلا تمت بشكل علمى ومدروس
هل حقا حققت الهدف منها
الله اعلم ايه الهدف الحقيقي
لكن المفترض انها لتقييم المعلم هل فعلا تم التقييم
وهل فعلا الاختبارات تم مراعاة النزاهة فيها


باحلم انا مش كدا نزاهة ايه ونضافة ايه بس اللي انا باقولها دي
مصطلحات غريبة ومريبة وكفيلة بانها توديني الجونينة


المهم يعنى اخويا وزوجة اخويا الست ام عثمان احدث افراد شلتى ويبلغ من العمر 3 شهور الا 6 ايام
نجحوااااااااااااااااااااااااااااا
اجتازواااااااااااااااااااااااا


واخترناه اخترناه

علشان كدا احنا اخترنااااااااااااااه

عايزة اضحك بجد

كفاية كدا هو بوست مخلع صحيح بس اعمل ايه
انا لسه راسي وافكارى مش عارفة مين فيهم جوا التانى


الصورة نسخة من نتيجة اخويا بس شيلت بياناته
احنا ما عندناش مدرسين بياناتهم تتكشف على البلوجرز

مش عارفة

السلام عليكم ورحمة الله وبركاته

مش عارفة اكتب ايه

مش عارفة اقول ايه

ولا اعتذر ازاي

اعتقدر مهما اعتذر اعتذارى هيكون عديم المعنى






عايزة ارجع من زمان بس مش قادرة

عايزة اكتب من زمان بس مش عارفة اصيغ اللي جوايا



متواصلة مع كل اللي حواليا



لكن انتم لانكم بتمثلوا شق كبير من تواصلى مع نفسي

مش عارفة اتواصل تانى في التدوين

لانى مش قادرة اتواصل مع نفسي



حصل بينا فجوة كبيرة اوووووووووووووي


انتظرت كتير انى اقدر اتواصل مع نفسي زي الاول

لكن مش قادرة او مش عارفة

النتيجة واحدة

بجد نفسي ارجع بس مش عارفة

اصبحت منهكة من شدة الصراعات الداخلية

يمكن دي الخطوة الاولى

ياريت تدعوا لي

حقيقي مفتقداااااااااااااااااااكم جداااااااااااااااااا

كل سنة وانتم جميعاااااااا بالف خير

وياريت اللي لسه بيدخلوا هنا دا لو في حد لسه بيدخل

يبلغ سلامى لكل اصداقئي المدونين

وتمنياتى لهم بالخير

ويارب ارجع تانى اكون بينكم

اعتذار

اتمنى تقبلوه مني

باعتذر عن تقصيري طول الفترة اللي فاتت وعدم زيارتي لكم

وكمان باعتذر عن عدم ردي على التعليقات في المدونة هنا

اسفة جدا

لكن حقيقي كان عندي ما يمنعني من الكتابة باي شكل من الاشكال

ومازلت على نفس الحال

ومحاولة مني للتغلب على ما انا فيه قررت ان خير ما افعله

هو انا اتابع حياتي بكل تفاصيلها وان اتحرر من تلك الشرنقة التى غزلتها لنفسي

فالتوقف والثبات لن يفيدني شيئا ولن يغير ما قد كان او ما سوف يكون

اتمنى ان تقبلوا اعتذاري

معروض للتصويت

بصراحة انا قلت احنا عندنا حرمان تصويت

مفيش حاجة من اللي مفروض اننا نصوت بلاش نصوت

لان هالاقي الف من يقولي احنا بنصوت عمال على بطال من اللي بيجرى فينا

اللي مفروض اننا ندلي بصوتنا لحسم الامر بخصوصها بنتمتع بحكاية التصويت دي عليها



لا انتخابات مجلس شعب

ولا مجلس شورى

ولا مجلس محلي

ولا مجلس عربي متنجد كدا على الارض



المهم انا قلت اطرح موضوع للتصويت

واستفتيكم

ايه رأيكم

ارفع قضية على مديرية الامن عندنا

لانه قد تم منعي من دخولها لانني منتقبة

والباشا اللي على البوابة قالي

ترفعي النقاب من اول ما تدخلي من البوابة وطول ما انت جوا

الى ان تخرجي منها



لا واخويا متصور انه لما يقوله دي اختى وبطاقتي اهي

قال يعني هو هايستذوق ويعتبر دا ضمان اني مش داخلة اغتال مدير الامن

ولا احد كبار السادة قيادي الامن بالمحافظة



مش حتى يقولي ارفعي النقاب علشان اتأكد

او يجيب لي موظفة ماهي المديرية مليئة بالموظفات النساء

لأ لازم اخدها كدا من شرقها لغربها لحد ما اخرج منها





طبعا ما دخلتش

وسبحان الله ربنا يسر لي ماكنت متوجهه للمديرية من اجله

من مكان اخر تابع للمديرية

دون ان اتحدث مع احد حتى وليس ان ارفع نقابي



قولولي بقى ارفع القضية ولا الطيب احسن



باب التصويت مفتوح

وباب الترشيح ايضا مفتوح للي عايز يكون المحامي

ويتولى القضية ويصرف عليا

البقاء لله

لا أجد الكلمات لأسطرها

سوى ان اطلب لها الرحمة والمغفرة من المولى عز وجل

واسألكم الدعاء لها

صديقتي العزيزة التي كنت انتظر تعليقاتها دائما

بهلولة

رحمها الله

قرأت الخبر لدى العزيز

ابوصلاح

وتأكدت بدخولي الى مدونة زوجها

بهلول

لمعرفة بهلولة ادخلوا مدونة

عازف الناي

جزاك الله خيرا استاذ

عصفور المدينة

بوست هدية

مش هدية مني لكم طبعا

ربنا انعم على برغبتي في كتابته

ودي نعمة كبيرة اني بقى عندي حاجة قادرة اسيطر عليها في دماغي

واقرر اني اكتب عنها حاجة كدا يبقى لها راس ورجلين تتشاف وتتفهم ويبقى لها معنى

بعيدا عن محتويات رأسي من افكار غريبة يجدها الكثيرون أفكار شاذة

يا خبر اديني هاسرح بيكم واشت ندخل في الموضوع

هو موقف بسيط جدا حصل معايا النهارده انا مش مستغرباه

لكن سعيدة بيه جدا وبيحصل امثلة منه كتير معايا وقدامي

فقلت موقف ينصف البشر ويثبت ان لسه في شهامة ونخوة وذوق ورجولة

خاصة عند الشباب ربنا يسدد خطاهم جميعا ان شاء الله

وطلعت في دماغي اني لازم اكتبه برغم انه مش غريب ولا حاجة

وابدأ بقى احسن ما تبداوا تقفلوا الصفحة من كتر رغيي

دا للي لسه ما قفلهاش طبعا

حضرتي

واقفة على الطريق عند مدخل قرية صغيرة تابعة لبلدتي الصغيرة ايضا منتظرة ميكروباص

وطبعا سيادتي تحت اي ظرف مش باركب ورا نهائي

دايما متأرننة وواخدة الكرسي اللي قدام كدا ملاكي

ولا باركب جنبي بنات ولا رجالة

لكن في موقف زي دا وكنا خلاص الساعة خمسة قبل المغرب

وعلى طريق يعني العربيات اساسا بتعدي محملة

لا املك خيار ولا فاقوس

المهم وقف ميكروباص فيه مكان واحد بس فاضي في الكنبة الاخيرة

طبعا كلكم فرحانين في مفيش داعي للشماتة

ارحموا عزيز قوم ذل من قدام خالص لورا خالص

المهم

الكنبة فيها اتنين رجالة

اللي ناحية جوا ما شوفتش وشه كبير ولا صغير

الأولاني بقى راجل كبير في الخمسين تقريبا قاعد بقى مش بيتحرك

فباقوله لو سمحت تيجي كدا على أساس اني مش اقعد بينهم

يقوم موسع لي و رايح جنب الشباك

وسعوا لي المكان اللي في النص

قبل ما يكون لي اي رد فعل

كنت طبعا هاكرر عليه طلبي على اساس اني احرجه

وماكانش هايحرج طبعالانه لو ناوي على احراج كان احرج من البداية

ماعلينا

لقيت شاب من الكنبة اللي قدامهم قالي طيب حضرتك تعالي هنا ورجع هو وسطهم

قلتله متشكرة جدا وقعدت

اد ايه كنت سعيدة بيه وبذوقه وبسرعة رد فعله

حسيت انه تعامل معايا كاني حد يهمه زي ما الفروض يحصل بين الناس

استنوا بقى

ما حدش يقول يمكن عاوز يقعد ورايا لغرض في نفس يعقوب

ولا بيلفت النظر والكلام دا كله

لاني اولا هدومي مجرجرة وخماري لحد ركبتي تقريبا

ونقابي مغطي عينيا كمان يعني الدنيا ضلمة ضلمة

هو انسان محترم وعنده شهامة وذوق زيه زي شباب كتير

وعن خبره في المواصلات الشباب بيكونوا اكثر احتراما

وحياءعن كتير من الرجالة الكبار اللي لو قلت لواحد لو سمحت

توسع شوية تسمع وصلة من البستفة

والله مرة واحد كبير

كنت قاعدة قدام كنت لسه متواضعة شوية وممكن اركب حد جنبي

والعربية دخلت الموقف وانا بقى كنت راكباها من برا الموقف بمسافة علشان ما اتبهدلش في الزحمة

واللي جنبي بينزل في الموقف وقبل ما انشن على بنوتة اركبها جنبي

لقيت حاجة كدا

طول بعرض وشلة اكياس طماطم على كنافة على فاكهة كنا في رمضان

وركب قدام وحط اكياسه تحت رجليه وهو بقى ايه شلولح تخيلوا انتم بقى

انا وقفت ابص للحتة اللي باقية من الكرسي اللي المفترض انا هاقعد عليه

كان الاحسن اقعد في الشباك وادلدل رجليا

وبكل هدوء

لو سمحت يا عم الحاج شوية علشان اعرف اقعد

وططاطا

وش احمر

وعيون مبرقة

صايم بقى واحنا العصر

ما اهووو هو دا مش هاياخدك هو انا هاكلك

هو في ايه

يا سنة سودة على القنزحة يا ولاد

هو احنا ما خلفناش

دا احنا عندنا بنات تحل من على حبل المشنقة

دا انا وانا

وانا بقى

يا عم الحاج ما تعليش صوتك

ولاحظ اني محترمة سنك وبلاش تضطرني اغلط فيك

المهم السواق تدخل وشده ناحيته شوية وانا ركبت

ايه دا هو انا ايه خلاني احكي الموضوع دا

ومنه كتير جدا

علشان كدا بقيت اخد الكرسي وبارضوا باسمع اللي فيه النصيب

المهم زي ما في دا في نماذج ممتازة وغالبيتها بيكون من الشباب الصغير

يللا بقى كفاية كدا علشان اللي بيطالبوني اكتب يحرموا

وما حدش يزهق كلكم عارفين ان اهتمامي الاول الناس وتصرفاتهم

يللا سلام يا بشر