إن جـئتني فكــم فيمـا مضى باكيـة قصـدت أعتــابك
إن تعتـذر فكـثير مـا أغضيت بصري عــن أخطـاءك
إن جُـرتُ اليوم أنا فلطالمـا طَغيت ولم أشتـكِ طغيانك
أتُـدمِي قلبك قسـوتي ؟ وتكـاد تـذرف منها عــبراتك!؟
أبشـر فحبي لك يحتضر متأثراً بجـروحي من أفعالك
لالا.. لا ترم مني اليوم غفراناً .. فعظيمة هى آثامك
لنفترق هـذا خيارى كي أستطيع مـداواة آثــار طعناتك
حدث فؤادك بالمُنَى.. فعودتي فقـط في يقظة أحلامك
كاف المخاطب في قافيتي تبرئـني من تدمـــير حيـاتك
21 comments:
ايه الجمال ده
والله الدرر دى احسن بكتير من اى تذكار
ع الاقل مش بتودى الجونينة
بجد جميلة جدا جدا الابيات دى
عارفة يا جميلة
الكلام الجميل ده بيفكرنى باغنية لهانى شاكر
اسمها ادينى قلبى تانى
وبيقول فى كوبليه منها
انسانى وسيبنى انسى
مابقاش قى القلب همسة تجيب سيرة هواك
وان كنت عشقت توبة
خلاص والله نوبة
تعبت كتير معاك
بس طبعا كلامك اجمل واحلى مليون مرة
والله دى حقيقة مش مجاملة
وبعدين كانت فين الحاجات الحلوة دى من زمان
عايزين كمان وكمان من دررك دى
كم بخلتى علينا بنظمك واشعارك
ارجوكى لا تحرمينا بعد من جميل ابداعك
كاف المخاطب فى قافيتى انحنى لها اجلالا لروعة كلماتك
سلاااااااااااااااااام
جميله اوى تسلم ايدك
نظم القصيده رائع والموضوع جميل جداً
انتوا بتعلموا الحجات دى ازاى ؟؟
انتوا بتعقدونا وخلاص؟!!1
استمتعت جداً باطراف حديثك الشيق
وكلماتك العذبه
تحياتى
والله شيخ القصيدة اللي متقمصك اليومين دول ده لو طول شوية هيطلعلنا تحف
عارفة؟؟؟
من يبيع الحب أو يهمله
خسارة فيه حتي بيتين الهجاء اللي زي دول
خسارة الحروف...بل خسارة أنصاف الحروف
جميلة ياجميلتي
قصيدة تموج بالمرارة والقوة والتصميم على الهجر
دائما ما تكون هناك نقطة إذا وصلت إليها القلوب تحولت عن الحب إلى الصد دائما هناك مساحة للصبر فإذا إمتلأت بسوائل الجفاء وغطتها أتربة الألم قالت القلوب لا لن نواصل المسير
لكن يختلف الأمر من قادر على إتخاذ القرار وتنفيذه وضعيف متردد
تحياتى لكلماتك واعجبنى اخر بيت ذاك الذى تحمبلين فيه المسؤلية كاملة على عاتق من بدأ بالاساءة وكان سببا فى عنف القصيدة فكاف المخاطب هى المسؤل الاول عن نزف الانين
تحياتى وتقديرى
............
نورالدين محمود
دكتور كسلان
=========
ربنا يكرمك ويعزك يارب يا دكتور
دايما كدا رافع معنوياتى
وما اوعدكش الموضوع دا يستمر
انا ما اضمنش نفسي
ممكن تكون حالة مرضية وتروح ههههههههههههههههه
يا دكتور انت اللى شكلك عندك استعداد للشعر ولضبط القافية
وزى ما قلتلك انكش في نفسك انت اللى هتطلعلنا درر
منورنى دايما يا احمد
momken
========
أولاً أهلا وسهلا بيك
ثانيا كل كلامك الجميل دا من ذوقك واخلاقك العالية
دا مجرد كلمات موحدة القافية على ادى كدا
شاكرة لك جميل كلماتك
نورت المكان واتمنى ما تكونش اخر زيارة
fanan fa2eer
=============
فنانة الاطبا منورانى يا مرحبا يا مرحبا
يا دكتورة ما انتى عارفة
دى حالة وممكن تروح لحالها يعنى ما اعتقدش ان عمنا الشيخ دا ممكن يطول معايا
لا تنتظرى منى لا درر ولا صفيح حتى
وطبعا اللى يهمل الحب وما يقدروش ما يستاهلش مجرد المرور بالذكرى
لكن مش دايما كل شيء بايدينا
وادينا بنعمل اللى لنا سلطان عليه وهو تصرفاتنا
و أما خفايا القلوب فالله وحده المعين عليها
نورتى يا فنانة
نور الدين
===========
والله يا نور كلامك مفيش بعد منه كلام
فعلا لقد امتلأت الكأس حتى فاضت
وما عاد في امكانها أن تسع المزيد
وربما يظل ويستمر التردد في تنفيذ القرار فترة طويلة
وتأتي القشة التى تقسم ظهر البعير
وقد أتت
ربما نغفر أمورا جسام و أفعال شنيعة ولكن مع كل مرة غفران
يتعكر الصفاء
وتعلوا الحواجز
حتى تظل الأمور في حالة استمرار وتواصل بخيط واهن ضعيف
أو خلال ثقب بمرر بصيص من نور
فتأتى القشة التى تثقل العب فينقطع الخيط
وقد تسد هذه القشة ذاك الثقب فينقطع البصيص من الضوء
فتكون مجبرا لا مخيرا
على أن تهجر وتفارق
دام تشريفك لصفحتى مزيننا اياها بجميل قولك وحرفك
دمت بكل خير يا نور
قرأت ردك حالاً
ولفت نظرى امر هام ارجو ان تتفهميه ولا تعتبريه تدخلا منى
ردك قراته أكثر من مرة بعيدا عن فحوى الموضوع او القصيدة نهائيا
وإنما كان تركيزى فى عباراتك وتصوير الكلمات
فوجدت ان نثرك قوى جدا بالفصحى بل إذا كان لا يغضبك رايي هو أقوى بكثير من الشعر رغم أن شعرك مميز للغاية لكن نثرك بدى مختلفا تماماً
هذا الأمر كلفنى جولة كاملة فى مدونتك ابحث عن مواضيع نثرية سابقة لك فوجدت تقريبا كل مواضيعك النثرية كتبت بالعامية والتى اشهد لك بتميز واجادة فى استخدامها برشاقة
لكن بعد أن رايت ردك هذا وقدررتك البديعة فى التشبيهات والصور فاسمحى لى أن اقول لن أسمح إلا بقرآءة خواطر ومقالات بنفس اللغة والدرجة تلك لأنك تمتلكين الأداة فوجب عليك العمل
معجب جدا بهذه الفقرة تحديداً (ربما نغفر أمورا جسام و أفعال شنيعة ولكن مع كل مرة غفران
يتعكر الصفاء
وتعلوا الحواجز
حتى تظل الأمور في حالة استمرار وتواصل بخيط واهن ضعيف
أو خلال ثقب بمرر بصيص من نور
..........
يعنى بقى وبالعامية كدة
زى ما حضرتك بتقولى انى مش بمزاجى مردش على الملاحدة والنصارى
فانت كمان مش بمزاجك تكتبى بغير الفصحى مستقبلا
...
ارجو الا يكون تعليقى تدخلا سخيفاً
اعمق تحياتى اختنا الكريمة
.........
نورالدين محمود
نور الدين
===========
أولا زعلانة جدا
ايه حكاية سخيف دى يا نور
على فكرة انا غرقت في كريزة ضحك لما لقيت ردك
ما تزعلش استنى اعرف ضحكت ليه
اصل قلت نور دا سوسة اوى
انا فعلا عارفة ان نثري أفضل من محاولاتى لنظم الكلمات في قافية
لأن النثر باكون فيه مطلقة لقلمي العنان ولا أحمل عبء توحيد القافية
ولا أضطر لتبديل لفظ اقوى بلفظ ربما لا استسيغه ولكن تجبرنى القافية
أنا أعشق النثر لأنه يمنحنى الحرية فأحلق في سمائه كيفما شئت دون سقف يردعنى مثلما القافية في الشعر
ولكن النثر به عيب خطير
قهو يأخذني ويتخللنى داخلا خارجا
وأحيانا اجدنى لا أستطيع منه الفكاك
وما أراه عيب في هذا
أننى أجد النثر أقوى مني سلطانا فهو يهيمن على لا أهيمن عليه أنا
فلا أستطيع ردعا لقلمي أو خط حدود لكلماتى و أفاجأ بنفسي وقد صرت حروف مكتوبة تجدنى رائحة غادية بين حروفي بكل ما أكونه من آثام أرتجى لها من ربي غفران وحسنات أدعو أن تكون حقا مثلما ظنى بها
ولا أخشي تمزيق الغلالات التى تستر نفسي
ولكن بنتابني حرج
ولذا أتجنب النثر مخافة سلطانه على
و اتدثر بالعامية وأطل بكينونتى من خلال الشعر
فيكون الشعر نافذة أسمح لمكنوناتى الإطلال خلالها وبيدي تحديد مدى انفراج النافذة و أيضا متى أسدل عليها ستارا
أخبرت الآن لما لا أنا مولية ظهرى لنثري
فكما الآن كلما رنوت له استحوذ علىّ وأعانى كي اتحرر من سلطانه
عاجزة أنا الآن عن ختم كلماتى
فلقد تآمرت مع نثري وقدمتنى لقمة سائغة فيكاد يلتهمنى
ولكن لابد لي من وقفة
ولابد لي من قطع الوصال مابين نفسي التائقة وبين السيل المتدافع
نور كدا ستوب
مش ممكن حقيقي أنا مش باقدر اسيطر على نفسي مجرد ما أبدا اكتب فصحى
وبالاقي نفسي باكتب كتير واسترسل وباتحرج لانى باحس ان بافقد سيطرتى على نفسي فخلينا في العامية احسن
وبعدين توابع عدم ردك لا مجال لنضعها على الميزان أمام توابع عدم كتابتى للنثر
نور
حلوة العامية جريها عامية
ربنا يسترك ويكرمك وكله بثوابه
جميلة
ماشاء الله عليكى
درر حتى فى الرد
دخلت المدونة اشوف ردك
لقيت الاستاذ نور معلقلك مرتين
ولقيتك مطلعة درر فى ردك عليه
بس تعرفى
فى المرة التانية
كنت حاسس ان انا عامل زى يونس شلبى فى مسرحية العيال كبرت
فاكرة لما كان مغمض عنيه وبيهز دماغه واحمد زكى بيتكلم
ربنا يكرمك وما يحرمناش من دررك دى
حتى لو كسلت افهمها :)
سلااااااااااااااااااااااااااام
طبعا اتفق مع دكتور كسلان فى ان نثرك مميز
ودة فعلا يخلينى مصر على رؤيتى وهى انك تعيدى اكتشاف قلمك
سؤال على جنب
هو جميلة يبقى اسمك ؟؟؟
ههههه معلومة جديدة اصلها
....
تحياتى اختنا الكريمة الظاهر انا اللى عملت بقى عقد ايجار قديم مش فوارة العقل
دكتور كسلان
============
أهلا اهلا دكتور
ازيك يا احمد فينك يا عم
مش عارفة مين ضحك عليك وقال انك كسلان
لما تعلق مرتين هنا دى حادثة وضد كسلك خالص
والدرر دى أنت اهل لها يا احمد
بس انت تبطل ادعاء الكسل وترجع للتدوين من تانى
منورنى يا دكتور
وسلم لى على الحكومة الذاتية بتاعتك
نور الدين
============
انتوا هتتفقوا على ولا ايه
ناويين تعملوا مؤامرة
وحاضر يا نور هاحاول
مجرد محاولة لكن ما اوعدكش
لأنى فعلا بينتابنى الحرج من كتابة
النثر وحتى إن كتبته باحتفظ بيه لنفسي
واسمى الحقيقي مش جميلة
ولكن دا اسمي في العالم الافتراضي
الإسم الذي أتنقل به
في المدونات والمنتديات والفيس بوك
وحتى ايميلي
تحت اسم جميلة بوحريد
علشان كدا كل اصحابي
بينادونى جميلة
حتى تنويه الفيس بوك في المدونة
معنون باسم
Gameela bouheerade
امضي بقى على أقوالي يا بيه
ولا لسه
ولو كنت اعرف انكم هنا كنت جيت غملت طقم شاى
دا انا كنت جنبكم هنا في منتدى
ويا نور انت هنا صاحب ملكية
مش محتاج لا نظام قديم ولا جديد
وحلوة فوارة دى
بس دى اكيد ما تريحش المعدة دى تعمل فيها هيجان
ربنا يحميك ويحفظك يا نور من كل شر
أرجو ان يكون الكلام كلام شعراء وحسب
فمرارة التجربة تكشفها الكلمات وروعة التصوير
اعجبنى جدا السطر الاخير
عذرا على الاقتضاب
والسلام
الحمد لله على تفهمك وهو دة ظنى بك فعلا اختنا الفاضلة
ممكن نبدأ بقصيدة (ياجلادى اضرب اكثر
هى من احب ما كتبت من الشعر إلى قلبى فإن نالت اعجابك فتبدأى بها
ولك اعمق شكرى وتقديرى دمت ِ أختا طيبة نبيلة
........
نورالدين محمود
السلام عليكم
ماعلينا
صباح الخير
انا بعث لك رسالة فيها ايملي ( بعثها على اشتراكك اللي في مدونة الاخ الفاضل نور الدين محمود)
هتلاقيها في الايميل اللي بتدخلي منه على حسابك في الاشتراكات،
شيكي عليه هناك
سلام الله عليك
تحياني
حنان- تونس-
أبو سويلم
==============
يااااااااااااااااه يا ابا محمد
فين ايام زمان
انا كمان اتمنى يكون كلام شعراء وبس
وغالى عندى اوى رأيك يا غالى
وانا راضية بالاقتضاب دا
فأول الغيث قطرة
نور الدين
============
الكريم ابن الكرام
تم النقل والنشر
بعد نيل الموافقة طبعا
ولقد نالت اعجابي تلك القصيدة من مدة
فانا خلال الفترة البينية لمقالاتك اتصفح
ما فاتنى من تدويناتك
وسعدت جدا عندما وجدتك قد حددتها هى خاصة
دمت كريم الجود أخى
العزيزة الغالية حنان
أسعد الله صباحك ومساءك
لقد شَرُفت صفحتى بتواجدك بها
ولسوف اتفحص الرسائل حالا
عاجزة أنا عن شكرك
لكِ منى كل تقدير اختى الغالية
Post a Comment