بصراحة انا قلت احنا عندنا حرمان تصويت
مفيش حاجة من اللي مفروض اننا نصوت بلاش نصوت
لان هالاقي الف من يقولي احنا بنصوت عمال على بطال من اللي بيجرى فينا
اللي مفروض اننا ندلي بصوتنا لحسم الامر بخصوصها بنتمتع بحكاية التصويت دي عليها
لا انتخابات مجلس شعب
ولا مجلس شورى
ولا مجلس محلي
ولا مجلس عربي متنجد كدا على الارض
المهم انا قلت اطرح موضوع للتصويت
واستفتيكم
ايه رأيكم
ارفع قضية على مديرية الامن عندنا
لانه قد تم منعي من دخولها لانني منتقبة
والباشا اللي على البوابة قالي
ترفعي النقاب من اول ما تدخلي من البوابة وطول ما انت جوا
الى ان تخرجي منها
لا واخويا متصور انه لما يقوله دي اختى وبطاقتي اهي
قال يعني هو هايستذوق ويعتبر دا ضمان اني مش داخلة اغتال مدير الامن
ولا احد كبار السادة قيادي الامن بالمحافظة
مش حتى يقولي ارفعي النقاب علشان اتأكد
او يجيب لي موظفة ماهي المديرية مليئة بالموظفات النساء
لأ لازم اخدها كدا من شرقها لغربها لحد ما اخرج منها
طبعا ما دخلتش
وسبحان الله ربنا يسر لي ماكنت متوجهه للمديرية من اجله
من مكان اخر تابع للمديرية
دون ان اتحدث مع احد حتى وليس ان ارفع نقابي
قولولي بقى ارفع القضية ولا الطيب احسن
باب التصويت مفتوح
وباب الترشيح ايضا مفتوح للي عايز يكون المحامي
ويتولى القضية ويصرف عليا
79 comments:
السلام عليكم
ارفعي
بس مش هتكسبيها
هيقولولك دي دواعي امنية
يبقي الطيب احسن ليكي انتي
ههههههههههههههههههههه
بس بجد ربنا هيقف معاكي متقلقيش
تحياتي
mohand
كدا من اولها جاي تكسر مجاديفي
وتثبط عزيمتي
اهئ اهئ اهئ
وحلوة دواعي امنية دي
ما احنا المحافظ بتاعنا اول ما جيه
ما تفهمش زي مايكون بينه وبين الاشجار
عداوة قديمة
وهوب
تم تقطيع كل الاشجار
من كل مراكز المحافظة
من الشوارع والمصالح الحكومية
ومن اما المساكن
ويقولك دواعي امنية
وبعدين مين قال ان انا
اللي هارفع قضية
دا المحامين اللي هايترشحوا
ويتحملوا المصاريف
انا مالي يا عم مهند
الطيب احسن لي طبعا
ازيك ماعلينا
بلاش دى نصيحة ليكى
مش استسلام
بس انا خايف الموضوع يكبر و يوسع
و بدل مايبقى ف المديرية
يبقى ف ...........
انتى عارفة
سلام بقى
السلام عليكم
طيب انتى كنتى رايحه مديريه الامن
انا كنت رايحه اخد كورس كمبيوتر icdl
ومنعوا دخولى علشان منتقبه
قالى عايزة تدخلى ترفعى نقاابك طول ما انتى فى المبنى
طبعا اخد اللى فالنصيب :D
وقولتله مش عايزة الكورس بتاعكوا خالص
عادى يا حبيبتى يبقى انت اكيد اكيد فى مصر
ربنا يرحمنا
أختي العزيزة ما علينا
مش عارف أقول ايه
يصراحة انا كنت جاي عشان
الأسئلة اللي عندي في المدونة
كنت جاي أشكرك و اقولك ان من الجميل ان يشعر الانسان ان هناك من يهتم لأمره ويسأل عليه
أنا يخير
شوية ظروف ملخبطة
لكن دعينا من هذا
موضوع التصويت
زي مت الخوجات بيقولوا
controvertial
يعني متعدد الأراء ومثير للجدل والنقاش
وانا بصراحة وصلت لقناعة في الأيام الماضية اني لا أصلح أن أنصح
لذلك اعتبري رأيي ليس نصيحة
لو كنت مكانك
كنت هاتعفرت واتخانق وابهدل الدنيا
واطلب مقابلة مدير الأمن
وبعدين هاروح حاسس بالقهر والظلم
وأنــــــــــــــاااااااام
بصي ملكيش حق الراجل مش فارض سوء النية هو اكيد عنده عريس ولا حاجة يا ستي وعاوز يشوفك رؤية شرعية في وسط اخواتنك ظلمتيهم وملكيش حق سلامي ليك وربنا يهدي بتفكريني باختي والمشاكل الي لقتها في الشغل لما ارتدت نقابها
الحقيقة لا أحبذ أن تقومي بهذه الخطوة
ومن الناحية الفيزيائية هو طبعا لهم حق يتحججوا بالدواعي الأمنية لمنع المنقبات
فاصبري واحتسبي واستعيني ببعض الدهاء والحكمة
كفراوى
ازيك يا دكتور
ما انا باقول كدا بارضوا
انا طبعا مش ناوية ارفع قضية ولا حاجة
بس اهي فرصة لممارسة التصويت الحر
رينـــــــــــا
اولا نورتي الدنيا كلها
ثانيا
فعلا يغوروا بالكورس بتاعهم
انا بقى كنت رايحة اعمل بطاقة الرقم القومي
ولاني باطلعها بدل فاقد
لازم حضرة الضابط المحترم يمضي على الورق بتاعي
وطبعا حضرة الضابط المحترم بتاع مركز الشرطة خاصتنا
مش معروف له ايام ثابته يجي فيها
وحضرتي مش فاضية اروح انتظره كل يوم
اتوصفت لي المدرية كحل بديل
وكانت دي النتيجة
وقلت لحضرة الباشا اللى على البوابة
سلاموعليكو
مش عايزة ارقام لا قومية ولا دولية
ربنا موجود
شرفتيني
أنونيمس
الدنيا نورت
بس مش قوي
محتاجة منك تزود الفولت شوية
يعني تبقى في مود احسن شوية
علشان النور يبقى ملعلع
وبعدين احنا اخوات
وربنا يعلم
انا فعلا قلقت من غيابك عن المتابعة
يارب تكون بخير فعلا
انا ممكن فعلا اتعفرت وابهدل الدنيا
بس ما كنتش هاطلب مقابلة مدير الامن
لاني كنت هابقى مضطرة ارفع البيشة
الا اذا كان بقى هايطلعلي برة
دا لو كان جدع بقى
ومش انت لوحدك اللي
لما بتحس انك مقهور ومظلوم
ومضايق
وكان جواك كلام كتير عايز تقوله
وشايف انك كنت المفروض تقوله
وماتعملش حساب لاي نتايج
بتروح تناااااااااام
انا عن نفسي كدا
ومش معنى اننا
نمر بمرحلة تذبذب او عدم ثبات
يبقى غير جديرين بابداء النصح
منتظرة عودتك
اخي العزيز
truelove
فاتتني ازاي دي
ياخسارة
وكنت ناسبت الحكومة
وبقينا حبايب
حبايب حبايب
بس دي كانت هاتبقى رؤية جماعية
مش رؤية شرعية
ربنا يثبتنا انا واختك وجميع المسلمين يارب
نورتيني
عصفور المدينة
الاستاذ الكبير
طبعا انا مش هاقوم بتلك الخطوة
انا انما اردت
ممارسة حق التصويت
الذي حرمنا منه
ولكن
انا اعتقد لدي بعض العقل
يمنعني من ان افتح مثل هذا
الباب على نفسي وعلى اسرتي
في حد يروح يهبش في الغولة في عقر دارها؟
سيدتى الفاضلة هما فين الرجال اما حضرتك تذهبى الى مديرية الامن وترفعى
انتى منتقبة مش هتدخلى مهما تعترضى
دى سياسة البلد انا مش ضدك بس انتا عارفا الى فيها
على العموم لو عاوزة تكملى ربنا يوقفك
بعد السلام عليكم
عارفة ياماعلينا؟
دايما اقول ان سبب اللي احنا فيه
هوه صمتنا وخضوعنا وسكوتنا علي الظلم
وسلبيتنا كمان
بس اعتقد ان في حالتك
لو قولتلك بلاش ترفعي القضية
مش هابقي بكده سلبي
ولا أنتي كمان هتبقي كده سلبية
بس الصراحة انا قريت موضوعك ده من امبارح
وقولت افكر الاول قبل ماأرد لأنه انتابتني الحيرة
ياتري اقولك اتكلي علي الله وارفعي
ولا اقولك بلاش
لغاية مافكرت .. وحاطيت نفسي مكانك
ولقيت
انك لو رفعتي
غير انك هتفتحي النار عليكم
هتحتاجوا مصاريف كتيرة
لأن القضية مش بالساهل وهطول شوية
مع احتمالية انك ماتكسبهاش لوا
قالوا فعلا ان دي قوانينهم ولزوم الدواعي الامنية
ومنسياش ان سياسة البلد بتحارب النقاب
بس طبعا بطرق غير مباشرة
وقال ايه
بتعتبر كل من هوه ملتحي ومن هيا منتقبة
تحت الشبهات .. دا أن لم يكن ارهابي من وجهة نظرهم
حسبي الله ونعم الوكيل
دا اللي ممكن تقوليه
ولو اضمن ان المسألة تتحول لقضية رأي عام
زي ماحصل في المسلسل كده
كنت قولتلك مستنية ايه
تحياتي
انا رايى يا انك تشتكى
انت مواطنة صالحة وبتدفعى ضرايبك
ومن حقك اخذ جميع حقوقك كاملة
احنا فى بلد قانون ومؤسسات
فوت علينا بكره يا سيد
اقولك الحق
انت تشتكيهم لربنا
وربنا ان شاء الله يحرقهم
فى اغنية جميلة اول كام كلمة فيها بيعبروا عن مشكلتك
اشكيك لمين لكاظم الساهر
لكن ع العموم لو مصرة على انك تشتكيهم فاحب انك نعرفى انى وراك بكل ثقلى ومش هاسيبك لحظة ومستعد اخوض كل المخاطر علشان حقك يرجع
وكله علشان مصر
ليا سؤال اخير ولو فيه رذالة يا ابلة
انت اى واحدة فى الصورة؟
سلام يا غالية
ربنا يجزيكي عني وعن كل مسلم كل خير
أيا كان قرارك فانتي وأخواتك المنتقبات قدوة لي ومثل أعلى لكل مسلم
اسأل الله لكن الثبات والجنة
ماعلينا
الطيب احسن مش استسلام
بس النتيجه معروفه
بس حلوه فكره التصويت دى
وحشتينى
سلااااااااااام
استغفر الله العظيم
و الله بجد حاجة تحرق الدم
حسبي الله و نعم الوكيل
مش عارفه اقولك ايه
بس بيغيظوني اوووووي
و مثلا دكاترة الشفوي
طيب متجيب دكتورة بتاع اي وحده
تتأكد
اوف اووووف و اووووف
حسبي الله
:(
مش هعرف اذاكر انا دلوقتي دمي محروووووق
:(
جدعة
واللة العظيمة جدعه وبميت راجل كمان
ولا ترفعي قضية ولا حاجة
عشان هتخسريها
ولو كسبتيها مش هنفذي الحكم
سيبك انتي
اهم حاجة انك اتمسكتي بموقفك
ربنا معاكي دايما ويحرسك ويسهلك كل مشواريك مع الدولة الي احنا عايشين فيها ديه
ماعلينا ... انا بس كمنت حابب أسأل .. هو انتي أصلا منقبة ليه؟
ديه واحدة و ثانيا ليا عتاب عندك من ندرة زيارتك في الفترة الأخيرة
ثالثا ... مش المصلحة اتقضت قوللي الحمد لله و ادعي للبلد و الراجل بالهداية ..."و الكاظمين الغيظ و العافين عن الناس"
و احتسبي عند الله الأجر و الثواب
أما لو كنت من القوة و الجلد و الصبر أن تجاهدي في سبيل الله في ذلك الشأن لمنع ممارسات أشد خطورة في تلك المسألة فأنا أحيي اقدامك و تمسكك بأن تكوني من المؤمنين الأقوياء و ليس من ضعافهم
الإختيار لكي و لا املك إلا النصيحة ليس بالمصادرة على المستقبل و القول بعدم فائدة ما ستقومين به ... بل بمحاولة مراجعة الأسباب و الدوافع التي دفعتك للتنقب في الأساس وإن وجدت أن لا تراجع و لا استسلام فالحمد لله من قبل و من بعد
سفير جهنم
سيدي الفاضل
انا كنت بصحبة اخي
ولكن ذهابي كان لضرورة
وهي استخراج بدل فاقد لبطاقة الرقم القومي
التي سرقت مني ضمن محتويات حقيبة يدي على بعد امتار من نقطة الشرطة بالقاهرة
اعتقد الرجال الذين هم اولياء امرى
لا يجدي ذهابهم دوني لاستخراج البطاقة
التي اصر الموظفون على ان يوقع عليها ضابط الشرط المسئول
وانا لما عرضت الموضوع
عرضته من قبيل السخرية
انا مدركة تماما انني
لا اتحمل لا انا ولا اسرتي
توابع مثل هذا التصرف
وهو مقاضاة الداخلية
نورتني
abo salah
وعليكم السلام ورحمة الله وبركاته
اهلا بالصديق اللي مصر يغيظني ويفرسني
يا احمد طبعا انا مدركة كل اللي انت بتقوله
وطبعا مش هارفع قضية
انا وكيلي ووكيلنا كلنا ربنا
انا بس حبيت استطلع الاراء
يعني انا هاروح ابيع الميه في حارة السقايين
اروح اقاضي
الجهة التنفيذية
للاحكام القضائية
دا يبقى عيب حتى ياراجل
ومتفقة معاك ان دا مش سلبية
منتظرة يومك كامل
ماشييييييييي
أبو سويلم
ايوا كدا اظهروا
اخيرا المحرضين على الفساد بدأوا يظهروا
انتم بقى اللي بتحرضوا الناس على الدولة متمثلة في اجهزتها
اخيرا البوست حقق هدفه
وكشف الخونة والعملاء
ايه يا غالي
ضرايب ايه بس
دي حقوق بلدنا اللي كبرتنا وعلمتنا
وبتشربنا مياه نظيفة لا تسبب الفشل الكلوي
وتطعمنا محاصيل نقية وجيدة غير مسرطنة
ونمارس فيها حرياتنا
وتقولي ورايا
ولا ورايا ولا قدامي يا اخويا
ومن غير رزالة
الابلة مش في الصورة خالص
دي صورة من على النت
ma_3alina
اولا سعيدة جدا بزيارة حضرتك
ثانيا انا اقل بكثير جدا
عن اني اكون قدوة لغيري
انها لصفة كبيرة على جدا
جزاك الله كل خير على جميل دعاءك
ربنا يعافينا جميعا ويهدينا الخير
ويلهمنا الصواب
klmat
انت والله وحشاني جدا
وانت من مجموعة من الناس انا احببتهم في الله دونما اي معرفة
انا
متابعة موضوعاتك
ولكن الجهاز يخونني ويغدر بى تارةً
والنت تارةً اخرى
لذلك انا مقصرة في التعليقات لدى العديد من اصدقائي
وبالنسبة لموضوع التصويت
انا كان هدفي التصوويت فقط
لمجرد ممارسة التصويت واستطلاع الاراء
وطبعا الطيب احسن
لاني عارفة النتيجة
ولـاء
يا خبر ابيض
طيب وبعدين
اشيل البوست دا خالص
واكتب واحد تاني
واعتبري دا كان تهيؤات
كله الا حرقة دمك يا جميل وانت في الامتحانات
انا عايزة بالك رايق خالص
وان شاء الله
بكرة ايه
بكرة اكيد القادم اجمل
صح يا قمر
محمود علي
ازيك يا محمود
منور الدنيا كلها
مش علشان البوقين الجامدين
اللي انت قايلهم فيا دول
لكن علشان
انا مبسوطة بيك اوي اوي
عايزة اقرأ اخبار حلوة قريب عندك
وربنا يخليك يارب
كلامك دا كبير عليا اوي يا عم
هو انا ممكن تقول بمليون راجل
بانتش طبعا
حد عنده اعتراض
ربنا يستر جميع المسلمين يارب
نساء ورجال
انت عارف
بقى ما بقاش حد بيترحم
لا ست ولا راجل
ربنا يوفقك ويسعدك يارب
علي فكره ماتزعليش من الموضوعة ده أنا عايشف في دوله عربيه فيها الكثير من المنقبات ،أصدرت الدوله قرارات في معظم الأماكن أن ترفع المنقبه نقابها في العمل لدواعي امنيه وخوفا من دخول نساء بلا من نساء اخريات وهكذا
The Last Samurai
مرحبا بالصديق الغالي
اولا
انا ليه منتقبة اصلا
دي اوعدك ان شاء الله اجاوبك عليها
في بوست
لانه بالنسبة لي كي اذكر اسبابي
لابد لي من الاستفاضة
وليس مجالها الان
لاني في سباق مع اتصال النت
والوصلات الكهربائية بجهازي
فهما في حالة تربص كي يفصل احدهما
ثانيا
انا لم انقطع عن زيارتك
وقرأت بوستك الاخير يوم ان قمت بنشره
وانت تعلم جيدا
ان موضوعاتك ليست بتلك الموضوعات
التى يمكن التعليق عليها
وانا في عجلة وخوف من
غدر وتربص العدوين اللدودين
النت وجهازي
وهكذا يتم تعديل العتاب
من عتاب على ندرة الزيارة
الى عتاب على تأخر التعليق
وهذا لي عذر فيه
فانا حقا مقصرة مع كثيرين
ولكن دونما تعمد مني
ثالثا
انا موضوعي هذا
كان لمجرد استطلاع الرأي
او لطرح الموضوع للمناقشة
ولكني لم افكر نهائيا في رفع قضية
لانني اعلم جيدا النتائج
وذلك حتى دون ان اكون في حاجة لمراجعة الاسباب والدوافع
ولكن لانني اعلم النتائج
ومهما كانت دوافعي واسبابي
فانها في وقتنا هذا
تجعلنى لا افكر في تلك
التهلكة
لاني اعتبر مثل هذا
شكل من اشكال التهلكة
التى امرنا الا نرمي بانفسنا اليها
واصبح بعد ان كنت ممتعضة
على مطالبة رفع نقابي
اصبح مجبرة على تجرع مذلة ومهانة اعمق
بكثير
لي ولاهلي
لن اخفي عليك
اني قرأت بين سطورك
تساؤلات واتهامات واستهجانات
هادئة اللهجة
ولكن دائما يسعدني النقاش معك
ايها الساموراي
وقريبا ان شاء الله
حينما يتراف بي غريماي
ارسل لك تعليقي على مقالك
الذي يجمعنا
واقوم بكتابة اسباب انتقابي
MAKSOFA
عزيزتي في مثل هذه الحالة
لم اكن لانتقب
لماذا انتقب وانا باي مصلحة حكومية
سارفع نقابي لمئات البشر
اعتقد في هذه الحالة يبقى مالوش لازمة
لكن انا
رايحة اعمل مصلحة خاصة بي
واخي معي
وقدم اثبات شخصيته
وانا لم امتنع
ان ياتوا بسيدة
لتتأكد من هويتي
وتقارن بين شكلي
واثبات شخصيتي الذي كان بحوذتي
مالفارق بين ان ادخل بعد ان يتأكدوا من هويتي
وانا اضع نقابي على وجهي
وان ارفعه
ماالفارق بالنسبة لهم
ما العائد عليهم
لكن لا املك سوى ان اقول
حسبي الله ونعم الوكيل
ربنا يثبتك على ما فيه الخير والصلاح
تحياتى
هبة
ما علينا يا قمر
ازيك اولا
اقولك ايه بس
اقولك اتحسبني و خلاص اسكتي
البلد كلها بايظه و عايزة اللي يرفع دعوه عليها
بصي
قولي ورايا
حسبي الله و نعم الوكيل
زيزي
لو تنازلتى مرة ستكونى ذرعتى بيديك بذرة ستأتى بعد ذلك بمحصول وافر من التنازلات
الموضوع لا يتطلب استفتاء
بل يتطلب قرار منك
فهى قضيتك
بيدك تخسريها أو تكسبيها
انا بقول الطيب احسن
مش خوف
بس عشان مفيش فايده
الاخي العزيزة ما علينا
بعد التحية
اولا احب ان اتقدم الى حضرتك باسمى معانى الشكر والتقدير وذللك نظرا لحرصك على مبادئك وحفاظا منك على حجابك
وثانيا اقول لسيادتك كلمة واحدة
الا وهى انك اذا اردت ان ترفعى قضية فنحن جميعا معك حتى النهاية
اما بخصوص المحامى فلى صديق عزيز يعرض عليك خدماته
(ان شاء الله تأبيدة
هههههههههههههههههه
ايه الكلام اللى بقوله ده
اسسسسسسسسسسسسسسسسسسسسسسسف
والله برافو عليكى
سلااااااااااااام يا غاليه
Doba
واياكي ان شاء الله اختي هبة
جزاك الله خيرا
Meekness !!!
ربنا يخليكي يا زيزي
ازيك انت
طيب استني
ارفع البيشة واقول وراكي
حسبي الله ونعم الوكيل
نورتيني
البرديــــــة المصرية
اخي لا ادري ما قصدك من التنازل
هل تقصد بتقديم التنازل بان ارفع نقابي
ان كان ذلك
الحمد لله
انا لم اتنازل عن موقفي
وان كنت تقصد موضوع القضية
فانا لم انتوي
ان ارفع قضية فعلا
بل فقط اردت طرح الموضوع للمناقشة
ولكن اخبرني اخي
سافترض جدلا انني سارفع
قضية
كيف بيدي ان اخسرها او اكسبها
على اي اساس
مقولتك تلك
ارجو الافادة والتوضيح
والله مش عارف اقولك ايه
لو قولتلك ارفعيها وكلنا هنوقف معاكى
خايف اقف معاكى
تكسلى وما ترفعيهاش
هههههههههه
مش عارف الناس دى عايزين مننا ايه
مش كفاية خنقونا بالروتين بتاعهم
والدمغات وختم النسر
والكلام الفاضى ده
عايزين كمان نتنازل عن تديننا
بيضيقونا حتى فى الدين
بس الواحد لازم يتوقع منهم اى حاجة
دى حصلت انهم يقفلوا الجوامع ساعة الصلاة
انا برده اتعرضت لموقف مع الامن ايام الكلية
كنا قاعدين فى مسجد الكلية بعد الصلاة
وجه الظابط وقالنا ممنوع حد يقعد فى الجامع
يلا لو سمحتوا اطلعوا بره
ما تتخيليش انا عملت ايه ساعتها اول ما سمعت كده
قلتله حاضر يافندم ورحت خارج علطول
بس انا مش عايزك تعملى زيى
انا عايزك تتمسكى بحقك
بجد لو عايزة ترفعى قضية ارفعيها
وانا اول واحد هيوقف معاكى ومتخافيش مش هاجرى
سلاااااااااااااااااااااااااااااااااااااااااااااااام
اولا بعتذر جدا للتاخير .. بس الامتحانات
ربنا يرحمنا منها على خير
ثانيا .. انا لو مكانك
كنت هعمل حاجة من الاتنين
يا هدور على واسطة .. ان شالله حتى مخبر
يا هزعق وابهدل الدنيا
وانا من جوايا عارفة ان مفيش فايدة
بس علشان اريح نفسي
لكن فكرة اني ارفع قضية وبتاع .. نهايتها معروفة قبل ما تبتدي
ودمتم بخير
Mohamed_sobhy84
ودا رايي انا كمان
ان مفيش فايدة
يبقى مالوش لازمة
السندباد المصرى
طيب عايزة اعرف
التأبيدة مع الاشغال الشاقة
ولا تأبيدة وخلاص
تفرق معايا
وربك هو المعين
سلام يا غالي
دكتور كسلان
انت اللي فاهمني فعلا
انا كل اللي منعني اني كسلت
الموال طويل بقى وعايز مشاورير
ورايحة جاية
دوخة يا عم هجيب نشاط لكل دا منين
والناس بقى
بيدوروا على الدواعي الامنية
انا عارفة انك مش هاتجري
لانك هاتكسل تجري
Abeer
اولا لاداعي ابدا للاعتذار
كان الله في عونك وعون كل الناس
اللي واقعين تحت طائلة الامتحانات
ثانيا
اعتقد ان الحل الاول هو الافيد
اني ادور على واسطة
لكن الحمد لله
كان عندي بدائل اخرى
وهي ان مصلحتى امكن اتمامها من مكان اخر
وطبعا النتيجة معروفة
عارفة
لو كنا في أي بلد غير مصر
كنت قولتلك بكل قلبي
أرفعي قضية
وباذن الله حتكسبيها
علشان الكاثن ده
تعدي علي حقوقك كانسان
كمواطن ليه حقوق
بس للأسف احنا في مصر
يعني رفعتي زي ما رفعتيش
مش حتاخدي حقك
ده بالعكس
ده انتي لو رفعتي قضية
غير ان انتي حتخسريها
حتلاقي نفسك في ناس مصطقصداكي
وكده
الكوسة بقي
بس اقولك
ارفعي قضية
علشان نحس ان احنا بني ادمين
نحس ان احنا صحاب البلد دي
مش جايين ضيوف تقال علي حكومة من المفروض ان احنا اللي مختارينها
ارفعيها واحنا كلنا معاكي
سلامـــــــاتي
السلام عليكم
شوفي لو احنا متحضرين محدش اله دعوة انت لابسة شو
بس للاسف احنا مش هيك
فلا تعبي حالك
لانهم رح يقول
من الاخوان وبدها تعمل قصة
وممكن تكبر براس حد وتصير عليها ميمعه
بس لو انا مكانك برجع لعند نفس الشرطي وبساله لو اختك الي فايته برضك كنت رح تسمح لحد يحكيلها اكشفي عن وجهك
ليكون الحرم المكي غيرو مكانه وخلوه عندكم؟
انا نصيحتى ليكى
انك لاترفعى قضيه ولا ترفعى النقاب
ارفعى شعار
تحيا الحريه
والسلام
أستاذه معالينا
أحييك عى موقفك
نصيحه ارفع قضيه
وانا معاكى وهنجمع توقيعات ونبعت وفد لسيادة الرئيس حبيب الجميع بالتوقيعات وهو راجل متفاهم وهيسمع كلامنا وينفذ كل طلبتنا ومش بعيد
يجيب لنا تعويض وبالمره وانا هناك اكلم حبيب قلبى سيادة الرئيس على وظيفه لى
بعد السلام
نصيحه من انا
اوعى تضيعيها
تانى (البطاقة)يعنى وخبى الشنطه
تحت الخمار وانت ماشيه
طلما الحراميه
مش لاقين حد يلمهم
بس فيه سؤال صغنون كدا
الحقيبه كان فيها مبلغ كويس
ولا طلع نابه على شونه
....
وأنا أختى منتقبه
دا كانت بتحط اى صورة
على كارنيه الكليه بتاعها
فالحل الوحيد
ان تقولى (حسبى الله ونعم الوكيل)و
بعدين
بتهيالى انت عمرك ما هتلاقى محامى
يترافع ويتحمل المصاريف كمان
والله أعلى وأعلم
تحياتى
ما عليناااااااا
اولا ان بجد بجد بشكرك جدا على اهتمامك وسؤالك عني الفترة اللي غبت فيها
ربنا يخليكي ويكرمك يارب
ثانيا بقا
ايه حكاية التصويت دي
هنصوت يعني ولا ايه؟؟؟
انا رأيي ندعي ربنا ياخدهم
وبعد كده نصوت
نصوت عليهم بقا واحد واحد
سيبك منهم
انتي مش ربنا يسرهالك من مكان تاني
الحمد لله
هما بقا اخرتهم زي وشهم ان شاء الله
يلا حصل خير
سلام مؤقت
محمد سمير
للافادة
لم اقصد بالتنازل أن تتنازلى عن نقابك
بل قصدت أننا فى عصر من يتخلى فيه عن أحد مبادئه , يكون قد فتح الباب لهدم كل مبادئه .
فالتمسك بالمبدأ يعتبر فى حد ذاته مبدأ
وعن القضية
بالطبع لم اقصد أن تخوضى معركة قانونية فى بلد ليس بها قانون
لكن كنت اقصد بأن هذه المشكلة تعتبر مشكلة خاصة وحلها لا يكون بالاستفتاء ولا باتخاذ رأى أحد , أى انها مشكلتك أو قضيتك وعليك الدفاع عنها بكل ما تملكين من قوة .
وفى حدود ما قرأته فى تدويناتك أعتقد أنك لست من النوع الذى يخسر قضيته
تحياتى
طب ايه المشكله انك ترفعيه وانتي جوه اصلا ... عادي دي قواعد ... ممكن تحاولي تغطي جزع كبير من وشك ولما تخرجي تبقي تلبسي النقاب تاني
بنت
بحكم عشرة العلم
جاية اعزمك على حفلة التوقيع بتاعة كتابى
هستناكى
انتى و انجى و منال و كده
التفاصيل عندى
جميلة ازيك
اخبارك ايه
طمنيني عليكي يا قمر
ربنا يحفظك دايما يارب
سلام
:)
بصراحه علم ممله أعتقد أن التصووبت واللطم حق حق لكل مواطن
المشكله إن أنا ممكن أحلق دقني أو أشيل النقاب وأخش أغتال مدير الأمن
يعني المنقبه والملتحي لا يشكلوا خطر أساسا لأن ألي عايز يعمل حاجه مستحيل يكون منتقبه أو ملتحي
السلام عليكم
وحشتينا فينك من زمان
يااااااااااارب تكونى بخير
وعدم ظهورك يكون سببه انك مشغوله
بالمذاكره ربنا يوفقك
وينجحك وسحقق كل امااااانيك
سلااااااامى
بصراحه انا ماكنتش اعرف ان المدونتين دول انت بتكتبى فيهم؟.........
اولا انا اسف لو كنتى حسيتى من تعليقاتى ف الدونة التانيه جراة ف الكلام او اختلااق للخصوصيات او شىء من هذا القبيل.....
ثانيا بالنسبه للموضوع الحالى انا احييكى تماما على موقفك ده....
وارى ان الدولة بعيدا عن الرؤية الدينية ليه حتى ما تشفش ان الموضوع حرية شخصية البنت اللى بتلبس لباس فاضح بتعدى....
فمش معقول البنت المحتشمة ما تعديش
خدوها حتى من باب الحرية
السلام عليكم
يعنى انتى عايزه استشاره قانونيه يبقى اقولك عليها و بصفتى محامى القضيه اللى انتى عايزه ترفعيها قضيه خسرانه و ليه
لان مفيش قرار رسمى بمنع دخول المنقبات للاماكن العامه ، كانت عندنا مشكله زى حضرتك كده مع الجامعه الامريكيه و رفعنا قضيه فى القضاء الادارى و كسبناها فبرده رئيس الجماعه رفض قرار المحكمه و بعدين رفعنا جنحه مباشره فطبعا المحكمه مقدرتش تحكم ضد رئيس الجامعه الامريكيه بقرارات و ده طبعا لا يزعزع من ثقتك بنصر الله سبحانه وتعالى حتى تتغير الصوره و الله نسأل ان يتقبل منكم صالح الاعمال
تحياتى اليك
ابو مفراح
ارفعلا امرك لله
وقولى حسبنا الله ونعم الوكيل
والحمد لله انك كنتى منتقبه فربما غدا سياتى من يريد كشف عوره بنات المسلمين من اجل ممارسه الحياه العاديه وممارسه حقوقه المشروعه
البوست بتاعك صرخه ىفى وجه الظلم
الا لعنه الله على الظالمين
تحياتى
أنتي فين ؟؟؟؟؟؟؟
مش باينة ليه؟؟؟؟
ربنا معــــــــــــــــــــاكى
تحياتى
هههههههههه
مختفية ليه
اكيد امتحانات
:(
أيه .. فينك؟؟
غايبة بقالك كتييييييييييير
طمنينا عليكي
بعدين ليكي تاج عندي
:))
السلام عليكم
علك تكوني بخير
ايه هما قبضوا عليكي ولا ايه ؟
طمنينا عليكي يا شيخه
كل سنه وانتي طيبه
كل سنه وانت طيبه
وكل حبايبك بخير
فينك عايزه اطمئن عليكى
يارب تكونى بخير
سلااااااااااااااااااام
كل سنه وانت طيبه
وكل حبايبك بخير
فينك عايزه اطمئن عليكى
يارب تكونى بخير
سلااااااااااااااااااام
كل سنة و أنت طيبة
كل سنة وانتى طيبة
سعادتك
و السنة الجاية احسن و احسن
السلام عليكم
الاخت الغالية مااااااعلينا
كما لاحظت انك في إنقطاع عن مدونتك
لعل المانه خيرا إن شاء الله
تقبل الله منا ومنك وكل عام وانتي بخير
كل سنة وانتي طيبة يا قمر
يارب تطمنينا عليكي
لو رفعتى أو مرفعتيش مش فارقة معاهم حاجه اللى عاوزينه هيعملوه
بس أنتى رايحة المديرية ليه
لو هما اللى طلبوكى يبقى اللى عاوزنى يجينى أنا مبروحش لحد
ولا أيه
اختي الغالية
السلام عليكم
كل عام و انت الي الله اقرب
انا جيت مخصوص علشان اهنيكي بالعيد لاني مفتقداكي و مفتقدة التدوين و اعزائي المدونين
كل سنة و انت طيبة و عام سعيد ان شاء الله
و بالنسبة للموضوع حعلق عليه بس بعد ما اقرأه انا بس كنت عاوزة اهنيكي بالعيد
اراكي بخير دائما ان شاء الله
بعد السلام
كل سنه وانتى طيبه
وعيدك سعيد
سلااااااااام
السلام عليكم
كل سنة و إنتي طيبة
لعل الغياب دا خير يارب
كلنا بجد مفتقدينك
ان شاء الله خير
تحياتي
سلام الله عليكي
ايه يا بنتي ايه الغيبه دي كلها
طمنينا عليكي
زيزي
السلام عليكم ورحمه الله وبركاته
وحشتينى جدا جدا
وبلف المدونات ادور عليكى
عايزه اطمئن يارب تكونى واسرتك
بخير و فى انتظار ظهورك
كل سنه وانت طيبه وبصحه وعافيه
يااااارب
شوفي محامين متطوعين و متفانين من أجل القضية
و ربنا يوفقك
انتي فين
وحشتينا يا ماعلينا
طمنينا عليكي
اصبرى يا اختى فالنصر والتمكين قادمين
Post a Comment