كنت هابدأ وأقول مش نتيجتى
بس افتكرت ان نتيجتى انا كمان فعلا ظهرت وانتم ما تعرفوش
خلصت اخر تيرمين وانا بعيدة عنكم
كانوا اسوأ ما يكون انا نجحت الحمد لله فيهم
وخلصت جامعه كمان كدا لانهم كانوا اخر تيرمين
لكن لم استشعر اي لذة او متعة
المهم
النتيجة اللي اقصدها هي :::::::::::::: نتيجة
كادر المعلمين
اخويا مدرس وزوجة اخويا الاخر اضا مدسة وبقالهم اسبوع واكتر مديني ارقامهم
علشان النتيجة
فعلا حاجة تضحك
والله ايام الاختبارات وكانوا معترضين كنت معترضة على دوافع اعتراضهم
لكن كنت اعترض ايضا
هم اعترضوا على الفكرة من اساسها
ازاي يعنى يعملوا لهم اختبار زي التلامذة
وكان لهم دافع اخر انا اعتبرته منطقى
وهو ان ليه نفس النظام لم يطبق على الاطباء
اعتراضي انا الشخصى
ان الاختبارات دي كفكرة شيء كويس لكن هل فعلا تمت بشكل علمى ومدروس
هل حقا حققت الهدف منها
الله اعلم ايه الهدف الحقيقي
لكن المفترض انها لتقييم المعلم هل فعلا تم التقييم
وهل فعلا الاختبارات تم مراعاة النزاهة فيها
باحلم انا مش كدا نزاهة ايه ونضافة ايه بس اللي انا باقولها دي
مصطلحات غريبة ومريبة وكفيلة بانها توديني الجونينة
المهم يعنى اخويا وزوجة اخويا الست ام عثمان احدث افراد شلتى ويبلغ من العمر 3 شهور الا 6 ايام
نجحوااااااااااااااااااااااااااااا
اجتازواااااااااااااااااااااااا
واخترناه اخترناه
علشان كدا احنا اخترنااااااااااااااه
عايزة اضحك بجد
كفاية كدا هو بوست مخلع صحيح بس اعمل ايه
انا لسه راسي وافكارى مش عارفة مين فيهم جوا التانى
الصورة نسخة من نتيجة اخويا بس شيلت بياناته
احنا ما عندناش مدرسين بياناتهم تتكشف على البلوجرز
26 comments:
حمد الله على السلامه انا سعيده اوى برجوعك للكتابه وحشتينا اوى ومبروك للناجحين
اما موضوع الأمتحان للمدرسين .مش مقنع وماحدش عنده ثقه فى طريقه التصحيح الأجدى
كان عمل دورات اجباريه فيها مواد عن علم النفس والتربيه طب لو مدرس نجح ولكنه
زى المدرس اللى ركل طفل فى بطنه ومات
بصراحه هى لا تربيه ولا تعليم الامتحانات وسيله لعدم كفايه الموارد لرفع كل المرتبات .النظام كله فاشل مش عايزه اكتر احسن نروح الجونينه سوا
بحبك اوى
هههههه
أحسن خلي المدرسين يستشعروا بعض مما يعانيه التلاميذ
:D
ما حدث مهزلة للتعليم في مصر, بل ليس للتعليم فقط, بل لكل الموظفين, حيث أظن أن الدولة ستقوم بعمل اختبارات كادر (مفاجئة) للكل في أقرب فرصة, بل ربما تقوم بعمل اختبارات كادر لمن أراد ان ينتسب إلى جنسيتها, ويكون هناك مواطن أول, ومواطن ثاني, وباقٍ.. وسلامي لأنظمة الواق واق
حمد الله على السلامه
كادر معلمين
كادر للجزارين
كادرللسواقين ....
الظاهر انها بعد كدة ممكن نعمل كادر للمدونين
هههههههههههههه
ماعليناااااا
ازيك
وايه اخبارك
الف مبرووك
امتحان الكادر دا هبل
مش الفكرة لأ..دراسة الفكرة
ايه اصلا الاسس اللي حطوا عليها الامتحانات؟
هل فعل نتيجة الامتحان واسلوب تفعيلة بيعكس قدرات المدرس؟
بلا خيبة دي حكومة عايزلها كادر
وكمان حاجة تانية ..اعرف مدرس رياضة لغات بيقولي انهم امتحنوه في قواعد اللغة العربية...طب الراجل يعمل ايه؟
بجد مش حلوة لن لسه في حاجات تانية كتير ناقصانا مش مجرد الكادر
تحياتي
محمد سمير
السلام عليكم ورحمة الله وبركاته
قبل اى حاجة
الف الف الف مبروووووووووووووووووووووك ع النجاح
مش كنت تقولى ولا انت عايزة تطنشى حلاوة النجاح
نيجى للى بعد كده
ياستى الاهم من ظهور نتيجة الكادر
هو ظهورك ورجوعك للتدوين
والله العظيم اناما عرفتش انك رجعى تانى للتدوين غير النهارده
وبعد اذنك انا بعتب عليكى عشان ما قولتليش
يعنى انا اللى ليا حق عرب عندك
انا معرفتش غير من محضر الضبط اللى عملتيهولى عند مدام اميرة
قلت لنفسى لازم اشوف المدونة
لقيت ما شاء الله بوستين
على قد ما فرحت
على قد ما زعلت ان عرفت متاخر
يللا ياستى المسامح كريم
وانا مش كريم
انا احمد
بس برده هسامحك
المهم ان رجعتى تدونى تانى
عايزك تستعيدى نشاطك
عشان نرجع معاكى وحشتنى المدونات جدا
على فكرة انا لسه هاعلق تنى ع البوست
وتعليق طويل كمان
عشان ما تقوليش عليا بخيل زى ما هو مكتوب فى المحضر
سلااااااااااااااااااااااااااااااااااااااااااااااام
بجد انا موش فاهمه مين اللي بيتفتق ذهنه على الحاجات الخايبه دي والله الحاجات دي فعلا بتسيء للمدرس المصري في الدول العربيه خصوصا لما يجبوها في برامج المحور ودريم ، دا المدرس المصري ده تاريخ طويل وهو اللي علم الوطن العربي كله
ياخساره على بنعمله في أنفسنا
لولولولولوي ي ي ي ي
مبرووووووك ليهم و ليكي يا قمر
حمدلله على السلامه
هلا هلااااااا
وحشاناااااااااااااا
أوووووووووووووووووووووووووووووووي
:)
بوست ظريف رغم أنه يعتصر جرحا من جراحنا. كرامة المدرس وهيبتة بقت في الحضيض في الطين . الحقيقة أنا معاك في فكرة الاختبار من أجل تحسين جودة العمل كويسة، لكن ماتفعله الحكومة بالضبط هو ما يفعله حلاق الصحة لمريض السرطان عندما يعطيه حبة ريفو ويدلك له جسمه بمرهم للدمامل والخراريج، المنظومة كلها فاسدة من الألف إلى الياء، وعلاجها الحقيقي أن يشتعل فيها حريق شعبشوري ( نسبة إلى حريق مجلسي الشعب والشورى) وبعدها يبدأ الإصلاح والبناء من جديد لكن الحمد لله الوزير قال نسبة النجاح كانت 33 في المئة والزعيم الله يبارك فيه وفي ولاده ويطول في عمره حبتين أمر الوزير أن يرفع نسبة النجاح إلى 99 في المئة وسلمي لي على الجودة والشفافية والست أم كادر وزوجها وعيالها
السلام عليكم
انتى اثرتى فكرة حلوة قوى وهى فكرة التأهيل وهى ان انسان يشغل اىمنصب او يتولى اى عمل لابد انه يكون فعلا مؤهل ليه دون محسوبيه او وساطة او ضربة حظ
ولكن الامتحانات التأهيليه لابد انها تكون موضوعية وحيادية وايضا خاليه من المحسوبيةو الوساطة هل ده ممكن فى بلدنا ...
على فكرة ممكن جدا بدليل تجربتى الشخصية فى العمل والامتحان اللى انتى عارفاه ومن اجله هدمت صوامع واغلقت بيع ومازلنا مطاردين ومستهدفين بسببه ..... صح الكلام ولا ايه رايك
klmat
الله يسلمك يا رب
يا اطيب وارق كلمات
الله يبارك فيكي
ايوة بلاش مفيش داعى للجونينة واحنا داخلين على جو البرد دا
انا كمااااااااااان
بحبك اووووووي
وضّاح
تعرف انها فكرة حلوة
ان الكل يتعمله اختبار كادر
بس كلام في سرك
الراس الكبيرة هيتعملها كادر ولا لا
حقها باردو
ولا كل الشعب يتكدور وهي لا
هي يتكدور دي تنفع لغويا ؟؟؟
نورت المكان
kafrawy
بجد
يا سلام ويقبضونا
بس يا ترى هيقبضونااااااا
ايييييه
احنا بقى عدينا
بقى عندنا اتنين في البيت
هيقبضوا فلوس الكادر
بعد ما اثبتوا كفاءة في
مهزلة الكادر
غمض عينيك
سيبك انت
طمنى اخبار المطحنة اللي انت فيها ايه
ربنا ما يحكم عليك بطحن تانى
اوعى تكون بتطحن برشام وتضرب عليه بودرة تلك
وتبيعه للغلابة المدمنين
دول فعلا محتاجين يتعملهم اختبار كادر
ونشوف مين بيقدر يميز بين الصنف الاصلي
والصنف المضروب
واللي ينجح
نديله تابيدة
سلامى لفروحة ومامتها
دكتور كسلان
لالالالالالالالا
زعل ايه بس ربنا ما يجيب زعل
بين الاخوات ابدا
وزي ما قلتلك
دا كان تهيئة وتنظيم مكان وبس
وعبارة عن عملية احماء ما قبل نزول الملعب
والله يبارك فيك يا عم
وانا تحت امرك لحد ربع جنيه
ليكم كلكم طبعا تجيبوا لبانة
او مصاصة من ام شلن
هو الشلن اتلغى ولا لسه؟
واديني رديت
عايزة التعليق الطويل ماليش دعوة
منتظرة اهو
كباريه
العزيزة الغالية كباريه
احنا بلد كل ما هو جديد ومذهل
وبعدين كتر خيرهم
الناس تعبوا وعملوا اختبارات
وفي النهاية وبعد شد وجذب
المدرس هياخد الكادر بعد ما يتقصقص من الجنب دا شوية
والديل دا شويتين
زي حتة الجبنة بتاعة فيروز وانور وجدى كدا
الله يكرمه بقى صاحب فكرة الاختبار
واللجنة اللي انعقدت وناقشت
واللجنة اللي تابعت
واللي قررت
واللي راجعت القرار
وكل اللجان من بحرى للصعيد
والطريق السريع كله بكل كمين فيه
ايه دا انا دخلت على لجان المرور
ما علينا
بس على فكرة عايزة اقولك حاجة
كااااااان زمان
المدرس المصري فعلا بيعلم وهو اللي علم الكل
لكن دلوقت
هاتى مدرس
وكلميه واتفرجى وشوفى
ممكن اووي تلاقيه مش بيعرف يتملى صح
ولا عنده اي خلفية عن طرق التدريس ولا المناهج التربوية ولا حتى الاكاديميه
نورتى المكان
و القادم....أجمل
حبيبة قلبي
والله انت وحشااااااانى جدااااا
ونعناعك الجميل كمااااااااااان
الله يبارك فيكي يا قمر
ويكرمك دايما يارب
ودايما معاكى وبيكي القادم اجمل
الكحيان
طيب فكر معايا كدا
ومن كلامك انت اهو
اعترفت واقريت بنفسك
ان الاب الحنون لم يبخل على ابناءه
بان يتمتعوا بنفس النسبة التى يتهمه البعض بانه يحتكرها
وهي نسبة الـ 99 % الراجل عداه العيب
واخد اللي بعده
وبعدين الست ام كادر دي
ست جامدة وشلق
ما انصحكش تجيب سيرتها
ويا عزيزي الكحيان
المدرس كرامته في الارض من زمان
لاسباب كتيييييييييييير جداااااا
اخرها اختبارات ونتايج الكادر
بس خلاص
لا يختى مش صح انت هتلبسيني تهمة
وتخليني اقول كلام انا مش اده
كدا دي اخرتها عايزة تورطيني
اهئ اهئ اهئ اهئ ما كانش العشم
واه انا لى وجهة نظر تانية
انت ناسية الجوافة اللي انت دفعتيها رشوة بصراحة رشوة كحيت اووووووي
انا اقل من المانجو الفونس
ما اقبلش
والمدرس هو اللي مرمغ نفسه من زماااااان
ومحى كرامته بالدروس الخصوصية
الطالب بيتعامل مع المدرس
كانه ولى نعمته
والمدرس بينظر للطالب هذه النظرة فعلا
واصبحت العلاقة علاقة
بياع عنده سلعة دا هو المدرس
ومشترى بيدفع ويشيل دا التليمذ
وبين البايع والشارى يفتح الله
ويعوض الله يعوض الله يعوض الله
ماشسى ياقمر كده تقولى على السر .... ماكانش العشم
انتى عارفة ان بلدنا مشهورة بالجوافة والقرع ... قلت الجوافة احسن من القرع مش انتى معايا برضة ولا ايه
وفى النهايه اهو كله بطيخ
بصراحه الفكره حلوه
لو يطبقونها ع الموظفين بشكل عام
احس بتحيي روح الحماس فيهم:)
والله احنا مااخترناهوش هو اللي جه لوحده
واللي جاب العفريت يصرفه
:))
عقبال الكادر بتاعنا ... وسلميلي ع عثمان
بس خلاص ...
سر ايه اللي انت جاى تقول عليه
سر مين بس
البركة في .... بفضله ما فيش حاجة اسمها اسرار
دي محافظات الجمهورية جمعاء
عرفت قصة الجوافة
وانت تقوليلي سر
انا قلت اعرف الاخوة البلوجرز تجربتك
واهو يبقى على لسانى ولا تنسانى
وحاليا الرمان مالى السوق
بس خلى بالك من البقع
اقصوصه
يا ترى تقصدى اي فكرة
فكرة الكادر نفسه الحافز يعنى
دا اكيد هيحمس الموظفين طبعا ويحفز اي حد
لكن لو تقصدى اختبار الكادر
يبقى لا حد هيتحمس ولا غيره
دي فعلا بلد محتاجلها كادر
نورتى المكان
أنونيمس
اممممممممممم
بقى هو اللي جيه لوحده
طيب كتر خيره
انه جيه على نفسه وتكبد عناء المجئ
وحيييييييييييدا
دي اسمها مبادرة
وفي الحالة دي يبقى ما حدش هيصرفه
لان استنادا الى اقوالك المنسوبة اليك
ما حدش جابه
ولما هو ما حدش جابه
عايزين تمشوه ليه
طالما جيه لوحده
يبقى يقعد لحد ما يمشي لوحده
الا قولى
انت لسه برا لحد دلوقت ليه
؟
؟
؟
أنا بفى ماما واختى وخالتو وزوجها وخالتو الاخرى وزوجها وأثنين من بنات خالاتى مدرسين ياعنى العائله كلها ههههههههههه شفتى بقى مش اتنين بس على العموم مبروووووك لكل الناجحين عندك وعندى
انا اول مره ادخل مدونتك لذلك التعليق متأخر كتيررررررررررررررر
Post a Comment