وادينا عملنا البوست
والله العظيم والله العظيم جاوبته مع نفسي ييجي عشرين مرة
وكنت كاتبه الاجابات بشكل شرح ومبررات
لكن قلت لنفسي في النهاية لازم يا نعم يا لا
وبعد ما عصرت ماعلينا عصر كان ما كان من تلك الاجابات
كل لا او نعم من دول جاءت بعد حوار ونقاش طويل جدا مع نفسي
وان كان هناك بعض الجمل التبريرية فهذا كان للضرورة
==============
هل تحب نفسك أي هل تحس بالغرور والتكبر والاعجاب بالنفس؟
نعم احب نفسي جدا
يداخلني الاحساس بالغرور احيانا
واعجب بنفسي في مواقف كثيرة
يستحيل ان يقترب مني احساس الكبر
هل تحب المدح من الاخرين؟
لا
هل تضيق من النقد او من ابراز عيوبك من شخص اخر؟
نعم
هل انت ممن يؤثرون مصلحتهم وراحتهم دائما ولو على حساب الاخرين؟
اكيد بحب مصلحتى لكن مش على حساب وراحة الاخرين ولو بقدر ضئيل
هل تغلبك الشهوات دائما؟
لا
ما هو المقدار الكافي لك من النوم - الاكل - الكلام؟
يكفيني من النوم 4 ساعات او 3
الأكل اللي باحبه باحب اكل منه لحد ما اشبع
والاصناف اللي انا مش مغرمة بيها اكل منها ما يسد جوعي
الكلام انا رغاية جدا طالما باعرض ارائي وأفكاري
هل تطاوع نفسك وهواك في كل ما تطلب؟
لا
هل انت متسرع عجول؟
لا
هــــل انت عصبي سريع الانفعال؟
نعم
هل انت شديد الحساسيه تجاه الاخرين ومع ذلك لا تراعي مشاعر الاخرين؟
لا
هل تتحدث عن نفسك كثيراً وعن اعمالك وآرائك وانجازاتك
وماضيك وآمالك حتى مع نفسك وليس بالضرورة مع الناس؟
اتحدث عن آرائي وافكاري و ربما آمالي
كثيرا مع الاصدقاءأما نفسي فاتحدث معها عن عيوبي
لكن لا اتحدث عن ماضي واعمالي وانجازاتي
هذا اذا وجدت
كيف تنظر للآخرين سواء
الافضل منك او الاغنى منك او الاشهر منك او جميعهم
والعكــس أي الاقــل منــك و الافقــر منك
و الاضعف منك و الاجهل منك؟
انظر لكل شخص على انه انسان مجموعة من المشاعر والافكار
سواء كانت متناقضة او منتظمة في النهاية انسان زيي زيه بس افكارنا ورؤيتنا للأمور مختلفة
هل تعتقد انك لم تأخذ حقك في هذه الحياه؟
الحمد لله انا ارضى بما قسمه الله لي
ودا احساس مريح وممتع جدا
كيف ظنك بالناس (حقودة – مؤذيه – غير ودوده – ودوده – الخ ) ؟
الناس بيجمعوا كل التركيبات دي
وكل الفئات دي موجودة
وكل انسان يمكن ان يكتشف انه خليط من تلك الصفات
ولكن نسب الخليط تختلف من شخص لآخر
هل انت راضٍ بما قسم الله لك من رزق؟
الحمد لله تمام الرضا
هل تحب ان تُقدم اليك النصائح؟
لا
لا احب ابدا اسلوب التوجيه
لكن ان كانت النصيحة مقدمة في سياق حوار ونقاش
يبقى اقتناع واتقبل التراجع عن رأيي والأخذ بالرأي الصواب
لكن فعلا ما احبش ان حد ينصحني بشكل مباشر وممكن اعند
هل انت كثير الكلام؟
نعم
هل تفكر كثيرا في نظرة الناس لك؟
لا
هل تغضب لنفسك وتنتصر لها دوما؟
اغضب لها
وانتصر لها احياناولكن ليس دوما
هذا يتوقف على من الذي انتصر عليه لها
هل تمدح نفسك وتدافع عنها ولا تحب ان يعاب عليك وتسوق المبررات لكي تكون الصائب دائما؟
اعتقد اني افعل هذا
هل تغتاب الناس ولو بقلبك؟
في حياتي اشخاص كثر فعلا اشارك في ان اغتابهم مع آخرين
ولكني لا افعل بيني وبين نفسي ولكنها التجمعات
ولكن نهايةً افعل
هل تحب ان يُنتقص بضم الياء الناس امامك؟
لا احب ان يُنتقص الناس امامي ولن اقول انني امنعه
لانني احيانا كثيرة اشارك فيه ولكنني الوم نفسي كثيرا
ومع ذلك اشارك فيه بيكون في اسباب لكنها مهما كانت لا يجوز ان تبرر ما افعل
هل تقبـل النميمه وتحب نقلهــا؟
لا
انا قسمت الأسئلةعلى مرتين لانها طويلة
وللحديث بقية
28 comments:
ايه الصراحه ديه
مية مية
انك كنتي صريحه مع نفسك
قبل ما تكوني صريحه مع الناس
بوست هايل
لو كان الكلام يستطيع
أن يعبر .... لانحنى احتراما
لكم الصراحة والموضوعية والانفتاح
الموجودين في هذا البوست
.
.
فعلا أحييك
لكن لي عتاب
وهذا موضوع آخر
ولو انى كنت من المعارضين ولكن حياك الله على الصراحة اللى بتبين سلبياتك
ولو انها في معظمنا
يلا مبقتش فارقة سينا من سونيا
اصعب صراحة هي الصراخحة مع النفس
لكن طلعتي شخصية ممتازة
كامل احترامي و تقديري ليكي يا جميلة, لاحترامك لنفسك و ذاتك وصدقك مع نفسك
جميل جدا بجد اني اصارح نفسي بعيوبها او مميزاتها, و الاهم اني اقوم نفسي في نقاط ضعفها و شرها
بس اياكي تعتبريه تاج و تبعتيه لحد
---------------
انا في الشغل حبيت اعلق لان الموضوع شدني فعلا
و اول ما ارجع هجهز الكومنتات الجديدة
سلام مؤقت
يارب تكوني ارتحتي بعد سيل الصراحة اللي أنتي عملتيه ده
وأهنيكي عي جرئتك
تسجبل حضور
الموضوع شكله كبير
بقى مشيتى اللى فى دماغك ونشرتى الموضوع؟؟؟
عموما انا فى الشغل دلوقتى
هروح البيت واقرا بمزاج اعلق بمزاج برده
سلام مؤقت ياقمر
محمود على
يعني اجيب طب كدا يا محمود
نفسي دي هي اعز حد عندي
وبحبها جدا
علشان كدا بحب اني احترمها وتحترمني
شكرا على الفول مارك
أنونيمس
ربنا يكرمك يا دكتور
كتير على الكلام الجميل دا
لكن انت كدا قلقتني
عتاب ايه خير
طالما في عتاب
يبقى فيه زعل
ودا انا لااقبل بيه
من اصدقائي ابدا
يا خبر ابيض زعلان مني
لا انا منتظرة
قاعدة هنا لحد ما ترجع وتقولي
ماشي
تخاريف دكتور
ماهي القعدة دي هدفها الاول
اني اعترف بسلبياتي لنفسي
وطبعا انت منتظر الباقي
جاي في الطريق ماتقلقش
بس ايه رايك
اعترفت على الملأ اني رغاية
هي شوشو
مابتجيش مع سينا وسونيا
shams
ربنا يكرمك يا رب
كل العيوب دي وممتازة
طيب اصبر لما تسمع الباقي
الاهم فعلا اني اقدر اقوم العيوب دي
دعواتك يا شاه
والله يا شاه
نفسي دي عزيزة على جدا
وانا بحس اني لما باعمل حاجة كويسة
او اتخذ موقف ايجابي
ان دا بيكون نابع من انانية جوايا وحبي لنفسي
علشان اقدر احترمها
وماتسقطش من نظري
لاننا بنقعد انا وهي مع بعض كتير
مش عايزاها بقى تقعد
تانبني او احس منها باحتقار لي
يعني في النهاية
لو باعمل حاجة كويسة
بيبقى علشان احترمها
ولاني بحبها جدا
يعني مش لله
انا قلت برضوا
التعليق دا رسمي كدا
وورقة الدمغة ملزوقة عليه
اتاريك في الشغل
انا منتظرة بقى
التعليقات المنزلية
وكدا يا كينج
تسيبهم يحطوني على جهاز كشف الكذب
ويدوني مصل الحقيقة
اقوم ابعبع كدا
وما تقلقش
مش هاعمله تاج
انا عارفة ان مش كل الناس دماغها لافة معاها زيي
سلام مؤقت يا كينج
fanan fa2eer
يعني شوية يا فنانة
لسة لما اكمل
اعتقد هارتاح اكتر
دعواتك
Hadota .. حدوتة
سماح بقى البوست دا
واللي وراه يا حدوته
تقولي ايه بقى دماغي جبس
مع اني كنت خلاص قررت تقريبا ما انزلش البوست
لكن هي عادتي كدا
لما الاقي نفسي تراجعت عن قرار اتخذته
والاقي ان تراجعي دا دافعي له
خوف او جبن
باجي على طول راجعة لقراري الاول
وانفذه دونما تراجع ولا استسلام
باحط نفسي امام الامر الواقع
وافوقها
ومنتظرة بقى التعليق المتمزج
منوراني دايما
ياحدوتة الحواديت
برده نشرتيها يا عنيدة ... عموما أحييك على هذه الشجاعة
أشعر أنك سعيدة هذه الأيام لا أدري لماذا شعرت بهذا و لكن ظني أنك تخلصت من عبء كبير وهو المصارحة و المجابهة التامة مع النفس و صارعتيها في إعلان النتائج ربما تحرجيها فتجبريها لتتخلصي من العيوب الموجودة فيها
لو صح ظني فأعتقد أنها استراتيجية فعالة الى الآن يكفي روقان البال اللي باين في كل سطر قرأته لكي في الفترة الأخيرة
أتمنى ان أراكي دوما في خير حال انشاء الله
سلام
جميل اوى يا ما علينا
صافية انتى وجميلة
عارفة انت تشبهينى فى حاجات كتير
عجبتنى اوى صراحتك
وعجبتنى اكتر شخصيتك
:)
منتظرين الجزء التانى
بس كده ايه المعيار اللى هتقيسى نفسك عليه
بعنى المفروض يبقى فيه حاجة بتقييمى بيها
تحياتى يا قمر
ملحوظة .. معلش يا ماعلينا هيا المدونة تحفة والله بس كبرى الخط شويه عشان اختك نظرها على قدها يعنىابقى اعمليه لارج حاجة تملى العين كده
أولا يكرر كل الكلام اللي قولته
ثانيا أنا كان قصدي يمكن عتاب يعني
ملاحظة مش زعل خالص
يمكن خاني التعبير ... آسف ياستي حقك على راسي
ثالثاً كنت عاوز أقول ايه
كنت عاوز أقول ان اكتر الناس حكمة هو من يعرف ماذا يقول ولمن يقوله ومتى يقوله وكيف يقوله
كنت عاوز أسئلك هل دارت في ذهنك هذه الأسئلة -الملعبكة- وانت تكتبين ام لا؟؟
وهل ستؤثر على اجاباتك القادمة أم لا؟؟
عافه ... علماء التفس و السلوكية بيقولو ان لشخصية كل انسان اربع جوانب
جانب ... يراه الناس ويراه هو
وجانب ... يراه الناس فقط .. صورتك لدي الناس يعني
وجانب .... يعرفه الشخص عن نفسه .. وهذا هو ســــر الانسان .. وكلما نضج الأنسان وكانت شخصيته اعمق .. كلما زاد هذا الجانب
أما آخر جوانب الشخصية .. هو ما لا يعرفه الشخص عن نفسه و لا الناس .. لا يعلم مكنونه إلا الله .. الظروف و المصادفات هي فقط من تجعل الإنسان يتعرف على ربعه الخفي
معلش أنا طولت بس كان لازم أقول كل ده
قبل ما قول القادم
إذا كان للإنسان شخصية قوية تتحمل نتائج الإجابة الصادقة على اسئلة من هذه النوعية ... فأنا أري ان اجابة هذة التساؤلات لازمة
لكني أرى أن اذاعة كل الاكتشافات .. خطأ قد لا يدرك تلانسان أيعاده في لخظتها
بس كده .. ياريت ميكونش كلامي فيه أي شئ متجاوز اللياقة ومتشكر مقدما على رحابة صدرك اللي أنا متوقعها
آسق يشدة على التطويل و الفلسفة
ســــــــــــــلام
كويس انك قسمتى الاسئلة
تسمحيلى المرة دى احسدك على صراحتك
بس انتى كنتى خايفة من ايه
انت كده عشرة على عشرة
انا بيتهيالى ان ده طبيعى مش عيوب
انا لو بسال الاسئلة دى لنفسى
كان يطلع فى عيوب كتير
خصوصا موضوع النوم
بس انا لسه مختلف معاكى
مكنتش عايزك تنزلى البوست
ما علينا
مش اسمك
دى جملة اعتراضية
ادعيلى ان اكتب اكتر منكده
سلاااااااااام
The Last Samurai
من جهة العند احيانا باكون عنيدة
جدا واكتر شخص باعانده هي انا
انا ما كنتش هارتاح الا اذا نشرتها
وبناء عليه نشرتها
ربما تحرجيها فتجبريها لتتخلصي من العيوب الموجودة فيها
جملتك هذه كانت تنقصني فيما نشرت
لانها تصفي هدفي تماما
باتمنى فعلا اني احرج نفسي وبكدا اجبرها على التقويم
وانا فعلا مؤخرا
في حالة مزاجية طيبة منذ ايام
مقارنة بالايام السابقة مباشرة
كان هناك ما يشتتني
ربنا يكرمك يا رب
ودايما كدا
تساهم في رفع معنوياتي بزيارتك
Hadota .. حدوتة
كتير اوي الكلام الحلو دا على
انا كدا ما اعرفش ارد
باكلمك جد
انا لما حد
يقولي كلام جميل كدا
تقريبا بيعجزني عن الكلام
علشان كدا
دايما اقول لاصحابي انا
تدخلوا في شمال
ابقى زي الفل
واوريكم انا مين
وشرف كبير لي جدا يا حدوتة ان يكون في تشابه بينا
بالنسبة بقى لموضوع التقييم يا حدوتة وكيفيته
والمعيار
انا عن نفسي
باحاول قدر امكاني
ان يكون معياري من منطلق
الحلال والحرام
واظن دا ما فيهوش خلاف
يعني انا باشارك في الغيبة
حرام ومعصية
يعني نقطة سوداء في صفحتى
احساسي بالغرور احيانا
يزيد في مساحة السواد
وكل سلبياتي
على هذا القياس
الصفحة كبيرة
وهانشوف ايهما اكثر واشد غلبة
اسودها ام ابيضها
ولا يفوتني النية والدافع
يعني الذنب بيتعاظم
في حالة التعمد
وكدا يعني
بس المهم ايا كانت المعايير
اني بعد كل دا
ما يبقاش كان مجرد
لحظة شجاعة
كبيرها انها اتنشرت هنا وخلاص
وافضل انا زي ما انا
المهم اني اتغير
او حتى احاول
والله البوست دا حيرني
بسبب موضوع حجم الخط دا
غيرته كتير وكل ما انشره الاقيه يا كبير اوي
يا صغير اوي
وبعدين النوم خبطني
وانا ما باصدق احس اني عايزة انام
دي حادثة
وتحت امرك يا قمر
بعد كدا اي بوست
هانزله بالبنط العريض
أنونيمس
وانا والله
كنت عارفة ومتاكدة ان قصدك
ملحوظة
وكنت حاسة انها بخصوص نشر البوست
وتاكدي من قراري بالنسبة لنشره
بس حبيت انكشك بسرعة علشان تقولي ملاحظتك
انا منزلاه علشان كدا
وطبعا الاسئلة الملعبكة
دي سالتها لنفسي مرات ومرات
وعلشان كدا نزلت البوست اللي تساءلت فيه عن نشر البوست من عدمه
كنت عايزة اعرف
انا هانزل الكلام دا لمين
واستقبالهم هيكون ايه
وموقفهم ايه من انسان
بيعري نفسه قدامهم
اجابات الناس عن تساؤلي
عكست جزء كبير من تركيباتهم
عرفتني عليهم زيادة
على معرفتي لهم من خلال مدوناتهم
عارف يا دكتور
انا بحب اضغط على نفسي اوي
علشان اجيب اخرها قدر الامكان
انا كان ممكن جدا
اجاب الاسئلة دي وانزلها كدا بدون مقدمات
بس ساعتها كنت هانزل اول اجابات
اللي هي الواحد بيكون فيها
ما ركزش اوي وما دخلش جوا اوي
لكن الاستفتاء اداني فرصة ووقت
اني اراجع نفسي مرة واتنين
واتراجع عن قراري
وارجع عن تراجعي
فاعصر نفسي تاني
وردودكم
كنت دايما بالاقي في كل رد
سهم لمنطقة جديدة
ادخل اضغط عليها اكتر
كل اللي فات دا علشان اقولك
ان الاسئلة الملعبكة دي دارت جوايا كتير
لكن هل وصلت لاجاباتها سواء سليمة او خاطئة
ما اعرفش
زي انت ما قلت
اكثر الناس حكمة
من يعرف ماذا ولمن ومتى وكيف
وانا اظنني افتقد للحكمة
انا حكمتى الوحيدة
اني اعمل الشيء اللي بيحسسني براحة نفسية
واكون في حالة تصالح بيني وبين نفسي
علشان اقدر احترمها وتحترمني
نفسي اوي اوي يا دكتور
اعرف نفسي اكتر واكتر
ونفسي اكتر لما اتعرف على ربعي الخفي
او على بعض ملامح منه مصادفة
نفسي ما اتصدمش
والجانب اللي الناس شايفينه
انا مسئولة عنه جزئيا
لكن افكارهم وطريقة تناوله للاخرين
هي المسئول الاكبر عن نظرتهم لي
انت عارف بقى القولبة
والصورة اللي انا وهم شايفينها
دي انا مسئولة عنها مسئولية كاملة
انا باكلمك من خلال مواقف
وتجارب وقراءات في علم النفس
باكلمك او بمعنى اصح
بادلي بدلوي
دلقالك دماغي قدامك على الترابيزة
مش ترابيزة العمليات
انا ناوية المها تاني
والله يا دكتور
انا عندي القدرة على تحمل نتائج تلك الاجابات وتحمل نتائج ما هو اشد قسوة
انا اعتقد اني ساقسو على نفسي اكثر واكثر في باقي الاسئلة
ومتلهفة للنتائج
التي ادرك تماما
ان نشرها على الملأ
اي ملأ سواء هنا
او بين اصدقاء معايشين لي
ادرك ان النتائج تكون متتابعة
وتراكمية
يعني ممكن جدا
اجاباتي افضل اكتشف تاثيرها على الناس على المدى البعيد
وابقى زي ما اكون انا اديتهم بايدي
قالب يقولبوني فيه
وكل هفوة او خطأ
يرجعوه لشيء انا قلته
ويبقى حاجة متاصلة في
مش انا اللي قلت
كل دا انا عارفاة
انا مش بيفرق معايا
انا بس يهمني اني اقدر احترم نفسي
واحبها واقول مع نفسي
الحمد لله الذى عافانا
من اي صفة هاقدر اتخلص منها ان شاء الله
ايه يا دكتور
انا كدا بقى ازعل بجد
تجاوز ايه بس وعدم لياقة
انا لا اسمح لك تقول كدا
عن كلام اخ وصديق عزيز على جدا
مهتم بكلامي لدرجة انه بيناقشني
ودا انا باعتبره احترام لعقلي
وتاني بتتاسف
هي فين الاطالة دي
بعد ما تخلص تعليقي دا لو خلصته
هاتعرف ايه هي الاطالة
عارف يا دكتور
انا لم استمتع بكتابة البوست
مثلما استمتعت بردي على تعليقك
ما هو من عيوبي اللي باستمتع بيها
اني باحب اتكلم عن افكاري وارائي
باستفاضة
وانت بقى فتحت لي الباب
بتعليقك
هي فين الاطالة دي
والكلام لما يبقى كدا
ما يبقى ممتع ان الواحد يقراه
مش دا كلامك يا دكتور
كلام في سرك
اعتقد ان دا اطول تعليق انا كتبته من ساعة ما دخلت عالم التدوين
سلام يا دكتور
وشاكرة ليك جدا جدا
انك اتحت لي الفرصة
دي
اني ارغي عن افكاري شوية
انا عايزة كل يوم من دا
دكتور كسلان
طبعا لازم اقسمه
امال يعني تيجي تقرا انت للنص
وبعدين تكسل وتنام مني في النص
واصبر لما انزل الباقي علشان تحسد مرة واحدة
ويا دكتور انا ما كنتش خايفة
بس كنت بادرس المنطقة
واشوف وجهة نظري صواب او فيها خطأ
وبعدين لو بطلت نق وقر على هادعيلك
تكتب تعليق وبوستات طولها بالمتر
ما علينا
مش اسمي برضوا
اهو الوست نزل واللي كان كان
يعني لقيتك في الاول مجاوبة بكل احترام و اخر جمال و حسيت انك طالعة من الجامع على البوست على طول
و ببوص لقيت ملاك و جناحين و رنج على راسك و شوية نجوم كدة لزوم التخيل
قلت ماشاء الله البنت اتغيرت
يااااه ده احنا الاتنين اتغيرنا و بقينا بنتكلم زي المثقفين في البوست ده
و طااااااااااااااااخ
طابع بوستة
ادوني مصل الحقيقة
دماغي لفة
تعليقات منزلية
و جهاز كشف الكدب
مفيش فايدة يا بينتي ده ادمان
و بعدين تعالي هنا
انا جيت ببص على الناس اللي معلقة لقيتهم كلهم رجالتي و بتوعي
احنا فينا من كدة و لا ايه
هتعدي تتمسكني بقى عشان تخديهم مني و لا ايه؟؟
عملتيلي بوست الحقيقة و ظلم النفس و الحركات دي مبتخيلش عليا
سيبي زبايني في حالهم
وبعدين انا واخدلي اجازة اسبوع بغير شكل الغرزة عندي, شكلي هرجع مش هلاقي حتى الواد بيسة اللي في الكشك اللي جنبي
هشرب شاي بقى و ارجع تاني
اصلي فصلت
البوست راائع
و فعلا خطوة رائعه انك تكون صادقة
مع نفسك
هايلة ربنا يحميكي
:)
S H A H
ايه دا انت بتفصل
بسرعة ليه
تلاقي الشاي نشارة ومضروب
بقى انت بتشرب شاي انت
اقولك الغي الفايبريشن اللي انت مشغله لدماغك
والالعاب وانت الشحن يغيب
معاك مدة اطول
ما انت عارف بقى يا شاه
الواحد مالوش تقل على التوبة
والطبع يغلب التطبع
ومن فات قديمه تاه
وبعدين قلت
اجرب التعليق المختلط
وهو دا بقى منهج الوسطية
شوية براءة على شوية
اجرام
ودي اول مراحل
العلاج من الادمان
بس بذمتك انا لو اتعالجت
اعتقد انك هاتمنعني من دخول المدونة
عندك
ومش بعيد عندي هنا كمان
وسيبنا بقى من كلام القرع دا كله
ونقول كدا من تاني
سمعني كدا
بعيد عنك اصلي مطرشة وباتعالج انف واذن وحنجرة
ايه قول تاني كدا
زواري وضيوفي من عندك جايين
الكلام دا كبير
اصحى فووووووووق
ولا اقولك
قول براحتك
كله من الصنف
وفي بيتها يا سيدي
الغرزة غرزتك
واعتبرها فرع
من الغرزة الام
اللي انت ناوي تغير معالمها
وقال تجديد قال
انت طبعا
عايز تبوظ محضر الضبط
اللي معمول
علشان المعاينة الجنائية
تثبت مخالفة الواقع للبيانات المثبتة في المحضر
ماشي يا معلم هرم
ما انت ضد الحكومة
وهد انت وابني براحتك
هاترجع تلاقي كل زباينك
في الحفظ وووالصون
ومعاهم بيسا
وفوق منهم هاديك
الواد الخمس
كله هالفهولك
زباين وصبيان في ورقة سوليفان
اروح انا بقى اشرب شاي
اه
معجبتك بتسلم عليك
بتاعة الكابتشينو
اللي قارفني بس علشان تقرا
مواضيعك وتعليقاتك
وردودك على البشر
سلام يا بشر
و القادم....أجمل
ربنا يكرمك
يا دكتورة
بس المهم اني اكون
فعلا صادقة مع نفسي
ربنا يعيننا جميعا
والقادم اجمل
اجابتك صريحه
تنم عن شخصيه قويه وواضحه
وواثقه فى نفسها
بعيده عن الغموض
فى انتظار الباقى
تحياتى وسلامى
klmat
ربنا يخليكي
والباقي نزل
انا اقدر اخرلك طلب
Post a Comment