كنت من اخر يوم امتحانات تقريبا متوقعاها
و ما كنتش منتظراها بل كنت ناسياها نهائي
كان بيفكرني بيها سؤال المحيطين
أخبار النتيجة ايه؟
وانا اقول أخر الشهر
قال والشهر ماشي وانا مش مركزة معاه خالص
ويوم الجمعه الساعة 6 مساءً تقريبا
لقيت رسالة جاية على الموبايل
تكنولوجيا بقى
بيبعتوا لنا النتيجة كل تيرم على الموبايل
المهم
قلت مع نفسي انتي جيتي
أشوف بقى هاخد كام مادة مع مواد التيرم اللي جاي
ومش هاطول عليكم
الحمد لله الحمد لله الحمد لله
نجحت في الخمس مواد
بلا فخر 4 مقبول و واحدة جيد جدا
الحمد لله الحمد لله الحمد لله
اللي ييجي يهني
انا باقدم شاي
وبس
النصبة عندكم والست قاعدة
اطلبوا زي ما انتم عاوزين
دعواتكم بقى
فاضل تيرمين
74 comments:
مبرووووووك
يارب ربنا يوفق حضرتك عشان تفرحي وتكونى كل ماتتمنيه
بس شاى؟ ما علينا... أنا جاى أهنى وف أول زيارة عموما اللى جاى مش هيكون أصعب من اللى فات إلحقى تمتعى بطلب العلم وثوابه الكبير فقط تذكرى خلى نيتك تنفعى بعلمك دينك ووطنك وأنقلى العلم لمن يحتاجه ربنا يباركلك فى فهمك ويوصلك لفهم أعلى
ذاكرى كويس ربنا يحفظك
خلاص شربت الشاى يجعله عامر وغقبال الشهادة الكبييرة
دمتى بخير
انا بشرب الشاى سكر بره
يعنى الشاى على الصنيه والسكر على السلم بره الشقه خالص
عموما
مبروك
ويلا بسرعه قومى ابعتى الشاى على المدونه بتاعتى
الف الف مبروك
وربنا يكرمك فى حياتك ان شاء الله
واتمنى زيارتك ليا فى مدونتى
رسالة مواطن زهقان
ايه دا شاى ايه
احنا عاوزين
شربات ياجدعان
لالالالالالالالالالا كدا ماينفعش
ألف مبروك
عقبال الشهادة الكبيرة
كده برده
تبقى خالصة مخلصة
ومادة جيد جداً
وشــــاي بس
طيب ماشي مقبول
بس عايزينه كومبليت
يعني معاه لبن وجاتوه وبسكويت وبيتي فور
:)
وألف
ألف مبـــــــررررررررررروووووووووك
مبروك
انا جايب مقبول و 4 مواد
شوف انتى بقة
العزومة ع اية
مبارك
ربنا يوفقك
الف مبرووووووك
بس ايه التفوق ده
4 مقبووووول
و 1 جيد جدا
طبعا هو ده التميز لان مقبول من القبول
فاللهم اجعلنا من المقبولين
بعد السلام عليكم
ألف مبروك علي النجاح ومن نجاح لآخر أن شاء الله ، و عقبال التخرج
اعتبري الشاي وصل
تحياتي
ألف ألف مبرووووووك يا ماعلينا.
و عقبال الترمين اللي جايين
تجيبي فيهم 1 مقبول و 4 جيد جدا:)و لو نفسك في امتياز..و ماله أنت أدها و أدود. ربنا يوفقك يا ما علينا أنت تستهلي كل خير. اه صحيح أنا بحب الشاي يكون بالبن...أجيب اللبن معايا و لا أيه النظام :)
مليش دعووووووووووة انا عاوزة جاتووووووووووة والله هعيطلكو هنا لغاية متجيبولى حتة كاتوه وببس
الف الف مبروك ودايما متوفقة يارب
تحياتى -- هبة
مبروك يا صديقتى العزيزه
مش عاوز شاى عارفانى بانام خفيف
ومش كييف
والله فرحت لك قد ما كنت مخنوق من الفتره اللى حرمتنا من تعليقاتك القصيره
يلا
يارب تخلصى على خير
اسف
امنية حيات انى اطول عليك
الفين مبروك
وعؤبال ما نخلص الترمين الجايين على خير
ان شاء الله
انا وانتا
وقول يا رب
معلهش جات متاخرة شوية
congratulation gameela
من جد وجد ومن زرع حصد
وانا عارفك بتذاكرى من اول يوم
مبروك كمان مرة بس بالعربي بقي
يلا كفاية
ده احنا نهنى انفسنا والله
ألف ألف مبروك يا جميلة وعقبال الدكتوراه ان شاء الله
لكن انا حاسس كده انك مش فى المود اللى هو يمكن بسبب النتيجة والقلق وكده ولا فيه حاجة تانية
يا ريت تطمنينا يا ست الكل
بس خللى بالك انا باشربه تقيل سكر خفيف ما تنسيش والله
سلام يا غالية
ألف مبروك
و عقبال ما تخلصي الكلية و تخشي معركة الحياة
اللي أصعب من الكلية بكتير
بس ربنا يوفقك دايما
و عموما ما علينا مقبول أو غيره المهم النجاح
و ساعات كتير دلوقت التقدير في الكلية ما بيعبرش عن المقدرة على النجاح في الحياة العملية
ألف مبروك مرة تانية
و الشاي بتاعي إنك تعلقي في مدونتي
علشان تنور بتعليقك
اولا اعتذر على تاخري على الرد
وذلك لاسباب خارجة عن ارادتي
انتم عارفين النت وحركاته
المهم
اتفاجأت ان في ناس كتير دي اول زيارة لهم
يعني وشهم حلو اوي
وطبعا الناس الاقدم
دول مكاني
هم اللي استقبلوا المهنئين
نبدأ بقى
طال الليل
بارك الله فيك ولك
انا تحت امرك الشاي دا مبدئيا
اصل انا بحبه اوي
ربنا يكرمك على دعائك الجميل
واتمنى ان يكون لي منه نصيب ان شاء الله
والمسلمين جميعا
المدونة نورت بزيارتك
اتمنى ما تكونش اخر زيارة
بهلوله
بهلولتي محبوبتي
دا انا اطرده برا المنطقة
طالما دي الاوامر البهلولية
وحالا اجدع شاي
على ميه بيضا
تلاقيه في مدونتك
وربنا يبارك فيكي
ويبارك لك في بهلول
مواطن زهقان
زمل يعني
ربنا يبارك فيك
ويفك زهقنا كلنا عن قريب ان شاء الله
وبص وراك كدا
تلاقيني واقفة بازازة الشربات
ايوا وراك في مدونتك
خلاص بقى
انت عرفت السكة
الزهق هنا جماعي
ورخيص وابن حلال
نورتني
أنونيمس
ايه يا دكتور انت داخل على طمع ولا ايه
هم محدودي الدخل كدا طماعين
كويس انك مالحقتنيش التيرمات السابقة
كانت بتبقى مطعمة بواحدة امتياز
والباقي جيد
او مشكل جيد على جيد جدا
ومعاهم واحدة بس مقبول
كنت هاتطلب ايه
اوبن بوفيه
وبعيد عن كل دا
انا تحت امرك يا دكتور
دعواتك بس
kafrawy
خلاص احنا نحط الخمسة بتوعك
على الخمسة بتوعي
نلغبطهم على بعض
وبعدين نقسمهم قسمة العدل
وبعدين بقى نشوف حد يعزمنا
احنا الاتنين
منورني يا كفراوي
ألا انت صحيح كفراوي
ومن اي كفر
قولي يمكن نطلع جيران
عصفور المدينة
ربنا يبارك فيكي
ويوفقنا للخير جميعا ان شاء الله
شكرا على المرور
شقاوة شعب
الشعب جاي يطلع شقاوته على ولا ايه
ما انا هاخد الجدا اللي على الجيد
افكها واقسمها على الـ4 مقبول
يقوموا يتساوا كلهم ويبقوا جيد
شفت بقى
ربنا يجعل فينا القبول جميعا ان شاء الله
نورت المدونة
abo salah
وعليكم السلام ورحمة الله وبركاته
ربنا يكرمك
ويبارك فيك
ولا لازم تشرب
مفيش حاجة اسمها اعتبره وصل
لازم تشرب
منور يا ابو صلاح
Salma
ازيك يا سلمى
الله يبارك فيكي
المهم قوليلي انت اخبارك ايه
طمنيني عليكي
ويا ستي انا تحت امرك
انت مفكراني بخيلة ولا ايه
اللبن على طبعا
بس انت جيبي معاكي
الشاي والسكر
والكوبيات
اه والميه
وبس
منوراني يا قمر
Doba
خلاص يا هبه
عيب كدا
انا معوداكي لما نروح عند حد
تعملي كدا
بس لما نروح
يا قمر انا تحت امرك
انا انقلك
لابوم هنا
ولا تحبي لابوار
انت تؤمر بس يا جميل
وربنا يبارك فيكي
e7na
الدنيا كلها منورة
وليه بس حاول تجرب الشاي عندنا حلو جدا
نفسي اوي تطول على
لكن من غير كلام
واصلني اللي عندك
الصداقة والاخوة
مش محتاجة رغي كتير
بس تقول ايه بقى
داء فيا
وبحبه كمان
تحملوني
منورني دايما كدا ورافع راسي
مش انطلاقتي كانت من عندكم
وكلمة اسف
اتمنى ما اشوفهاش تاني
انت طالبة معك تعليق قصير
براحتك
تعليق طويل براحتك
ما تعلقش خالص
دا حسب وقتك
لكن طبعا انا على قلبك
ولازم اقرفك واجي اعلق على كل حرف انت بتكتبه
سلام
ali
فين دي اللي متاخرة
الله يبارك فيك
هو احنا في الهوا سوا
باقي لك ترمين برضوا
ربنا معانا ونخلص بقى
منورني
تخاريف دكتور
thank you
لازمته ايه التقطيم
مش عاجبك التقديرات
تخيل برغم كل المذاكرة والدح من اول يوم
تبقى تقديراتي كدا
بعيد عنك
مخي ضلم
وشكرا كمان مرة بالعربي
وكفاية عليك كدا
عارفة تعليقاتي بتعملك تخمة
أبو سويلم
اخويا الغالي
كدا انا وانت نقعد
اظبطلنا كوبايتين شاي كدا في التمام
لان المزاج كدا واحد
الله يبارك فيك يا محمد افندي
والله انت منشن ونشانك رشق
يا ابا محمد
فعلا انا مش في الموود خالص
بس دا من قبل النتيجة
انا فعلا كنت ناسياها
وماكنتش منتظراها
انت ناسي انا لا باقلق ولا بانتظر حاجة
مهما كانت طالما هي جاية
بس فعلا انا مش في المود
اكيد في سبب او اسباب
بس لسه ما حطيتش ايدي عليهم
منتظراك بقى نشرب الشاي
مهندس مصري
الله يبارك فيك
ما تقلقش على يا باشمهندس
انا محتكة بالحياة من زمان
واتعلمت منها كتير
وفعلا النجاح في الحياه العملية
والحياة عموما
مش مرتبط ابدا بالتقديرات الدراسية
او بالنجاح في الدراسة من عدمه
وطبعا شرف لي اني اعلق في مدونة حضرتك
ونورها جاي من كتابات صاحبها
غالي يا باشمهندس والطلب رخيص
تحت امرك
واتمنى ما تبقاش دي اخر زيارة لك عندي
مبرووووووووووووووووك يا جميلة ألف مبروك
ازاي يبقي شاي وبس فين الجاتو؟؟؟؟
لالالالا لن أتنازل عن جاتو وحاجة ساقعة كمان سيبك من الناس دي كلها أنا عاوزة عزومتي علي جمب كدة في الخباثة ومش هاقولهم
مبروك ألف مبروك عقبال الباقي
يا نهار مش فايت
شكلي ووحش قوي
33 كومننت
امتى انكتب و امتى نجحتي و امتى الناس دي دخلت تبارك
والله مكسوف من نفسي حقيقي
و حقيقيى الف الف الف مبروك وواجب الناس اللي دخلت دي كلها عندي انا يا جميلة
بجد فرحتلك
كان هم بجد و انزاح
و ان شاء الله تخلصي الترمين اللي فاضلين على خير
اسف مرة تانية على تاخيري
الف الف الف مبروك
والله العظيم بتفكرينى بنفسى
انا من محبى ومعجبى ومؤيدى التقدير الشعبى
اللهم اجعلنا من المقبولين
وكنت كل تيرم بجيب جيد جدا فى مادة واحدة بس
انا بحب الشاى سكر زيادة
بس نفسى تكونى زيى
وتبقى كسلانة ولو لمرة واحدة
خصوصا فى التعليقات
ماعلينا
و اللة
من كفر الشيخ
ها
جنبنا و لا لا
الف الف مبروك
ودابما ناجحه
ومعلش انا مكسوفه انى متـخره
كده اعذرنى
بس انت تستاهلى امتياز
كل سنه وانت طيبه
فرحت من قلبى
سلامى لك
انا مش عارفه ازاي
مسجلتش تعليق هنا
!!!!!!
المهم
مباااااااااااااااااارك
يا اجمل ما علينا في الدنيا
والنتجة تكون احسن واحسن
في التيرمين الجاين
بس انا مش بحب الشاي اووي يعني
ممكن شربات احمر من فضلك
اصلي بموووت فيه ومرتبط في مخي بالمناسبات الجاااامده
لك حبي
رؤية
مبروووووك
انا دخلت هنا كذا مرة قببل كده
قرأت بس معلقتش
الرمة دى قلت لازم اعلق واقول مبروك
وعقبال الترمين اللى فاضلين
الف مبروووووووووووووك
عقبال الترمين اللي فاضلين ان شاء الله
انا جيت متاخر تقريبا
يا ترى هلاقي شاي ولا خلص
:)
fanan fa2eer
فنانتي
فنانة الاطبا
انت تؤمر يا قمر
وبعدين انت صاحب الفرح
يعني انا منتظرة في الطابور
انت ناسية
انتي اللي بتوزعي الجاتوه والحاجة الساقعة
ربنا يخليك ليا يا جميل
ربنا يوفقك ويكرمك يا رب
وامتياز بقى ان شاء الله
S H A H
انا ساكتة اهو ومش هاتكلم
مش هانطق
واللي على راسه بطحة بقى
جايلي بعد
33 تعليق
ماكانش العشم
دا انا كنت مفكرة انك انت هاتعمل اتصالاتك وتجيبلي النتيجة بدري بدري
لكن طبعا الباشا مشغول في جولاته اللاتينية
واحنا مش على باله خالص
حقوقي زادت عندك اوي يا كينج
والحساب تقل
بس اقولك
ماعلينا
كفاية مرورك
يا كينج
وطبعا واجب الناس دي كلها عليك
اصبر انا بعتلك الفواتير كلها
ربنا يبارك فيك يا لورد
ويا شاه
لاداعي للاسف
كيلو بيور
اضربه واعمل بيه 5 كيلو انزلهم السوق
كفاية ويخلوني ما ازعلش
منور دايما يا لورد
دكتور كسلان
الله يبارك فيك يا دكتور
هو انا هانهب بقى
كفاية عليا ابقى زيك في التقديرات
انا الشعب
ولازم نعيش احساس الشعب والتقدير الشعبي
وشايك
زي ما تحبه انت تؤمر وبس
وطبعا هاتكسل تشربه
هاشوف حد يشربه لك
وبعدين ما خلاص
انا ظبطك بتعليق طويل جدا
عند الساموراي الاخير
kafrawy
من غير ما تحلف يا عم
خلاص صادق
جنبكم
فعلا العزوة حلوة
klmat
الله يبارك فيكي يا كلمات
وبعدين انتي كفاية مرورك بس
دا في حد ذاته
معناه كبير عندي جدا
ولعلمك مهما تتاخري
بابقى عارفة اني ان شاء الله
على بالك وجاية لي
بس عارفة ان كل واحد بيتشغل
وبيتاخر على اصحابه
غصب عنه
ربنا يخليكي يا رب
بالله المستعان
انت يا باشا
مسيري مقابلاك واجيب لك ازازة الشربات معايا
ايه رايك في شربات الورد
وبعدين ازاي صحيح
لسه بتباركي لي دلوقت
ولا قولتتي لي مبروك يوم النتيجة ولا حاجة
شرباتك محفوظ يا رؤيتي
elfagreya
الله يبارك فيكي
اتمنى عدم تعليقك يكون
سببه الكسل
واتمنى تشرفني دايما بزيارتك
يعيدة جدا انك
المرة دي علقتي
وشك حلو على يا جميل
ومنتظرة زياراتك بقى
نورتيني واسعدتيني
Abeer
ولا متاخر ولا حاجة يا دكتورة
حتى انا جاية بعدك اهو
انت تيجي في اي وقت
وسيبك انت بقى من الشاي
تعالي بقى
خدي حاجة ساقعة وجاتوه
ولا اقولك
اغديك او اعشيكي الاول
انا تحت امرك
مفيش حاجة اسمها خلصت
اؤمري انت بس
ما علينا ................ مبرووووووووووووووووووك
ايه الأخبار الحلوة ديه؟
أنا أسف انها جاية متأخرة
أجدع حاجة انها جاية بعد إعترافات ليلية اللي انتي كنتي عاملاها في حلقات
دلوقتي الفرحة فرحتين ... فرحة بنقاء السريرو و فرحة بنقاء النتيجة
عقبال البكالوريوس انشاء الله
الف مليون مبرووووووووووك
عقبال يااارب ما نباركلك على التخرج
شاى ايه
دا المفروض احنا اللى نجيب هدايا
اتنين كيلو موز وقزازتين بيبسى اهو
وبوكيه ورد
:)
يا أهالى البلوجات الكرام
طم ططم طم طم
أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه
يا اهالى البلوجات الكرام
مستنياكم كلكم
تعالوووو زوروووووونا
باى باى
دوبه
******* مبروووووووك *******
******* مبروووووووك *******
******* مبروووووووك *******
******* مبروووووووك *******
******* مبروووووووك *******
ألف مبروك
ربنا يوفقك
وييسر لك امورك
ويسهل لك كل صعب
___________________________
تحياتنا لك
مبرووووووووووك
وانا قول انتى مختفية فين
الف مبرووووووووك ياجميل
وشاى شاى مش مشكلة
شاى الحبيب زى اكل الزبيب بالظبط
:)
بعد السلام
معلهش نسيت اقولك اعملى حسابى
فى الشاى ضرورى
ولو كان خلص قوليلى اجيب
وانا جاى
سلام
يا ريت يا جميلة تدخلى تشوفى اخر رد لى عندى بسرعة
السلام عليكم
شفتي بقي وشي حلو ازاي
اول ما بنزل اجازة الاقي اخبار جميلة
الف الف الف الف مبروووووووك يا ماعلينا
وإن شاء الله السنة اللي جاية تعدي مرحلة السنانير وتدخلي في الجيم واخواتها والميم
والسنانير هي مفرد سنارة....لأن المقبول بيتكتب حرف (ل) في النتيجة...فبيكون شبه خطاف السنارة بتاعت الصيد...وانا بلا فخر كنت اكتر طالب بيجمع السنانير في الكلية إن مكنش فيه ضاد واخواتها
بس الحمد لله عديت بعد ان حققت جميع التقديرات من ضج حتي امتياز
خبرة بقي
وبخصوص الخبر الجميل دا لازم تعزمينا علي سندوتشات مكرونة بالبشمل
مرة تانية الف مبروك يا اختي الكريمة
اية دة لا مش ممكن كل دة
مقلتلكيش مبروك
و كل دول قالوا قبلي
دة انا بعدي على المدونة دي كل يوم و كل يوم قلتلها مبروك
على العموم انا كل يوم بقلك مبروك في سري
لا يا جميله
عاوزين نشاط تدوينى زى نشاطك فى التعليقات بالضبط
فاكره اما كنت بتزعلى مننا اما نتأخر فى الكتابه
الدور عليك يا استاذه
أستاذة ماعلينا
مبروك
انا هاجى انا وامينه نبارك
احنا عندنا اغلى منك
بجد الف مبروك انا فرحتلك بجد
The Last Samurai
الله يبارك فيك
دعواتك بقى
بس هو طول ما انا بازورك
اعتقد مش هاوصل للبكالوريوس
هانروح الجونينة
دا هو الاحتمال الاقوى
بس ومالوا اهو تغيير
بس ايه رايك
في الـ 4 مقبول
Hadota .. حدوتة
الله يبارك فيك يا قمر
عارفة يا حدوتة
هديتي انك جيتي
و هديتي الكبيرة
انك تكوني بخير وكويسة
وطلعتي فعلا من الموود
الوحش اللي كنتي فيه
ربنا يسعدك دايما
وبعدين موز وبيبسي ماشي حلو
لكن ورد ايه بس
ما تجيبي تمنه احسن
منوراني يا قمر
ودايما يا رب تنوريني
Doba
طمطمطمطم
علم وجاري التنفيذ حالا
واكيد انشاء الله
تكون النتيجة ممتازة
shokri & shokria
الله يبارك فيكم
ويكرمكم ويعزكم
سعيدة جدا
للمرور والاهتمام بالتعليق
WiLdBiRd
ازاي بقى وانا اقدر اختفي يا دكتورة
انا تحت الامر والطلب
وبعدين شاي ايه بقى
انا مجهزة كيلو زبيب اهو لك انت بس
ماشي يا حبيب
ali
لا يا سيدي خير ربنا كتير والحمد لله
بس انت تعالي
هتلاقي نصيبك في الحفظ والصون
سلام
أبو سويلم
تم التنفيذ وقت استلام الرسالة
الراقص مع الذئاب
يا محمد
كفاية بس على
زيارتك ودخولك عندي
وبعدين ايه دا
انت عامل دكتوراه
في السنانير
والسنتدوتشات
جاهزة وتحت الامر
انت تؤمر
shams
وسرك قالي
على مبروك اليومية
يا وريث
وكنت عارفة انك اكيد هاتقولها
اول ما تيجي وتلاقي اللمة
بس هي الاشغال بقى
انا عارفة
ومقدرة
مش انت الوريث
e7na
ايوا انا ازعل منكم
لانكم مدونون بشكل اساسي
لكن انا مدونة بالصدفة
وهاقولك حاجة اعتقد انتم عارفينها عني
وظاهرة جدا
اني باعشق التواصل في التعليقات
اكثر من التدوين
التعليقات في مدونات الغير
بتتيح لي الاحتكاك بافكار الغير
بشكل اوسع
واكثر تعمق
ويمكن كمان
لاني باجد صعوبة في طرح مواضيع للنقاش
على عكس السهولة اللي باجدها
في المشاركة في النقاش
في موضوع مطروح من شخص اخر
واوعدك اني ان شاء الله
انزل حاجة جديدة
بس لازم تكون حاجة
شداني اوي
وبعدين
ممش كفاية التعليقات
دا انا باخلص فيها الشحن بتاعي
انا ما اعرفش عنك البخل يا جميلة
وعلشان كده ياريت تنزلى تدوينة جديدة
بجد كده مش هينفع
سلام يا ست الكل
أبو سويلم
وانا ما اقدرش
اكسر كلمة اخويا الغالي
وخلاص التدوينة نزلت
طلباتك اوامر
يا غالي
يا ربنا لك الحمد
كما ينبغي لجلال وجهك
و عظيم سلطانك
مبرووووووووووووووك يا قمر
هييييييييييييييييه
الف مبرووووووووووووووووووووووووك
ربنا يوفقك ياااااااااارب
معلش جاية متأخر
و الله كان عندي امتحان
بس فرحنالك اووووووووووي
تستاهلي كل خير
بالتوفيق دااااااااايماااااااا
:)
فين الازوزة ؟؟؟
الف مبروك يا ماعلينا
جت متاخرة شوية بس معليشي
دي اول زيارة ليا
مدونتك لذية اوي وهتلاقيني ضيف عندك علطول
فين الشاي؟
محمد سمير
غمض عينيك
الله يبارك فيك
وان شاء الله ما تكونش زيارتك الاخيرة
وانا ومدونتي نتشرفك
بزيارتك وتعليقك
ربنا يكرمك
ويعزك
نورتني
يا محمد باشا
Post a Comment