انت انسان رائع
تحب الجميع لا تؤذي غيرك متسامح جدا كريم جدا خدوم معطاء مرح خفيف الظل
قناعتك بامتلاكك لتلك الصفات ليست محض غرور
بل كثيرون يغذون هذا الإحساس لديك
ترى هل يمكن ان يكون هناك من لايستطيع ان يحبك ؟
بل هل يمكن أن يكون هناك من يكرهك ويبغضك ؟
هل هناك من يتمنى اختفاءك من الحياة ؟
بالطبع ممكن جدا
واهم من يظن انه قادر على ان يحصد الحب من الجميع
ظالم ايضا من يطلب الحب من الجميع
لكل تركيبة انسانية مبرراتها التي تبرر سلوكياتها
قف في الجانب الآخر والقي نظرة من زاوية معاكسة
لتلك الزاوية التي اعتدت أن تنظر منها
انظر بعين من يكرهك ويبغضك حلل نفسك بعقله بفكره
ستجدك تكرهك
بغض النظر عن سلامة موقفه وصواب رأيه
انما هو قانع بما لديه ويجدك شخصية كريهة الى نفسه
انظر حوله اكتشف بيئته محيطاته
انتزع نفسك من مكانك وتخلص من افكارك ومبادئك
وتبنى افكاره ومبادئه لوقت قليل لدقائق حتى
حاول ان تستخدم عقله هو ليس عقلك أنت
نهاية ربما تستطيع أن تلتمس له العذر
وتعدل من طريقة تعاملك معه بناء على ما اكتشفت في شخصيته
ربما نظرتك من موقعه تكشف لك عن
مدخل جديد للتعامل معه لم تكن تراه سابقا
فلنلتمس الأعذار للآخرين
اخيركم للناس أعذركم للناس
اتحدث على المستوى السلوكي الانساني فقط
79 comments:
عارفة
اعدت بعد ما قريت البوست فترة
بحاول افكر بعقل الطرف التاني
اد ايه الموضوع صعب جداااااااااا
حلو اوي التماس الاعذار .. بس والله كله بيبقى ليه حدود
بعدها مش بنقدر نحبس البشر اللي جوانا كتير
بس والله الموضوع صعب بجد
حاجة زي تقمص شخصية مختلفة كليا وجزئيا عني .. وافكر زيها
بس يستحق التجربة
تحياتي ليكي
وياريت متقوليش دكتورة وانتي بتردي
بحس انك بتعملي تكليف
:)
تفتكرى لو حد قال لك مش باحبك هتفكرى ان ده رايه الشخصي
ولا هتقولى هو مش بيحبنى ليه
ولا هتبدأى تدورى على عيوبه هو
ولا هو احنا بنحب الشخص علشا صفات جميله فيه
ولا احنا بنحب وخلاص
اقصد هل مثلا الصداقه زى الحب بتيجى كده بتحبى الصديق ده بكل اللى فيه من عيوب ومزايا ولا انت بتحطى مواصفات وتدورى عليها
عندك اجابه؟؟؟؟؟
على فكره المفروض انى اكون اول تعليق
بس يلا عبير برضه مننا وعلينا
Abeer
منوراني يا بيرو
والله انا مش قصدي تكليف ولا حاجة
وهاقولك حاجة
انا ما قولتش ان الموضوع ساهل
لكن زي انت ما قلتي
يستحق التجربة
الموضوع محتاج اننا نكون موضوعيين جدا جدا
اننا نكبل البشر اللي جوانا فعلا
ودول حاجتين في غاية الصعوبة
لكن مفيش مستحيل
كل شيء بالمحاولة ممكن جدا
على الاقل مع المحاولة
ممكن نتخلص من تحيزنا لانفسنا
والله المستعان
نورتي المدونة يا بيرو
e7na
هاتصدقني
باقول دا رأيه الشخصي
ولو كان شخص يهمني اني اكسبه
في دايرة اصدقائي
باحاول ابص بعنيه
وتلاقيني وهو بيلقي على خبر عدم حبه لي
ويكيل لي الاسباب
استمع عليه
والتقط جمله واعيدها لنفسي وكانني هو
وغالبا اجده محقا
من وجهة نظره هو
واكتشف في نفسي نواحي يراها هو ولا اراها انا
الصداقة زيها زي الحب
باحب اصدقائي بكل عيوبهم
او هانقول باحبهم بكل صفاتهم
بما فيها الصفات اللي انا باشوفها عيوب
لانها ببساطة ممكن ماتكونش عيوب غير في نظرى انا
الموضوع مش ساهل
بس باقول نحاول
مجرد المحاولة هاتفرق كتير
وبعدين لزوم الجنتلة بقى
ليدز فيرست
e7na
باكون سعيدة جدا
لما بانتزع منك تعليق طويل نسبيا عن المعتاد خاصتك
حلوة انتزع منك دب
وقع بقى هنا
جميل اوي لما بتسترسل
في الكلام
بعد السلام عليكم
مبدأ( حط نفسك مكانه ) هو مبدأ بنلجأله لم نحتاج نعذر ناس بنحبها عن أفعال غير متوقعة صدرت منهم ، بس برضه مش في كل الحالات ننفع نطبقه
و لكن السؤال الأهم
كيف أعذره لمجرد أني وضعت نفسي مكانه فوجدتني أكرهني؟؟
و لماذا أغير معاملتي معه طالما أني أراني غير مقصر معه ، و أراي أن معاملتي له لاعيب فيها؟؟
ماذا لو كان سبب كرهه لك حقدا و غيرة من أنك محبوب أو أفضل مثلا من وجهة نظره ، آتطلب من الناس أن يكرهونك ، أو تتحول لشخص سئ لكي ترضيه؟؟
هل تكفي دقائق .. تلك التي سأتبني فيها أفكاره و مبادئه لمسامحته و بغضه لي .. و أن كان ذلك فماذا بعد أن تمر هذه الدقائق؟؟
أن كان أساسا كرهك دون داعي .. فلن يفلح معه مداخل جديدة
أني أري انه هو الأولي بأن يضع نفسه مكاني .. و حينها فليبلغني ماذا هو فاعل ؟؟
تحياتي
طبعا مطلوب لغرض التقييم والإصلاح والتعامل الصحيح والحوار
وليس معناه الشك الدائم في صحة المواقف
هناك اشخاص وكلمات لا تملك الا ان تتفاعل معها وتنطلق متكلما
انا على فكره رغاى مش زى ما انت متخيله
abo salah
وعليكم السلام ورحمة الله وبركاته
مبدأ حط نفسك مكانه
مش بنردده علشان نعذر اللي بنحبهم
اللي بنحبهم مش محتاجين اي قواعد او مبادئ نقنع نفسنا بيها
علشان نعذرهم
احنا بنعذرهم كدا عمال على بطال
انا طبعا باتكلم ان الكل يحاول
اللي بيكره واللي مكروه
واول شرط علشان تقدر على المحاولة
انك تتغاضى عن المبدأ اللي في كلامك
اشمعنى انا ليه هو ما يحطش نفسه مكاني
انا باقول ان كل واحد لو حيد نفسه
وتنازل عن تعصبه لها
ايوا ممكن جدا يكون كارهك حقد عليك
علشان حب الناس لك
دا احتمال قوي جدا
طيب حط نفسك مكانه
تخيل نفسك بدماغه
شوف دماغه بتقوله ايه
بيحبوه على ايه
هو احسن من مين
وليه
وحاجات كتير
هتلاقي انه منطقي جدا
موقفه اتجاهك
منطقي بناء على افكاره هو
يكفي انك لو ما قدرتش تكتشف
سبل جديدة للتعامل معاه
انك هتكون غير حانق عليه بسبب كرهه لك
وهتكون مقتنع انه
شعور غصب عنه
دا اللي هتفيدك بيه الدقايق اللي هتحط نفسك مكانه فيها
الدقايق مش شوية
الناس لو تريثت ثواني في بعض المواقف
لتغيرت أمور كثيرة في حياتنا
عصفور المدينة
تمام كدا
جبت المفيد
التقييم والإصلاح والتعامل الصحيح والحوار
المحاولة دي ممكن تفرق كتير جدا
وتدي فرصة لتوجيه الحوار وجهة
تكون نتيجتها افضل
e7na
طيب لما انت
زي حالاتي يعني
بخلان علينا ليه
بالرغي
وبرضوا باحسد نفسي
اني قدرت اخرج
رغيك من مكمنه
يارب كدا دايما
يا سلام ... حلوه البداية دي
.
.
انت انسان رائع
تحب الجميع لا تؤذي غيرك متسامح جدا كريم جدا خدوم معطاء مرح خفيف الظل
.
.
مش كنتي تطولي شوية عشان معنويات الواحد محتاجة حبة كماااان؟؟
:)
الصراحة
انا دايما شايف الجزء التاني من البوست
وده ليس نقص ثقة
لكنه شئ يقع مابين الصفة الحميدة
و المرض العضال
يشقى الإنسان دائماً بمعرفة عيوبه
ويشقى اكثر بتجاهلها
ويكون قمة في الشقاء عندما يجهلها اساساً
تحيـــــــــــــــاتي
بعد السلام
مفيش احسن من ان يكون الانسان يعرف
يحب والى بيحبه يكون بيحبه اكتر منه
هنا تزيد العلاقة
بس هى اهم شئ
ما تكونش رغايه
تمام
سلام
أستاذة ما علينا
الموضوع صعب قوى
هل انا لو عذرته وعرفت الزاويه الى هو بينظر الى منها وعرفت قيمه الى حكم بيها على
الموضع هيتحل لا طبعا لان لى قيمى ومبادئى الى بحكم بيها وهى سسب الخلاف بينى وبينه وانا متمسك بيها
هى مفيده فى عملية تقبل الاخر
انما ان اتنين يتصالحم فلازم حد فيهم يتنازل عن قيمه الى حكم بها
بس موضوع ايه ده انا فاضى افكر لنفسي لم هفكر لغيرى
يلا
ما شاء الله
طرحك هائل للموضوع
لمستيه ووضعتي يدك علي الجرح بموضوعية شديدة و حياد تام
والله و من غير ما احلف لولا اني بحاول دايما اعمل كده لقاطعت اناس كثيرون و ما كسبتهم في يوم من الايام
مع ضرورة وجود الحرص و القدرة علي امتصاص الغضب من الطرف الاخر دون جعل النفس تتدني من اجل ارضاؤه
يبدو علي مدونتك طابع العقلانية الشديدة
بارك الله فيكي
ايه بس الكلام الكبير ده
انا مفهمتش حاجة
و متحسبيش الكومنت ده عليا
اخد كبسولة الذكاء و ارجعلك تاني
سلام مؤقت
صعب جدا اننا نبص للاشياء من الزاوية المعاكسة دى وممكن نحول من كترها
انا بقول نخلينا كده احسن واللى يحب يحب واللى يكره يكره محدش واخد منها حاجة
وبالنسبة للاعذار بقي دى ممكن نعملها بس مش فى الكره طبعا دى ممكن ساعة غلط وكده يعنى مش واحد بيكرهنا اقعد افكر بيكرهنى ليه وبعدين اعذره؟؟
ليه انا اهبل؟؟
الرسول عليه الصلاة والسلام بيقول إلتمس لأخيك 70 عذر - اعتقد ان الواحد لو قعد يدى للى قدامه اعذار ولغاية 70 عذ اكيد هتتعاملى معاه بنوع من السماحة والطيبة والخير
مش من السهل على شخصياتنا اننا نبص على نفسنا من خلال عيون الاخرين لاننا وللأسف برده هندينا احنا الاعذار مش هنطلع اخطائنا اللى بنتعامل بيها ونصحح اوضاع مع ناس بتكرهننا
بوست مميز للغاية وعاوز رغى كتير
تحياتى
هبة
أنونيمس
لا كفاية عليك كدا
يعني معنوياتك ترتفع
علشان ما يحصلكش انتكاسة
خصوصا وانك عينيك على عيوبك دايما
بس يا دكتور متهيألي
ان الشفاء قمة الشفاء
في معرفة الانسان لعيوبه
لكن تجاهله لها او جهله بها من اساسه
دا يبقى مرض عويص
دا تبقى حالته حاله
ويعيش بقى يلطش في مخاليق ربنا
ومفكر نفسه خالي من الكوليسترول
بتاع العسل
واحنا اعترضنا يا عم
جميل طبعا ان الانسان
يحب
والاجمل ان يكون محبوبا
والاروع على الاطلاق
ان يجمع بين الحالتين في حالة واحدة
ان يكون محبا ومحبوبا
لكن احنا بنقول على الناس
اللي شايفين سيادتك
صعب استلطافك
او انت شايف ناس معينين
تقال على قلبك
بقول لو تبادلتم الافكار لدقائق يمكن تعذروا بعض
ونصيحة مني
شوف لك واحدة خرصا
طالما مش غاوي رغي
ماشي
يا بتاع العسل
محلي المدونة يا سيدي
سى السيد
ماستذني دايما ورافع معنوياتي
يا سي السيد
مش بقولك انكم بقى هاتبقوا سمنة على عسل
ابسط شيء انك انت ممكن
ما تغضبش من تصرفاته اتجاهك
زي مثلا لما تقول
انا هاكبر على الموقف
ممكن تكتشف لو فكرت شوية
انه انسانه يعتبر مريض نفسيا
عنده داء الحقد على البشر
يعني مش موقفه شخصي معاك
مش باقولك حبه
لكن خلاص تبقى عارف انه هو كدا
فمتكرهوش
اطلب من ربنا يتولاه ويهديه
يكفي انك من جواك ما تتضايقش ولا اعصابك تتشد
الفوايد كتير جدا والله
وصحيح انت فاضي
بس الموضوع دا ممكن يوفرلك وقت كتير
لو مرة قعدت فكرت في بني ادم ووصلت لتركيبته ايه هي
مهما يعمل من تصرفات هاتبقى فاهمه وعارف مبرراته
ومش هاتقعد بقى
كل موقف يعمله معاك
تقول ليه وانا عملت فيه ايه
وتتشال وتتهبد ووتبقى عايز تضربه
شفت الدقايق هاتوفر اد ايه
الموضوع صعب جدا جدا
لكن مش مستحيل
محتاج ترويض للنفس
Future_Preacher
ربنا يكرمك ويعزك
على جميل ثناءك
لو وطنا النفس على تفهم الاخرين
لاصبح الناتج هو كلامك الآتي
مع ضرورة وجود الحرص و القدرة علي امتصاص الغضب من الطرف الاخر دون جعل النفس تتدني من اجل ارضاؤه
وفي طبعا فرق بين اني اكون رحبة الصدر متفهمة للشخص عارفة ايه دوافعه
ملتمسه له العذر
وبين اني اتدنى بنفسي او اتخلى عن كرامتى لارضاء الغير
جزاك الله خيرا على محاولتك
مجاهدة النفس
والتماس العذر لغيرك
اسعدتني جدا بزيارتك
التي اتاحت لي التعرف
على مدونة رائعه جدا جدا
هي بمثابه اكتشاف مبهر
S H A H
ايه دا يا شاه
كومنت من 4 سطور مجففين
يا خبر مش فايت
لكن عموما
تطبيقا للبوست
هاحط نفسي مكانك
وافكر بدماغك
والتمسلك العذر
لكن مؤقتا
لحد ما تيجي
تعلق كالعادة
وبعدين لازم تيجي فايق
لاني كاتبه البوست دا وانا فايقة جدا
يعني تيجي من غير
لا استامبات
ولا هبو ولا اي حاجة
تعالى كدا على الريق
منتظرة يا كينج
تخاريف دكتور
هو انت من ساعة ما حطيت لي
صورة الحصان
عارفة اكلمك
هو دا اللي بيقولو عليه اعلى ما في خيلك اركبه
ويا عم ما قلناش انك اهبل
حاول تبقى اهبل شوية واضحك على نفسك
وبدل ما تكره اللي بيكرهك
ممكن توصل انك
تقول لا حول ولا قوة الا بالله
وخلاص
وما تشيلش جواك ضغينة لحد
حتى لو بيكرهك
ماشي يا عاقل
بس ايه رايك في الرغي
شايفاك كدا العدوى بدأت تطولك
Doba
مش من السهل على شخصياتنا اننا نبص على نفسنا من خلال عيون الاخرين لاننا وللأسف برده هندينا احنا الاعذار مش هنطلع اخطائنا اللى بنتعامل بيها ونصحح اوضاع مع ناس بتكرهننا
بلاش نصحح اوضاع يا هبة
على الاقل مانخليش الاوضاع تتفاقم
وتبقى الحدة من جانب واحد
واهو نلتمس لنفسنا عذرين وللاخر عذر
النتيجة هتكون مجدية برضوا
الكلام ممكن نقول عليه صعب شوية
او ممكن أكون اتلخبطت شوية
مش عارف
نس بجرب نبص كده من الزتوية المعاكسة اللى انتى بتقولى عليها
ربنا يكرمك يا رب
يعنى ابقى انا هو
وهو انا
ونشوف عيوب بعض
فكره حلوه قوى
لان المرايه مبقتش نافعه
انظر الى نفسى من خلال غيرى
بس الخوف انظر الى نفسى من خلال بهلول
اقوم اقطع وشى برقبه ازازه
حكم انا عارفه انه مغلول وليس بهلول
3abdo me7tas
ان شاء الله تحاول
وتقدر
واسفة اذا كنت كاتبة
بطريقة لافة شوية
انا عارفة اني ساعات بيكون اسلوبي مكلكع فعلا بس والله مش بيكون
شيء متعمد
المهم
اتمنى كلنا نقدر ننظر
نظرة جديدة لانفسنا ولكل الناس
ربنا يكرمنا جميعا ان شاء الله
بهلوله
بهلولتي حبيبتي
لا الا بهلول
انا اخاف عليه هو
بعد ما تكتشفي نظرته ليكي
بعد الدقايق اللي اتفقنا عليها
ترجعي لنفسك وافكارك
وتنتقمي منه
شر انتقام
دا انت ممكن تعملي جناية
واحنا محتاجينك
عايزة تدخلي السجن في بهلول
دا غلبان يا شيخة
وانت يا جميل قلبك ابيض
وزي السكر
يا ستي خدي عين اي حد تاني بصي بيها
جميل اوى ان نبدل الاماكن وناخد مكان الآخر ونفكر بطريقته ونضع نفسنا فى ظروفه
االنتيجه اما ان نعذره وممكن يكون حسود وحقود عموما مبدأ ادفع بالتى هى احسن
عارفه فى موقف بين عمرو خالد
وعادل امام كان عادل امام بيسخر
من عمرو خالد وقال ان الشيخ
يكون زى القرضاوى بعمه
الكلام نقله عمرو اديب لعمرو خالد فى القاهره اليوم
عمرو خالد قال عادل امام فنانكبير وبيضحكنى والفن رساله
ياريت كل منا يخدم بطريقته
قمه فى الاخلاق
ده مثل حى
بوست رائع
تحياتى لك
اولا انااقدم بالغ اعتذارى عن التأخير الشنيع لكن والله مش بايدى
ثانيا ايه الكلام الكبير ده يا جميلة مش تراعى ان فيه فئات مختلفة بتدخل مدونتك
يعنى فلاح بسيط زيى يفهم الكلام الكبير ده ازاى؟
ثالثا التسامح ده من افضل الاشياء فى الحياة وكلما عظم الانسان كلما ازدادت قدرته على التسامح والعكس
انا شخصيا لااؤمن بمبدأ الخصام نهائيا مهما حدث وانما اؤمن بمبدأ تحديد العلاقات فى الضرورة القصوى
ثم ان مفيش على وجه الارض شخص يستاهل ان الواحد يضايق نفسه بسبب موقف صدر منه
اللى عاوز يقول شىء يقوله
وكل شخص ادرى بنفسه
وده طبعا لايمنع من اخذ اراء الناس بجدية وتمعن ولكن اولا واخيرا الرأى يعد لى وفقط
وعلى فكرة انا باحاول دايما احط نفسى فى مكان الشخص الاخر وده شىء مفيد ونتيجته مضمونة
رابعا ايه الاختصار ده كله
فين التدوينات الطويلة بتاعتك يا جميلة
سلام يا جميلـــــــــــــــة
اشكرك جدا على كلامك لبهلوله عنى
وهى دى عادتها
اى حته تروحها
تجيب سيره بهلول
المهم
بوست ممتاز وفيه فلسفه عاليه
ودائما نقول للغاضب من فلان
حط نفسك مكانه
وهو ما ان فعله الجميع اراح واستراح
وكفانا الله شر الغضب
klmat
والله انت الاروع من كل حاجة يا كلمات
والموقف بتاع عمرو خالد وعادل امام دا
انا عارفاه
وطبعا عمرو خالد مفيش خلاف على دماثة خلقه
ربنا يجعله في ميزان حسناته
فعلا اما نعذر
او نصل لمبدأ ادفع بالتي هي احسن
في كل الاحوال
التريث في رد الفعل
هيكون مجدي
كل سنة وانت طيب يا جميل
لسه عند كلامي
اي خدمة
نحب نساعد
أبو سويلم
ايوا عندك غرامة تأخير
نقيد على النوتة
وبعدين الكلام دا بقى بالذات
نقطة في بحر
من فلسفة
ابا محمد ابو سويلم
وكل الناس اللي بتدخل هنا يا عم
اساتذتي
وبعدين مش بقولك
اخوات اخوات
فلسفة واحدة واسلوب واحد يا غالي والله
فعلا مش كل انسان يستحق انك تضايق نفسك بسبب موقف صدر منه
اه باحط نفسي مكان الناس
وابص بعقلهم
علشان اقدر افهمهم ويبقاش حاصل عندي لبس
وابقى عارفة كل شخص ايه قصده بالظبط
واهتم باراءهم
لكن نهاية لي عقلي ورأيي
بس فعلا فعلا مش انك تلتمس للناس العذر
مفيد ومجدي
وبعدين انا قلت اختصر
في التدوينة
لاني توقعت التعليقات على التدوينة دي
هتكون اكثر استفاضة من التدوينة نفسها
وانت عارف بقى
هو الالهام هبط على بالكام سطر دول وبس
احمدوا ربنا
انا فتحت الجهاز وقعدت كتبت
اللي في دماغي
لان الموضوع دا من اكثر الموضيع
الملحة جدا على
الشاي بقى ما تنساهوش
بهلول
اولا سعيدة جدا
ان حضرتك نورتني بزيارتك
ثانيا مفيش داعي للشكر
حضرتك فعلا واضح انك شخصية طيبة
وانسان عايش حياته ببساطة
ودا مش من عندي
دا كلام بهلولة عنك
وتعقيب حضرتك
هو اللي رائع جدا
فعلا لو كل واحد عمل كدا
هانوفر على نفسنا شدة
الاعصاب والغضب
واثارهم
اتمنى ما تكونش زيارة يتيمة
السلام عليكم ورحمة الله وبركاته
فعلا دي حاجة انا دايما بعملها بابص من وجهة نظر الشخص التاني , وبلتمس الاعذار للناس وبحاول اتسامح معاهم على قد ما بقدر ..صحيح بيكون صعب في بعض الاوقات لكن مع الوقت بيكون اسهل , وبيوصل الانسان لحالة من التصالح مع النفس ...
جايين طايرين فوق السحاب وفوق كل البحار ونحمل اشد الاسف وكثير من الاعتزار
ونقول بدون كسوف ممكن تقبلى الاعتزار
فلولاك ما كنت فكرت فى عمل المدونة
واعودك بالكثير من الرغى
ولو كان كل المدونين تقال على قلبى
اكيد هتكونى انت غيرهم يا حبيبتى
واكرر اقبلى الاعتزار
سلام
أمانى وياسمين
وعليكم السلام ورحمة الله وبركاته
ربنا يجازيكي خير
ويجعله في ميزان حسناتك
ويعينك اكثر واكثر على مجاهدة نفسك
شرفتني جدا زيارتك
وتعليقك
بتاع العسل
تطبيقا لمضمون البوست
حاولت استعير دماغك منك شوية
علشان افكر بعقلك
وانظر بمنظورك
واحاول استنتج المقصود من كلامك
ولمين اعتذارك
بصراحة اكتشف ان فعلا الموضوع صعب
وصلت لاستنتاج واحد
انك اكيد السحاب اللي انت
جاي طاير فوقه
هبط بيك في منطقة غلط
ربما تكون عملت عندي ترانزيت
لكن اكيد محطتك الرئيسية
اللي كلامك دا المفروض تقوله فيها
مش عندي
ماشي يا بتاع العسل
وعموما
انت تنور ترانزيت في اي وقت
احنا تحت امرك
وامر حبيبتك
الحق بقى انقلها الكلام دا
لانه من حقها هي
بعد السلام
لا الترانزيت صح
بس هى الكلمة دى
الى كانت زيادة فى التعليق
بس نسيت امسحها
سلام
وبعدين انتى مفهمتيش التعليق كويس
شكلى جيت متاخر كالعادة
مش هاقولك بقى انا اسف ع التاخير
وتقبلى اعتذارى
لانك عرفانى
بس بجد النت كان فاصل
واسالى ابو سويلم
ايه الكلام الكبير ده
التماس الاعذار للاخرين بقت حاجة نادرة
يمكن ده كان موجود زمان
دلوقتى الناس مضغوطة ومخنوقة
ومحدش طايق حتى نفسه
ياريت الناس تسمع كلامك وتحاول تطبقه
على راى عمى الكبير
سعد زغلول
مفيش فايدة
بعد السلام
معاك حق يادكتور كسلان
لابد من التماس الاعزار
للاخرين والتفكيير بدقة والتركيز فى الرد
بتاع العسل
انهي كلمة بالظبط
انا شايفة
جملة وكلمة
مش فاهماهم خالص
اعذرني
بجد احيانا مخي بيقف
بتاع العسل
هو اللي انا فهمته من التعليق
انك بتعتذر عن موضوع الرغاية
وافترضت اني اخدت الموضوع بزعل
لكن دا ما حصلش
انا اعتبرته محض دعابة
علشان كدا قلت لك لمين الاعتذار
لاني مش شايفة داعي للاعتذار
ورديت بشكل يمكن ساخر شوية
لكن لا اقصد منه اي شيء
ــــــــــــــــــــــ
لكن جملتين استغرتهم جدا
فلولاك ما كنت فكرت فى عمل المدونة
ـــــــــــــــــــــــ
ولو كان كل المدونين تقال على قلبى
اكيد هتكونى انت غيرهم يا حبيبتى
ـــــــــــــــــــــــــــــ
علشان كدا افترضت ان فيه خطأ حصل
واتمنى لو كنت أسأت الفهم
التمس لي العذر
ولك
دكتور كسلان
يا دكتور
انت تيجي في اي وقت
وانا عارفة انك ما تتاخرش عني
ومتوقعة والله انه النت اكيد
كلنا لها
سيبك انت كفاية انك
بتيجي وتنورني
صحيح التماس الاعذار شيء صعب جدا جدا
لكن ممكن جدا جدا
الموضوع يستحق المحاولة
ونتايجه تستحق
وان شاء الله في فايدة
يا عم
سعد زغلول راح وراحت ايامه
خليك مع سعد الصغير
مفيش حاجة اسمها مفيش فايدة
طول ما الانسان له عقل ومنطق
ويقدر يسيطر على انفعالاته
مش هي اللي تسيطر عليه
يبقى اكيد ان شاء الله
في فايدة
لعلمك
متتبعه انا تعليقاتك الطويلة
وباعمل بيها تقارير
خد بالك
بتاع العسل
فعلا وانا معاك باكد على كلام الدكتور
انه شيء لابد منه التماس الاعذار للاخرين
واكيد مطلوب التركيز في الرد
اتمنى ردودي
ما يكونش فيها شيء ضايقك
لاني اكيد لا اقصد اي شيء
بس حاسة
تعليقك الاخير
فيه اسقاط لشيء ما
عموما
انت تعمل ترانزيت وهبوط اضطراري وهبوط عادي
في اي وقت يعجبك
الخلية كلها تحت امرك
ست الكل
انا جاى لحد عتبة بابك
علشان اوجه لسعادتك دعوة فوق العادة لصاحبة مدونة فوق العادة
الدعوة لزيارة
بوابة الحلوانى
اللى انا مشترك فيهامع بتاع الجاز وتخاريف وكسلان وسى السيد
كلنا منتظرينك
سلام يا جميلة
بعد السلام
انا فكرت انك زعلتى وقولتى دا انا بقول عليكى رغاية فقولك لا متزعلش حد منك واكتبلها كلمتين حلوين تراضيها بها
لان الامور لازم تاخده ببساطة
فقولت اقبلى الاعتزار وعليهم الكلمتين
لكن
انا زعلت قعلا من النصيحة (شوفلك واحدة؟؟؟؟
وخلاص طالما سمعت منك انك لا تقصدين شيئ والرد كان صعب شويه عليا
اظهار كدا
انت اخدت الموضوع هزار وانا فكرته بجد
وعموما
صافية لبن
أبو سويلم
انت مش توجه لي دعوة
انت يا غالي تؤمرني
وانا انفذ
وبعدين ايه الكلام الكبير دا كله
دايما رافع معنوياتي كدا
يا غالي
وانا يشرفني اني زور التجمع الجميل دا
بتاع العسل
حليب يا قشطة
يا عم انا عمري ما بازعل بسهولة كدا
ومش بازعل من تعليقات زواري
لاني عارفة انهم كلهم
ناس زي العسل
يا بتاع العسل
واسفة على النصيحة اذا كانت طلعت جامدة شوية وزعلتك
بس اعرف عني اني مهما ردودي كان يبان
فيها نقد وسخرية
بتبقى بقصد الفكاهة
وانا مش بارد بالايلوب دا غير مع الناس اللي باعتبرهم
اصدقاء
وزيارتهم عندي اساسية
خلاص
فين بقى العسل
هو انا هاستنى سنة بحالها
الحمد لله
لا لا تستنى سنه ايه دا موجود ونجيبه لحد عندك ولو مكانش فيه او خلص نجبلك مخصوص ومش لاى حد تانى وكله بينفع فى السحور
والحمد لله انك فهمت الكلام
وتصافيت القلوب
السلام عليكم
تصدقي انا كمان بفكر بنفس الاسلوب ده
التمس للاخرين الاعذار وان لم تجد لعل لديه عذرا لا تعرفه
لكن زي ما قولتي دا لا ينطبق علي حاجات تانيه
مينفعش نعذر الناس فيها
تحياتي
ومعلش علي عدم المتابعة
بكرة ان شاء الله عيد ميلادى
والبوست هينزل الساعة 12 او الصبح
مستنيك
اقول يا جميلة ولا هتزعلى تانى
ههههههههههه
بتاع العسل
الحمد لله
هاناخد العسل
بس قطفة اولى بقى
عارفة المثل بتاع
شحات وطالب فطير
بس انا بقى طمعانة في كرم بتاع العسل
mohand
وعليكم السلام ورحمة الله وبركاته
تصدق يا اخ مهند
اني باجد ان هو دا اسلم واحسن حل واسلوب
للتعامل مع الاخرين
لانه بيجنبنا اشياء كتير جدا
بتحيل حياتنا الى جحيم
وبيساعد على التمتع بالسكينة
وطبعا زي انت ما لاحظت
انا قصدت
السلوكيات الانسانية في التعاملات والاحتكاكات الحياتية الاجتماعية فقط
اما الثوابت فلا مجال لالتماس الاعذار لمن يتعدى عليها
وانت يكفيني مرورك اخي
هذا شرف كبير لي ولمدونتي
بتاع العسل
كل سنة وانت طيب
ودايما كدا تكون ايامك
كلها سعادة ان شاء الله
وبعدين انت لقيتني طلبت العسل
قلت ومالوا
وهاتديهولي بايد
وبتمد لي ايد عايز هدية عيد ميلادك
عموما احنا تحت امرك
ويا عم قول براحتك
ما جميلة هو اسمي
انت قولي يا جميلة
وانا هاقولك
يا على
مش اسمك برضوا
انت ساعات بتوقع بيه
بس جهز بقى الشاي
انا جاية
احنا معندناش الا القطفة الاولى
لان هى احسن حاجة
وبعدين انا قولت دا قبل عيد الميلاد
يعنى الهدية موضوع تانى
اوك
ان افعلا اسمى على
وبعدين يا جميلة بما انك اول واحدة تباركيلى على عيد الميلاد
فانا هجيبلك حتة شمعة بالعسل مع العسل
وبعدين ان مش هعمل الشاى هسيبة اما انتى تيجى تعمليه لهو حد يعرف يعمل شاى زيك
وانا هجهز كل حاجة
بس انا بشربة سكر تقيل
وكل سنة وانتى طيبة
ونخلص الكلية السنة الجاية دى
ان شاء الله
ونبارك لبعض على التخرج
سلام يا جميلة
مستنيك
اولا شرفتي الامبراطوريه الماعلينيه
وكده بقينا مربع ماعليني بوجودك
اولا انا عاجبني اسم البوست
لان النظره المعاكسه دي لو بقت موجوده في كل احداث يومنا
هتبقي اكيد نظرتنا اشمل لكل شئ
يعني نشوف كل شئ بايجابياته وسلبياته
بس هل النظره المعاكسه دي محتاجه انها تكون متبادله من الطرفين ولا لا؟
يعني زي ما انا بحاول احط نفسي مكان الاشخاص
هل انا محتاجه ان اللي حواليا يحطوا نفسهم مكاني في بعض المواقف ولا لا
ولا هكتفي اني فاهماهم وبرضه هديهم عذرهم وقت ما اكون محتاجه لنظرتهم المعاكسه اتجاهي؟
هه فهمتي حاجه ولا الكلام اتلخبط قوي مني
ع العموم سعيده بمعرفه مدونتك جدا :)
صباح الفل
انا جيت
ولقيت البراد اكيد فيه شاى
ممكن استعيره النهارده عشان الضيوف
ولا تجبيه معاكى وانتى جاية
سلام يا جميلة
ع فكرة
من زاويا كتيييييييييييير
مش من زاوية واحدة بس
سلام بقى
جنـه
اولا انا اللي يشرفني جدا
انك تعتبريني ضمن الامبراورية
واني الضلع المكمل للمربع
ودا معناه انكم مثلث
ثاينا
الكلام مش ملخبط ولا حاجة
الكلام موزون جدا جدا
وطبعا اسلوب النظرة المعاكسة مطلوب من الجميع
مطلوب من كل انسان انه يحيد نظرته للامور
ويكون موضوعي في احكامه وردود افعاله
ويلتمس الاعذار للناس
هيكون جميل جدا
ان النظرة من زاوية معاكسة
تكون متبادلة
اعتقد ساعتها مشاكل كتير هاتتحل
لكن لو اللي قدامي مش بيفكر كدايبقى انا احاول اخلي دا اسلوبي ونهجي
لاننا لو فكرنا وقولنا
اشمعنى انا اللي التمس العذر واتفهم المواقف وغيري لا
يبقى ما عملناش حاجة
احنا عايزين
نتفوق على انفسنا
وعلى فكرة بقى
انا اللي سعيدة جدا جدا جدا
باني اتشرفت بدخولك عندي وتعليقك كمان
واتمنى ان الزيارة تتكرر
فعلا لازم مش نتسرع فى الحكم على الناس
ولازم كمان نلتمس الاعذار
بس انا مش هلتمس ليكى اى عذر
لو مش سجلتينى على الميل دلوقتى
عاوزاكى ضرورىىىىىىىىىىىىى
hadota@hotmail.com
بجد يابت انت فظيعة
وعاملة لنا فيه تاجرة مخدرات
دا انا هوريكى بس اصبرى عليا
سلام يا قمر
بتاع العسل
يا على انت ابو الكرم كله
وانا جيت وكان معايا البراد
وقعدت قدمت الشاي
وجاتوه مع الشاي لاصحاب الهدايا
وعلى فكره انا برغم اني ماليش في العسل اوي
لكن باحب شمع العسل جدا
بس اوعى تكون ناوي
تديني شمعه من اللي في التورتاية
بعد ما طفيناه
وتضحك على
وبعدين الشاي خلص والسكر
جيت اخد امداد من هنا
وكله بالحساب
بس لما تخلص الليلة
ونقعد نجرد الهدايا
سلام
يا عم على
kafrawy
كل واحد بقى ومقدرته
والله وكل ما زاد عدد الزوايا المعاكسة اللي نقدر ننظر منها
اكيد النتيجة هتكون احسن
وسلام ليه بس
مش تخليك شوية
دا احنا جيران
Hadota .. حدوتة
تعذريني مين
دا انا باتلكك
وما صدقت حد يلاقي كنز قدامه وما يخفهوش ويجري
فريرة على الهوت ميل
هو انا طلعت حاجة اخطر من تاجرة المخدرات وانا مش عارفة
صحيح يا باشا
انا نفسي ادخل مجال السلاح
بس دي مجرد امنية داخلية
ونية مبيتة فقط
لم نشملها بالتنفيذ بعد
انت ناوية توريني عينات سلاح
عايزة تنزليها السوق
ما توريني بقى انا مستنية اهو
انا ايتها الحدوتة المصرية الشبراوية
يتشرف ايميلي بوجود ايميلك مسجل فيه
ومنتظرة بقى الغيث
من معاليكم
بعد السلام
لا فعلا انت تعبتى معانا النهاردة وبعدين انا هجيبلك ان شاء الله
برواز شمع كامل مش حتة صغيرة
وشكرا على انك جيتى تجيبى شاى من البراد
بتاعك تانى عشان نرضى الكل
واخدتى التورتايه بتاعتك ولا لسه
سلام نتقابل فى فتح الهدايا
ايه ده ؟؟ 71 كومنت
امال لو الكلام كان مفهوم كانو عملوا ايه
ده تحدي ليا كدة
انا هروح عندي و اعلق على نفسي بقى
لسة انا جاي تاني
هاااا
سلام مؤقت
و ادي كمان 72 اهووو
عندنا كم ما علينا يعني
السلام عليكم
ازيك يا ماعلينا
طبعا بعد قرأة الموضوع والاسئلة كنت محضر رد وتعليق بس في اخر سطر انتي كتبتيه غيرت الرد والتعليق 180 درجة
لما قلتي :
اتحدث علي المستوي السلوكي الانساني فقط
ودا طبعا فسر الموضوع
لآني مش حط نفسي مثلا مكان واحد انا بكرهه عشان دين او قيم او معتقد
لأني واي مسلم عربي شرقي اكيد ليهم حجات بيعتزوا بيها هي في نظر الاخرين اشياء وحشة وبيكرهونا عشنا
زي الشواذ مثلا كدا
نرد بقي علي الموضوع الجميل
فعلا سعات الواحد بيتخيل نفسع في اعين الاخرين
ممكن اكون عصبي ومندفع ...وقتها ببقي في نظر الناس ايه؟؟
ممكن فعلا لو انا مكان الشخص دا اكرهني اوي وابعد عني وانفر مني
ممكن اكون سئ الظن بفلان عشان سبب مش منطقي
طيب انا لو مكانه فعلا هحس بأيه وهدافع عن نفسي ازي لو انا مظلوم
الموضوع جميل يا ماعلينا كالعادة
جزاكي الله خيرا وكل عام وانتي بخير
بتاع العسل
هو انا هاتعب لاغلى منك يعني
عندنا كام على يعني
كل سنة وانت طيب
وسعيد
والسنة الجاية تكون خلصت جامعة ان شاء الله
والبراد يا سيدي هو وصاحبته تحت امرك
وبعدين الناس كلهم خواتنا وحبايبنا ولازم نكرمهم
التورتاية بقى ما اخدتش
فرسان البوابة
خطفوها وجريوا
طلعت تورتاية ملكية بوابية
كفاية على نسبتي في الهدايا
S H A H
انت جيت
اقولك ايه يعني
انت مفكر يا كينج
انك لما تبيعني بسينزي بتاعتك
ولا شوف انت كنت فين
مفكر الغرزة عندي سوقها هايقف
يا لورد انت عارف اني لي وضعي
ووزني في المنطقة
وبعدين انت غبت كل دا
وجاي برضوا من غير حبوب الذكاء
وهي دي العودة اللي انت عدتها
و ادي كمان 72 اهووو
عندنا كم ما علينا يعني
خلاص ماعلينا بقت رقم كومنت
دا كبيري يعني يا كبير
عموما بشوقك يا كينج
شايف انا ما زلت كريمة معاك
واهو الحساب يجمع
حقوق العرب اللي عندك كترت
يا كبير
سلام يا لورد
ماتيجي اشرب شاي
تعالى يا عم وبلاش انا
الراقص مع الذئاب
وعليكم السلام ورحمة الله وبركاته
الاول
حمدا لله على سلامتك
اجازة سعيدة ان شاء الله
وانا علشان اللي انت قلته
قلت جملتي الاخيرة
وفي ردي على الاخ مهند
وضحت ان في ثوابت
لايمكن التغاضي او التجاوز
عن من يتعدى عليها
وطبعا ثوابتنا هي الدين والعقيدة
لاينبغي المساس بها
من كائن ايا كان
لكن على المستوى الانساني
شفت اد ايه ممكن نعذر الناس
لو حطينا نفسنا مكانهم
وبصينا علينا بعنيهم
والله يا محمد
زيارتك وتعليقك
باسعد بيهم جدا جدا
ودايما زيارتك بتضيف لي
ربنا يكرمك ويعزك
ويسدد خطاك اخي الكريم
بعد السلام
انا عارف ان فرسان البوابة كتير
وانا كنت هقولك نعطيلهم شاى وخلاص
لكن طالما هما اخدوها
اكيد خلصت على طول
انا عارفهم وبقابلهم كتير والله
المهم ان الحمد لله كله مرضى وكل واحد
اخد نصيبه ومتشكريين تانى على تعبك معانا
ونردهولك قريب انشاء الله
يبقالك عندنا هدية كبيرة بعد الترمين
الجايين ان شاء الله
سلام يا جميلة
انا معاكي جدا
لو كتبنا 8 بالعربي ووقفنا اتنين من الطرفين واحد هيقول دي 7 والتاني هيقول 8 والاتنين صح
لكل موقف
وحهة نظري
ووجهة نظرك
والحقيقه
كل سنة و انتى طيبة
بمناسبة شهر رمضان من صاحبتك الطويلة شوفى صفة انتى اللى تعرفيها يلا سلام اشوف وشك بخير ان شاء الله اما اول رمضان او تانى يوم
Post a Comment