يللا بينا نكمل
هـــــــــــــــــــل تكــــــــــــــــذب؟؟؟؟؟؟؟؟؟؟؟؟
نعم
عندمـا تكذب احيانا هل يكون شعورك ان هذا طبيعي ومن حقك وأن هذا هو الصواب؟
لما بيحصل واضطر اكذب باكون مضايقة جدا
مش بافكر في حكاية حقي او مش حقي
بابقى عارفة ومتاكدة انه خطأ
هل انت خائن او غــادر او بوجهــين؟
مستحيل
لو على رقبتي لانها اكتر حاجة ممكن تازمني اني اتعرض للغدر او للخيانة
هل انت مشغول بما لايعنيك؟
لا
هـــــــــــــــــــل انت متعصب لرأيك ولا تقبل الخلاف ولا المناقشــــــه ؟
احيانا كثيرة باكون متعصبة لرايي بل غالبا لكن تعصب غير ظاهر
واقبل الخلاف والمناقشة لكن باحس اني باقبلهم لاني باعشق النقاش في حد ذاته
وغالبا رأيي مش بيتغير وممكن اللي قدامي هو اللي يغير رايه
هل انت تحب الاخذ ولا تحب العطاء؟
لا
احنا اتفقنا اني بحب نفسي جدا وبحب اعتز بيها بيني وبينها
فلازم احسها واشوفها معطاءة مترفعة عن الاخذ
هل تشتهي ان يُذل بضم الياء الناس لك ويتوسلون لك؟
لا
نهائي مهما كانت الاسباب دا بيسبب لي حرج فظيع
هل تحب ان يسارع الناس في خدمتك واكرامك ويثقل عليك التواضع للآخرين؟
اكيد هاحب اني احس الناس حابني وحابين يكرموني زي انا ما باعمل مع اللي باحبهم
انا باتعامل مع الناس زي ما احب انهم يتعاملوا معايا
هــــــــــــــــــــــــل تحــــــــــــب البطــاله والكسـل والنــوم؟
احب البطالة والكسل
لكن النوم لا
هل حـــدث مـــرة ان منعت خيرا عن احد من الناس؟
لا
هل احببت ان يصيب احد الناس شرا ؟
لا
هل حدث مرة ان كان باستطاعتك منع او درء شر عــن احــد الناس ولم تفعل
او العكس أي تجلب خير لاحدهم ولم تفعل ايضا؟
احتمال
ما هو تقييمك للناس هل هو :
•على قدر حبهم واخلاصهم لك؟
•ام على قدر ثناؤهم ومدحهم لك؟
•ام على قدر خدمات احدهم لك؟
•ام على قدر ارضاؤهم لغرورك ونفاقهم لك؟
•ام على قدر رقتهم وخفة ظلهم ؟
• ام على قدر موافقتهم لك واشباعهم لشهواتك؟
تقييمي للناس بيكون على اساس كل سلوكياتهم وافكارهم معايا ومع غيري
هل انت مراء او منافق تحب ان تُحمد بمالا تفعل؟
لا
هل انت من اصحاب الدعاوي العريضه انا وانا وانا وانا وانا وانا ؟
اعتقد ذلك
بما اني باتكلم عن ارائي وافكاري كتير
بس مش باستخدم كلمة انا كتير
هل انت متطلع لما ليس عندك متشوق لما لا تقدر عليه أي هل تعرف حق قدرك ووزنك؟
لا اتطلع لما ليس عندي لاني راضية جدا بما لدي
ما اعرفش هل انا مديا لنفسي وزن اكتر من حقها او اقل
بس غالبا باحس اني واخدة في نفسي قلم كبير
ما هي مساحة الجد من الهزل واللعب في حياتك ؟
لا اعرف
هل تعترف بالخطأ وتتراجع ام يصعب عليك التراجع والاعتذار؟
من اسهل الامور عندي
اني اول ما احس اني اخطأت اتراجع و اعترف واعتذر بشتى الطرق
متى تشعر بالسعاده ومتى تتـــــألــــــــم؟
دايما باحب استمتع بكل حاجة في حياتي
وطالما انا مستمتعة باكون سعيدة الى حد ما
لكن في سعادة الرضا عن النفس
دي اعتقد تحقيقها صعب شوية مع كل العيوب والبلاوي دي
باتالم بقى لما اقعد معايا والاقي حاجة مخزية عملتها
وباتالم برضوا لو الناس اللي بحبهم حد منهم جرحني حتى لو بدون قصد
دايما لو حصل بيكون بدون قصد بس دا بيكون الم مؤقت
هل الاحساس بالسعاده او الالــــــم مرتبط بالجسد ام بالمشاعر وعلاقتك بالاخرين؟
بالمشاعر وعلاقتي مع الاخرين
هل تحب الشماته؟
لالالالالالالا
هل عندك القدرة على العفو وأن تغفر اخطاء الاخرين؟
نعم
هـــــــــــــــــــل تقبل الاعتذار او تلتمس الاعذار؟
دي شغلتي
علشان اقدر استرسل في علاقاتي
هل تسامح وتنسى الاساءه؟
هي النقطة دي ملعبكة شوية عندي
انا باسامح واستعيد تعاملاتي لكن مش بانسى الاساءة ودا غصب عني
ومع اول موقف تاني للشخص يحرك اي شيء قديم
هل انت قلـــــــــــــــــــــــوق وموســــــــــــــــوس؟
قلوقة لا موسوسة اه
هــــــــــــــل انت مهمـــــوم دائمــــــا وتختلق همــــــوم لتشعر بأنك تحملها وتثقـــــل كاهــلك؟
لالالالالالالا
هل تعيش في وهم كبير ثم تصدقه وتظن انه حقيقي وتبحث عن علاج له؟
لالالالالالالالا
هل تستطيع ان تأخذ قرارا عند الحاجه في دقيقه واحده ام تكون متردد لا تستطيع الحسم؟
استطيع
هل تحب المظاهــــــــــــــر؟
مش قادرة ولا عارفة اجاوب
المظاهر هنا ايه المقصود بيها مظاهر الحياة عموما
لبس واكل ووضع اجتماعي وفلوس وكدا لو كدا ايه يمنع اني احبها
لكن مش هي معياري ولا مقياسي في الحياة
لكن اكيد باحب المظاهر الجميلة ويكون وراها داخل مماثل لها في جمالها
هل تحب ان تتظاهـــــــــــــــــــــــــر؟
لا
هل انت عنيد تحب المخالفه والاصرار؟
نعم
ما هي النســــبه بيــن داخـــلك وخارجـــك و ســـرك و عـــــلانيتك و باطـــــنك وظاهـــــرك ؟
مش عارفة
السؤال دا محتاجة لجنة تجاوب عليه
مكونة مني علشان اقول الجانب اللي انا اعرفه عن نفسي وما حدش يعرفه غيري
ومن الناس اللي حواليا علشان يقولوا الجانب اللي هم شايفينه وانا لا
ونقول انا وهم الجانب اللي احنا شايفينه كلنا
هل انت كريم ام بخيل ام حريص؟
(البخيل على كل الناس بما فيها نفسه اما الحريص فهو كريم على نفسه بخيل على الناس
بخيلة
لالالالالالالالا
مستحيل ولا حريصة ابدا وربنا العالم
هل انت رقيق هادئ الطباع لطيف ام قاسي غليظ؟
كلها صفات متواجدة في
وعلى حسب المواقف باكون اي واحدة فيهم
ما هــــــــــــــو رأي اعدائك ومن يكرهونك فيك؟
مدللة
مغرورة
قليلة الذوق
وماذا يقولون عنك ؟
بيقولوا رايهم اللي فوق
هل تحب الناس ام تكرههم؟
انا بحب الناس جدا
هل انت غاضب من الناس؟
انا باحب الناس واحب اتواصل معاهم
لكن انا مين علشان ارضى عنهم اواغضب عليهم
هل انت راضي عن الناس؟
نفس اجابة السؤال السابق
نفس اجابة السؤال السابق
انا اكتر حاجة بافكر فيها امتى هارضى عن نفسي
وهل اليوم دا ممكن ييجي
من انت من كل هذه الاسئله؟
اجابة السؤال دا بقى هاحتفظ بيها لنفسي حاليا
اجابة السؤال دا بقى هاحتفظ بيها لنفسي حاليا
لانها هاتتضمن رايي النهائي في نفسي بعد ما اركب الاجابات دي مع بعضها
ومع حيثياتها اللي انا ما كتبتهاش وقلت كفاية عليكم الاجابة النهائية المختصرة
72 comments:
مش ممكن
انا الاول
.
.
.
هههههههههههههههه
الاول وشايل مادتين
.
.
.
فكرتيني بسنه خد فيها طال مثالي علي مستوي الجامعة
.
.
شيلت مادة علي طول
كنت اول طالب مثالي في تاريخ الجامعة شايل مادة
.
.
.
المهم تاجك حلو والاسئلة اللي فيه عجباني
بالتوفيق واسماعيل وفتحي
.
.
علي فكرة ماعرفهومش
حاسس ان كل المواضيع السابقة تاجات
.
.
بس مش عارف ليه كدا
خير اللهم اجعله خير
.
.
قال ايه
انا كنت هنا من يومين
وكان فيه تقريبا بوست
عن يوميت صيديلي معرفشي الكام
.
.
وقال ايه كان فيه بنت عايزة تدي الحقنه لللقطة
.
.
والنيبي ياختي دا كان عندك ولا عند الجيران لحسن انا خلاص
.
.
انت زي بنتي برده
ومش هتكسف منك
.
.
الزهايمر ياعني ملخبط لي دماغي
كنت المفروض اول واحد يعلق
بس الاخ ادم سبقنى
انا لسه مقراتش الاسئلة
انا قلت اعلق الاول
بس للاسف مفيش فايدة
الكسل هيفضل ملازمنى طول حياتى
استنى تعليقى لما اقرا
بس شكلك هتستنى كتير
مقدرش انا ع النشاط ده
ادم المصري
وقادر تشيلهم
والغاليين عليك انا كمان ماعرفهومش
يبقى اكيد
اتنين غيرنا
هو يعني المواضيع مش كلها تاجات
هو فيه تاج واحد
والباقي عدوى
اصل
بافكر اعمل موسوعة
سين وجيم
زي بتاع طارق حبيب
وخير اللهم اجعله خير
اكيد كنت في
الصيدلية اللي قبل
القهوة بتاعتي
ما انت عارف بقى
اصل المنطقة هنا
اسمها ماعلينا
وكل ما حد يفتح مشروع
يقولك
كوافير ماعلينا
قهوة ماعلينا
ماعلينا للسفريات
صيدلية ماعلينا
ماعلينا للاستشارات الهندسية
وللامانة يا والدي
انا تقريبا احدث ماعلينا هنا
وتتكسف ليه بس
الزهايمر سارح وواخد في وشه
معانا كلنا
نورتني
يا ادم يا مصري
واتمنى
ماتبقاش اول واخر توهة
دكتور كسلان
براحتك يا دكتور
هانهب يعني
وخد بالك في سؤال عن الكسل
اوعى تيجي عنده وتقف
وتكسل
والله وانا باجاوبه
كنت في بالي
بس بقولك ايه
ما تخلنيش استنى كتير
خمس ست سنين مش اكتر
منتظرة بقى ماشي
لا وليه متقولي الرأي النهائي؟؟
ماهو دا اللي فاضل
والنبي انتي يا بنتي باين عليكي قلبك ابيض حليب وطيبة طيبة جدتي اللي ماشوفتهاش
بصي انا مش هاعلق على محتوى البوست
بس بجد جميل جدا
أنونيمس
لالالالامش هاقول
خلاص مش قايلة
انت هاتضربني ولا ايه
مافيناش من ضرب
مش هاقول
على الاقل حاليا
مش طالبة معايا اقول
ومش هاقول
والله انت كدا بتظلم جدتك معايا
ومن ناحية قلبي
هو طبعا مش اسود
بس مش حليب صافي
نقدر نقول
شاي بحليب
نسكافيه مش ساده طبعا
او نقدر نقول عليه
كاروه ابيض في اسود
خلاص ما تقلقش
دي كانت اخر مرحلة
في اعترافاتي
مممممممم
انتي عايزلك شيزلونج
اعرف واحد صاحبي دكتور كبير ممكن يعالجك و ترجعي انسانة زينا
و بعدين ايه الاجابات اللي مـتأكلش عيش دي؟؟
الكدب ماشي ده شيء حلو
بس بقيت الحاجات دي متنفعش معانا
فين الغدر و الخيانة و الانتقام
ااااااااااااه
ولا ده برده كدب عشان توهمي الناس انك حلوة يعني و رقيقة و كدة
ظلمتك, ان كان كدة ماشي طبعا
بس تعرفي
انا عجبني قوي البوستين اللي انتي بتعرفي فيهم نفسك دول بجد
و اتعرفت عليكي اكتر, و بجد جميل قوي صدقك مع نفسك
وبعدين فين المعجبة بتاعتي
ارجوكي اعمليها بلوج كدة خلينا نتواصل مع بعض
هتخلوني كدة اخد قلم في نفسي اكتر من منا واخد اصلا
سلميلي عليها قوي
سلام مؤقت
سيبك انتي
مفيش احلى من البطالة و الكسل و الانتخة و كباية الشاي
و اجل عمل اليوم الى ما لا نهاية
S H A H
اومال لو ماكناش ولاد كار واحد
يعني لازم تبقى فاهم الفولة
مش تيجي تسيح كدا حرام عليك يا كينج
هاتطير الكام زبون اللي باظبطهم
وبعدين شيزلونج مين يا عم
شكلك كدا مستغني عن دكتورك دا
متهيألي اعمله ارتيكاريا في مخه
تصدق يا شاه اني الناس اللي حواليا
بيتعاملوا معايا على اني طبيبهم النفسي
هم يفضفضوا وانا اسمع
صحيح انا رغاية
لكن مستمعه جيدة جدا
لا وايه واحلل واطرح حلول
واقدم عينات من الصنف كهدايا
لزوم الهدوء النفسي
وهوب
انفاس ورا انفاس
يبقووا حايا في ايدي
انا متهيالي لسه
ما وصلتش درجة الصدق التمام مع نفسي
بس والله
قلت كل اللي عندي يا باشا
والله يا لورد
هي هبلاني علشان اعملها بلوج
ومدياني موضوع انزله لها مبدئيا كدا
عندي انا
بس اصله رومانسي
وانت عارف مش هايبقى
واكل معايا خالص
بس طبعا هانزله هو انا اقدر
وبعدين يا عم خد اقلام براحتك
ما كلنا واخدين
المهم يكون حاجة كدا ماركة
سينييه يعني
فكرتني بالاقلام اللي اتسرقت
يللا ماعلينا
بقولك صحيح
عندك سرير سفري هنا
وتلاجة صغير
وبوتوجاز صغير
يعني خليك هنا بقى
لحد ما الشغل يخلص في مدونتك
مش هاينفع تقعد وسط الانقاض
الا صحيح مين اللي طلعك
من تحت الانقاض
سلام يا كينج
قلوقة لا موسوسة اه
يا سلااااااااام ازاى بقي افهمها
هم اعدائك مش بيقولوا كمان مع مغرورة ومدللة انك رغاية؟؟
انا قلت انا كمان اطرق الحديد وهو سخن
ومخلكيش تستنى كتير
مش عارف انا بقيت نشيط ولا ايه
يلا كله عشان خاطرك انتى بس
ما انتى طلعتى بتحبى الكسل
ايه رايك مش احسن
بس زعلتينى مش بتحبى النوم ليه
دا من اساسيات الكسل
انا شايف ان الاجابات كلها منطقية
الحمد لله انك اكتفيتى بالاجانات المختصرة
ومكتبتيش راى نهائى ومفصل
اصل ده يبقى كتير عليا اوى
انا قرات الاجابات بالعافية
سلااااااااااااااام
تخاريف دكتور
القلق حاجة
والوسوسة حاجة تانية
دا من وجهة نظري
ومش بيقولوا رغاية
لان مفيش بينا حوار
علشان كدا بيقولوا على مغرورة
دكتور كسلان
لا مش معقول
دي تضحية انا ما اقدرش عليها
وبعدين يا دكتور
انا اصلا كسلت
اكتب التفاصيل
وبعدين كل دا علشان خاطري
دا انا اتغر بقى بجد
رد سريع
وطويل نوعا ما
وبصراحة انا باكسل انام
ولسه هاصحى
خلني صاحية وخلاص بس مكسلة
الجزء ده أصرح وأجرأكتير من الجزء اللي فات ياجميلة
وبعدين يا جميل لو أنت ما أخدتش قلم في نفسك مين اللي هياخد بس
:))
لتاني مرة باهنيكي علي صراحتك وجرئتك
fanan fa2eer
والله يا فنانة
الفرق في الاسئلة
الاسئلة المرة دي بتلمس عيوب اكتر
انا اصلا مجاوبة الاسئلة كلها مرة واحدة
بس قسمتها في النشر
وبعدين كلامك دا
يخليني ماحدش يعرف يكلمني بعد كدا
لما فنانة الاطبا
ارق فنانة طبيبة
تقولي كدا
يبقى من حقي اتغر
يللا بقى
هاتغر واروح اخد دستة اقلام كاملة
منوراني دايما
ورافعة معنوياتي
يا فنانة
انا قريت كل اجاباتك لكن ما علينا من الاجابات
انا عاوزه اعرف حاجتين
الاولى هو مين بيسألك ولا انتى بتسألى نفسك
الثانى ما علينا منه
عارفه ان اول سؤال جاوبتى عليه بصراحه ما علينا منها خلانى احس انكى صادقه جدا
وما علينا من راى الناس احنا بنحكم على نفسنا
قالوا مدلل ما علينا من كلامهم
قليله الذوق ما علينا من كلامهم
مغروره ما علينا من كلامهم
اهم حاجه احنا شايفين ايه
وما علينا من اللى احنا شايفينه
اهم حاجه راحه البال والاطمئنان لانفسنا وما علينا من الاطمئنان
هى الساعه كام معاكى وما علينا من الوقت اهم حاجه يا عسل انى زرت مدونتك الممتازه
واقول لكى
قصدى اقولك
لا كنت عايزه اقولك
ما علينا من اللى كنت هاقوله
مع السلامه
سلامو عليكوو
انا جاي ومعايا مرتبتي و بطانيتي اهو
نفرش بقى
انتي عارفة كدة اضمن متعرفيش البراغيت بتوع المدمنين اللي هنا دول عاملين ازاي بيبقوا متوحشبن
انا مالي بدلع في الكلام كدة ايه المسخرة دي
انشف يااااه
-------------
بوصي يا قطة
انا امبارح بليل سهرت لغاية 3 الصبح و انا عمال اهد و ابني طبعا في بلوج تاني كدة تستاوي
و بعد معملت بابلش الشكل طلع زي الزفت و كل حاجة مش في مكانها
و اظاهر قعدتي عندك هطول بقى, شوفلنا بقى كمان باكو ورق بفرة و كانشة....هاتي العدة كلها بقى
وطالما انك طلعتي سميعة يبقى الكلام هيبقى للصبح, انا كمان لما بفتح في الكلام مبقفلش رغي و ديموقراطي قوي في كلامي و لا احب حد يقاطعني ولا يقولي انت غلط
و ده هيبقى مناسب مع جمهور السميعة
انا هنا اهو في الزاوية اللي هناك دي
و ابعتيلنا قلقاس النهاردة
و الحلو مانجا
سلام مؤقت
صحيح
اجمل سلام يا ريت توصليه لصحابتك
بس كنت عايز اعرف امورة و لا لأ
احب برده اتعرف على جمهوري و الفئة اللي انا بجذبها
حاكم انا جمهوري كل روحه حلوة
روحه بس
سلام يا بارونة
ما علينا ... في حاجة انتي كتبتيها تمثل رأي بالضبط و ناس كتير بتتهمني بأنه مشكلتي في الحياة
"
هـــــــــــــــــــل انت متعصب لرأيك ولا تقبل الخلاف ولا المناقشــــــه ؟
احيانا كثيرة باكون متعصبة لرايي بل غالبا لكن تعصب غير ظاهر
واقبل الخلاف والمناقشة لكن باحس اني باقبلهم لاني باعشق النقاش في حد ذاته
وغالبا رأيي مش بيتغير وممكن اللي قدامي هو اللي يغير رايه
"
المهم ... سيبك بأه من التهاني و خلافه و عايز أقولك خاطر جالي و أنا بقرا إجاباتك
ماذا لو لم يكن المطلوب من هذه الأسئلة مجرد تقييم موضوعي لنفسك و العمل على تحسينها؟
ماذا لو أن هذه الأسئلة تثير المسائل التي تحاول النفس نسيانها أو الشيطان محوها من وعينا ؟
ماذا لو أن هذه الأسئلة هي الحصن الأخير دون الإنغماس في الملذات و الإنجراف في متاع الحياة و مشاغلها و التنبه لما يجب عليه أن تكون النفس؟
ماذا لو أن الإجابة الجيدة أو الممتازة على هذه الأسئلة تمثل فعلا الفطرة النقية؟
راجعي الأسئلة تجدينها تخاطب كل أمراض القلوب من الشح الى العجب الى النفاق و حب التملق سواء من نفسك أو من الآخرين
رأيي ... أن رؤيتها بهذه الطريقة لا تجعلها مجرد أسئلة تبحث عن إجابة بل ترقيها ال منزلة السلم أو المصعد الذي على المرء أن يرتقيه لكي يرقي نفسه و يزكيها و يحميها من الشهوات أن تسيطر عليها
كنت افكر في ذات مرة ماا لو أصبحت رئيسا أو حاكما ... أنا أعلم الآن أني لا أريد الا الإصلاح و أميل الى الزهد في متاع الحياة ... ولكن ماذا لو تحقق الحلم؟
هل تصمد نفسي أمام هذا الجمع من المنافقين ... و هذا الجمع من الناس الراغبين في الإنصياع و الإنقياد و لا ينتظرون سوى أمرا منك لينفذوه ...
هل سأصمد أمام بريق السلطة و لمعانها؟
هل سأستبيح مقدرات الناس و أمانيها؟
هل سأغتر ؟
هل لن أقبل المناقشة؟
انظري لتغير النفس عند الرؤساء الجلي من خلال خطاباتهم و قرارتهم أول الحكم و أواخره ... مثال السادات و مبارك في هذا الشأن جلي جدا و حتى عبد الناصر
فعلا النفس هي ألد أعدائك ... إذا انتصرت عليها و قهرتها لن يقهرك أحد
السلام عليكم
ازيك يا قمر
كل دا بوست ؟؟؟
حرام عليكى نفسك
وحرام عليكى الشعب
جالك قلب تكتبى كل دا
معاكى ربنا
بصلا ياستى مقدرش اقول الا انك شبهى
قرينك يا زواوى يعنى
ميرسى انك كبرتى الكلام
اصلك كنت شككتينى فى نفسى المرة اللى فاتت
خالى بالك من العيال
ومتسهريش كتير
سلام يا قمر
شوف بقى النفسنة, و الناس اللي بتفطر عسل اسود ع الصبح
خلاص قلت اغير و ابني رحتي على طول مقلداني
يا ستر ع البنات و غيرتهم
و انا بقول الطوب و الزلط و المونا بتروح فين مش عارف اخلص عندي
اهنيكي علي صراحتك
طول ما الانسان مبيكدبش علي نفسه
هيقدر يعيش مستريح
أيه الحلاوة دى
برنسيسة والله
الاجابات على القد ومفيش خوف وصريحة لابعد حد
لكن هاقول ايه لو جميلة ما عملتش كده مين اللى يعمله
والف مبروك على اللوك الجديد يا جميلة ولو انى حاسس انى شفته قبل كده بس حقيقى ده شرف ليا وكمان اثبت لى ان ذوقى عالى بدليل اختيارك لنفس الشكل
سلام يا غالية
بهلوله
اسئلتي واجاباتي
واعدائي
وراحتى
وشخصيتي
ماعلينا من كل دا
كفاية بس
تشريفك للمدونة
والله انت سكر يا بهلولة
ويظهر كدا انك من هواة السهر
وماعلينا من كل حاجة
مبسوطة ان المدونة عجبتك
واتمنى بقى تزوريني دايما
S H A H
براغيت وواغش
ايه اللي انت بتفلي فيهم دول
يا كينج انت عارف زباينا من علية القوم
وبنتعامل معاهم بالدولار
انا مش بتعامل مع الزباين
المقشفرين
يا كينج انا لي مستوى معين باحافظ عليه
الصنف اللي انت بتتكلم عنه دا
تلاقيه في غرز الايواء الشعبي
وركز كدا انا جهزت ركن الشاي
وشكرا على السيلانية اللي انت
بعتهالي
انا قعدتها وعملتلها نصبة
ابقى نفعها بقى لما تدخل
وصاحبتي يا سيدي
تخيلها انت مع نفسك
خلي خيالك واسع
وانا بقى هاقول لكل جمهورك
اللي روحهم بس هي اللي حلوة
هاقولهم رايك دا
يلا بقى كفاية عليك كدا
انا خلاص الشاي بقى جنبي
بس كدا كفاية عليك
دوشتك
وبعدين تستت براحتك
المكان مكانك
والمطرح مطرحك
وكل طلباتك مجابة يالورد
من شيش لكانشات
بس الكانشة دي بتاعة البانجو واحنا متفقين انه بانجو نو
اجيبلك غرقانة
وسبرتاية وطقم قهوة لزوم الكنك
والبفرة
وكوباية لزوم الدبابيس
كل طلباتك اوامر
انت زمل واكرامك واجب
وبعدين فاضل شوية وتمسك لي فستان الفرح تولع فيه
حلوة قطة دي
جرى ايه يا عادل يا ادهم
اخشوشن كدا اومال
ويا سيدي احكي من هنا للصبح
وانا اسمع من غير مقاطة ولا يحزنون
انا احب اشتري يا باشا
حلو القلقاس يمشي معايا
نبعتلك قلقاس
والحلو مانجة
بكره بقى
ملوخية
والحلو فراولة
The Last Samurai
يعني بصرة في نشوفية الدماغ
انا اعتبر هذه الاسئلة
مثل ناقوس الخطر
كل سؤال يضغط على مرض من امراض القلوب كما اشرت انت
وبعد الاجابة عليها بصدق
تبدا مرحلة من الخجل
تستحي من المولى عز وجل
ثم تستحي من نفسك
ولربما تنجح الاسئلة في ان تكون
المعبر
للرقي الانساني
هذا ان استطعت ان تقهر نفسك
فلن يقهرك احد
ولكن مجاهدة النفس
هي اصعب واشد انواع الجهاد
ودايما اقول
ان الانسان المفروض
ما يحكمش على حد الا اذا اتحط في نفس موقفه
ولا يدعي احد الفضيلة
الا اذا وضع في موقف اظهر تمسكه بالفضيلة
التعرض للاغراءات وتاثيرها ليس بالسهل
واصحاب الشعارات الرنانة
الكثيرون منهم
تجد شعاراتهم تذهب ادراج الرياح
اذا اصطدمت بالاغراءات
القضية قضية
قوة ايمان
وصلة العبد بربه
كلما ازدادت الصلة قوة ومتانة
كلما كان المرء في حمى ربه
والله المستعان
Hadota .. حدوتة
اهلا بالمبدعة
لا ما انت بقى مش واخدة بالك
الاسئلة مكتوبة مرة قبل كدا
وغلاوتك عندي
اول بوست نزلتها فيه
ما كتبتهاش برضوا
دي كانت مبعوته لي ملف وورد
يدوب انا بانسخ والصق
والتنسيق بقى
دا انا لو هاكتب كل دا
يللا ما علينا
ووحياتك يا حدوتة
بعد ما خلصته
وجيت اقراه استطولته انا كمان
ومستغربة انتم ازاي بيجيلكم صبر
تكملوه قراية للاخر
اي خدمة يا توتة
تكبير الخط دا مخصوص ليك يا باشا
وكنت مكبراه عن كدا
بس لقيته مطول البوست اكتر واكتر
وقلت لك انا يشرفني
ان يكون انت قريني
دا يبقى قرين لذيذ اوي
ما تقلقيش على العيال
دول في الملجا والاصلاحية
والسهر هاعمل ايه بس
كيف بقى ومش قادرة ابطله
منورانا دايما يا ست الكل
S H A H
وانت تعرف عني كدا برضوا
انا قلت اعمل معاك دقة جدعنه
رحت اتفقت مع مقاول علشان يظبط لك الدنيا
قوم ايه
اتاريه فهم غلط
وانا قاعدة لا بيا ولا عليا
الاقي هبد ورزع
جريت قلت زلزال 92
اتضح ان المعلم
فهم اتفاقي على اساس انه لمدونتي
وتم التصحيح
يالورد انا مش من هواة التغيير في كل حاجة
لكن بحب اجرب
ولحظك اني كنت بجرب حاجة على سبيل التجربة وثبتت وكانت مشكلة
دا انا دخت على ما رجعت كل حاجة تاني
ما تقلقش
وبعدين انا لو عايزة اغير
هاتعب نفسي ليه
هاستنى لما انت تخلص عندك
وانقل عندك
واسلمك المفاتيح هنا
انت تقوم بالليلة
يعني هاجدد وانت اللي هاتشتغل ولا تتتزعل
لكن للاسف انا بارتبط
باشيائي الى حد ما
خد لك بقى براد شاي للناس اللي شغالين عندك
سلام يا باشمهندس
محمود علي
وانا اهني نفسي
بزياراتك
واتمنى اكون فعلا كنت صادقة مع نفسي
علشان استمتع بالراحة دي
أبو سويلم
ربنا يكرمك ويعزك
يا ابا محمد
برنسيسة بس
مش ملكة يعني
البوست الجاي هاستنى الترقية
واللوك يا ابا محمد
انا طبعا اضطررت اغيره تاني
لانه في حاجات ما ظهرتش معاه
ولعلمك دا كان اول تصميم انا
استخدمته لانه اكتر حاجة شدتني
لانه يحسسك انك فعلا جوا كتاب
لون الورق بتاع الكتب القديمة
دا انا باعشقه
ولاني اضفت حاجات في المدونة
ما كانتش ظاهرة كويس مع التصميم دا
اضطررت اغيره بالحالي
مع انه منتشر جدا
وانت ذوقك عالي من غير حاجة
لانه ذوقك انت
يا اخو الغالية
سلام يا محمد افندي
يا سلام ده انت ملكة من قبل ما انا افكر اعلقلك هو انت محتاجة لما العبد لله اللى يقولها انت مش محتاجة مدح من اى حد ولا ايه يا جميلة
اتمنى انك تكونى رجعت لشكل المدونة ده للسبب اللى قلتيه وما يكونش كلامى ضايقك وهو السبب
سلام يا كويين
أبو سويلم
يعني انت تعرف عن اختك كدا
زعلتني كدا بقى
ولعلمك انا
حاولت والله اثبت بس في حاجات كتير
ما كانتش مظبطة معايا
والتصميم بتاعك دا كان هو اول تصميم
ظهرت بيه مدونتي
وكنت مبسوطة بيه جدا
بس لما بدأت اضيف حاجات عليها
لقيت نصها بيظهر والنص التاني لا
فغيرته وانا اسفة اشد الاسف
ومازلت باشوفه
اجمل تصميم
انا اول ما شفته
وانا بعمل المدونة
قلت بس هو دا
وبعدين
انا زعلت انك تظن في اني
عقلي صغير للدرجة دي
واني باتقمص بالساهل كدا
وسهل مضايقتي
او استفزازي
ولي عندك حق عرب
وكدا بقى لازمنا
قعدة رجالة يحكموا بينا
وانا لن اتنازل
الا اذا جيت وقعدت
شربت شايك معايا
انا عملت ركن الشاي هنا خلاص
وياعم انا صحيح ملكة
باخواتي واصحابي
ودا يكفيني
لاني باحس اني املك الدنيا كلها
لما اكون مبسوطة مع اصحابي
ما تنساش
حق العرب
ايه يابوسويلم
انت بقيت تكتب كتير زى جميلة
ارحمونى انتو الاتنين
انا بكسل اقرا كلامكم للاخر
دكتور كسلان
ايه يا دكتور
تاتش وود
مالك كدا داخل تقر
صباحو قر
وبعدين ما انت ساعات ربنا بيفتحها عليك
وباقرا لك تعليقات طول بعرض
وبعدين يا سيدي اقرا بالتقسيط
بس تتحمل الفوايد
نص تعليق زيادة
والنبي يابيه سؤال هو ده كشف هيئة ولا ايه بس تاج جديد وممتع يا جميلة سلامي
افتح عندي الاقي كل البهدلة دي كدة مرة واحدة مرة دقن و مرة شعر, مبقاش عندي حواجب حتى
وبعدين حسيت من لهجتك كدة ان الشكل الجديد شكله مش عاجبك, و هاتك يا تريقة من الصبح
يعني حتى اللي كان عاجبه الشكل بعد ما قرى الكلام غير رايه
المفروض تخوشي تشجعي يا جميلة
يعني مثلا
وااااااااااااااااااااااااااو تحفة يا شاه انت بجد فنان
اللللللللللللللللللله الشكل الجديد حلو قوي يجنن بجد
مش معقووووووووووولة و الخلفية كمان ملهاش حل, انا عايزاك تصمملي المدونة بتاعتي
قوم ايه بقى
الزبون الي يخش حتى لو مبيحبش الغوامق هيموت فيها
زي جمهور السيما العبيط, كلمة تتقال في الفيلم ما تسمعهاش بس تموتي على روحك من الضحك مع الجمهور
مش هوصيكي بقى, عايز غسيل مخ للي يخش
وبعدين زي منتي شايفة انا لسة راجع حالا من البرازيل كنت مع عم ديفيد سانتوس بيعرفني على على مشجعات السامبا و جو تاني خالص و لا انا فاهم هما بيقولو ايه و لا هما فاهمين انا كاتب عندي ايه
بس الروح الحلوة بقى
و لو جيتي دلوقتي هتلاقي واحد من الصين و التاني من امريكا, انا قلت بقى خلاص الجمهور بتاعنا اتشبع كله خلاص و الكيرف بقى في النازل
نفتح مناطق جديدة بقى و الرزق يحب الخفية
و الفجر معزوم في جامايكا واحد هيضبطني ماريجوانا طازة بس عايزين ناس تيجي تقطفها معانا
انا مت على روحي من الضحك لما قلتيلي ركب بطارية للتعابين و الكلب ابو راسين يا مجرمة
سلام مؤقت
بالنسبة لجمهور المعجبين, و بما اني خلاص صدقت نفسي, و كمان بما اني بدات اخسر جمهوري الرجالي و مبقاش في و لا كومنت خشن لدرجة اني بقيت انبسط لما الاقي راجل معلق عندي
انا نسيت كنت عايز اقول ايه
المفروض بما ان كذا........يبقى كذا
مش مشكلة ماعلينا
سلام حااااااااااار جداااااا لصديقتك, و قوليلها اني حلمت بيها امبارح
و كان فيها شبه من كاترين زيتا جونز, مش عارف بقى هيا احلى و لا ايه؟
و ياريت سيادتك تتكرمي و تعمليلها بلوج عشان اقدر اتواصل مع معجبيني
و احب اضيف
سبوع الواد شاه و كل اعياد ميلاده عليا
و لو سمته الاسم كامل, مصاريف البامبرز و اكله و شربه و مدرسته و تعليمي عليا
و تسلميلي يا ام شاه
سلام مؤقت
ما علينا حساتك صادقه اوي في ايجاباتك
ماشاء الله
في ايجابات كتيييييييير عجابتني
انا قريت البوستين مع بعض
بجد ما شاء الله عليك جميل ان الواحي يشوف نفسه يشوف مميزاته وعيوبه ويحاول يصلحا
ربنا يوفاك ياقمر
وتكوني ممن اصلحوا انفسهم في الدنيا فكانت الفردوس مكانتهم في الاخره
علي فكرة انا نفسي اشوفك جدا واناديكي باسمك
ما علينا
السلام عليكم
انا زعلانه من نفسى انى جايه متأخر
اجابتك فيها صدق ووضوح
صادقه مع نفسك ومع الناس
ومافيش غموض شخصيه
جميله ماشاء الله عليكى
بنحبى الصراحه
ياابيض يا اسود
شخصيه بتحب الناس وتتحب
ده غير خفه الدم
والردود اللذيذه
على التعليقات
الله يرضا عليكى
تحياتى وسلامى
S H A H
هاننصب بقى
انا يا عم شفت لك دقن امتى
وعموما ولا يهمك
اي بيوتي سنتر
يظبطوك احلى تظبيطة
يكملولك كل الناقص
دقن شنب حواجب
وبعدين ايه يا عم
انا قلت حاجة
ولا نطقت
بس هي الدنيا كانت ضلمة بس
واديني سحبت شعلة
من ايد الهيكل العظمي
اللي كان على ارض
اه ابقى غير بطارياته هو كمان
اهو مع التعبان والكلب
وهركليز
اه دا انت هركليز
يعني يبقى النظام ايه
وبعدين انت تعرف عني كدا
عاااااااااايزني انافقك
لالالالالالالالالالالالالا
دا مستحيل
فين بقى الصداقة الحقيقية
والمصداقية
عيب حتى على البوست الاخير بتاعي واللي قبله
وبعدين هو انا هادخل
اعمل دعاية كدا بلوشي
لالا
بس بجد
حلو والله التصميم الجديد
ايه يا كينج واو ودال دي
انا برضوا ياكل معايا الدلع دا
انا اقولك مثلا
ينصر دينك يا شاه
برضوا ممكن
تسلم الدماغ والايادي
ومن قبلهم الصنف المتهادي
والغوامق دي مزاج
اصحاب المزاج العالي
ويا لورد زي ما قلت لك قبل كدا
المهم يكون الكينج مبسوط
ومتسلطن من اللوك الجديد
وديتها ولعة فحم
نرمي فيها حتة حلوة
كدا من الصنف الجديد
الاكسترا
والهبو يطلع على الزوار
وتلاقي كله معجب وبيصقف بايديه ورجليه
وحلوة فكرة
فتح اسواق جديدة دي
بس مش شايفة اننا كسبنا حاجة منها
غير
الكيسس
طيب انت حلال عليك الكيسس من بنات السامبا
ونساء الامازون كمان
انا عايزة شغل
قلت لك
هيص براحتك بس انا عايزة توكيل
من مافيا كولومبيا
حاكم انا اعزهم اوي
وبعدين كدا يا شاه
جعلتني مجرمة
وجمهور المعجبين
هي معجبة يتيمة
بس معجبة اوي يعني الصراحة
وبتسلم عليك
ومين سمعك
انا برضوا يا لورد زعلانة لك
انه كله من بنات حوا
دول ما ينفعوش وقت العوزة
وانا قلت لك هناك
وقفة الراجل بميت ست
هاتقولي
لكن لو حضرت الست يغور الراجل
انت حر
وبعدين
انت عايز تبقى
ساحب لنا وراك
فتيات السامبا والامازون دول وراك
وتفتكر انت عايز تقول ايه
انت شوية كده
وتبقى صاحب شهراميات
اللي خيبت امله اللاتينيات
يا خوفي على شغلي
وام شاه
باقولها النهارده
على منحتك
قالت لي طيب قولي له
يساهم الاول في جواز ام شاه وابو شاه
لعلمك فرحها في العيد
منتظرين المساهمة بقى
ويا سيدي
انا باعمل للمعجبة في البلوج
علشان اخلص منكم
دوشتوني
سلام يا شاه
بجد بجد
هاموت واشرب شاي
عندي صداع متشعب
سلام
truelove
وانت بقى واسطتك مين
وريني الكارت اللي معاكي
ايه؟؟
معندكيش
يللا
ساقطة في كشف الهيئة
منورة المدونة يا قمر
ولو التاج ولو انه مش تاج
عاجبك
اتفضليه
انا اصلا عندي تنبيهات وتحذيرات
بعدم تمريره
سلام يا سكرة
بالله المستعان
ربنا يكرمك يا رؤية ويعزك
والله انت فدائية انك
تقري البوستين
دول طوال اوي
واتمنى اني اكون فعلا كنت صادقة مع نفسي
وتكون دي بداية للتصحيح
وانا اتمنى ويكون لي الشرف اني
اقابلك
و اتمنى اننا نتواصل عن طريق الايميل
klmat
و عليكم السلام ورحمة الله وكلماته
مش شايفة ان الكلام دا كتير على لوي يا كلمات
لكن انا مش مستغرباه عليكي
لانك انسانة كلك رقة وذوق
وحساكي بتتعاملي معانا
بقلب ام
واخت
احاسيس مش سهل تحسيهامع اي حد
ربنا يرضى عنا جميعا
ويهدينا للخير
وبعدين ايه حكاية التاخير دا
هو فين التاخير دا اصلا
المهم اني
على بالك
وبتجيني
تنوريني
يا سلام.......................................................كلام كويس
سى السيد
تسلم يا سي السيد
ربنا ما يحرمنا من دخلتك
علينا في المدونة
نورتنا وانستنا
ما علينا انا هكتب ميلي ازاي ع الهواء كدا
؟؟؟؟؟؟؟؟؟؟؟؟؟؟
من الرائع حقا ان نتصف بهذه الصراحة
خاصة مع أنفسنا.
****************************
تحياتي لك
شخصيتك حلزونيه دائريه
تتميزين بالالتفاف حلو ما لا يلتف حلوه الذى يلتف
هتعدى عليا بكره فى نفش المعاد فى العياده
و دى شويه مهدئات كده
هههههههههههههههههه
حسيت بجد و انا بقرأ الكلام انى يشخص الحاله
بس بجد الاجابه كويس
شخص عادى و طيب
عموما ما علينا
بس المدونه جميله
تحياتى
مش شايف ان اجابتك عن سؤال التسامح ملعبك
لانى نفس النظام تقريبا
كويس فيه اتساق فى اجاباتك
برافو وارفع لك القبعه على الشجاعه دى
بالله المستعان
طبعا تم التصرف
والمطلوب وصل ديليفري
سلام يا رؤيتي
shokri & shokria
اكثر شيء ممكن يدي احساس بالراحة
انك تصارح نفسك
فتعرفها كويس
سعدت بالزيارة والتعليق
MaMaDo
حلوة حلزونية
وبعدين يا دكتور
المهدئات دي ما جابتش اي نتيجة
الحالة زي ما هي
عموما ماعلينا
اهم حاجة تشريفك وتعليقك
نورتني
e7na
بجد صحيح
مش ملعبكة
طبيعي يعني
ولا يبقى احنا الاتنين
محتاجين علاج
وبعدين مين انا
علشان ترفع لي القبعة
اديهالي انا
علشان بحب ارفعها كتير
السلام عليكم
جميل اوي
دا يعتبر اجمل حوار لمحاسبة النفس
وممكن يتعمل كل فترة كورد محاسبة النفس
جزاكي الله خيرا ورزقك الله الصدق والاخلاص مع نفسك ومع الناس
تعرفي انت ممكن تجمعى البوستات دي و تسميها كرسي الاعتراف
مفيش جديد عاوزين نتمتع اللهم صلى على النبى ايه الحلاوه دى
أحلي حاجه فعلا الصراحه
:)
أنا بعتذر اني أتأخرت بس
و الله النت كان فاصل
من يوم السبت لحد يوم الاربعاء
جه الاربعاء
اعدت العب و انزل و اطلع
:D
معلش تقبلي اسفي
تحياتي و حبي
:)
بت يا ما علينا
انتى اتخطفتى ولاايه
مكنش حتة بوست طويل دا اللى يخليكى تاخدى اجازة كده
عاوزين بوستات جديدة
احنا ادمنا وخنا على الصنف
ولا فالحة بس تقولى تجار صنفانتى وسى شاه وفى الاخر تطلعى نص كم
لو كنتى اتخطفتى بقى دا كلام تانى
غير كده مالكيشش عذر
اظهرى وبانى احسن لو شوفتك مش هيحصل طيب
وحشانى يا مضروبة
شكل الصراحة عملت مفعولها
انتى فينك ياقمر
:)
بلوج جميل
تحياتي
الراقص مع الذئاب
الف حمدا لله على السلامة
طبعا انا سلمت عليك عندك
وربنا يرزقنا جميعا الصدق والاخلاص
ربنا يكرمك يا رب
ويهون عليك الايام اللي باقية لك
والحمد لله
الصول مصطفى
اتعتقت منه
shams
كرسي الاعتراف حتة واحدة
دا انا لو قعدت على كرسي الاعتراف هاقول من هنا للصبح
انا هنا يدوب جاوبت الاسئلة
يعني كنت مقيدة بيها
لكن انا شايفة
اني لو سيبت الحرية لنفسي
واسترسلت في الكلام
وسرد كل ما اراه في نفسي
كنت عملتها حلقات
وكنت احتاج كنبة اعتراف
او نقول شيزلونج
لكن انا هاخد باقتراحك بس بشكل مختلف شوية
منورني دايما يا شمس
طبعا ما انت شمس بقى
سى السيد
طب زيد النبي صلاة بقى
هو في حلاوة اكتر من رضاك
علينا بمجيك عندنا يا سي السيد
ومتهيألي انت لو ركزت شوية
هاتكتشف انك حاصل عندك لبس
في شيء ما
هاسيبك تكتشفه مع نفسك
سلام يا سي
الســـــــــــيد
و القادم....أجمل
الصراحة راحة
ويا دكتورة انتي ما تعتذريش ابدا
حتى لو النت مش فاصل
انت عذرك معاكي
ربنا يوفقك
احترامي لك
واملي لك
ان يكون القادم دايما اجمل
Hadota .. حدوتة
حدوتي
ليه هو خلاص مفيش غيري في البلد
اتسرق مرتين
واتخطف كمان
طب دا يبقى حتى عيب عليكي
وانا المفروض بقيت معروفة اني تبعك
هو تقدري تقولي الواحد مداري شوية
اصل قال ايه
في اشاعة اني ناوية ادون مذكراتي في دنيا الكيف
وكل المعلمين والحيتان بقى
طالبين رقبتي
فقلت ادارى لحد ما اثبت عكس الاشاعة
وكله من شاه
من وقت ما بدأ يلف برا
وهو جابلنا الكلام
ولفت لنا كل الانظار
شوفي لي خطة بقى
اطلع بيها من المطب دا
منتظرة التعليمات
يا معلمة
WiLdBiRd
ايوا فعلا
قاعدة بقى اذاكر
في الاجابات دي
واشوف هاعمل ايه
وانا موجودة تحت امرك يا دكتورة
محتاجة مريض تذاكري عليه ولا حاجة
انا في الخدمة
coca
سعيدة برايك
وشكرا على الزيارة
دو مودموزيل جميلة
أتكدم اليكي اليوم و اهديكي باكة من اجمل ما زورع من الورد كعربون كلام يعني, حتى اعرف و الاسترسال
انتي عارفة بقى الجو البرازيلي مخليني خواجاتي خالص
ايه سمعت و شايف ان الحيتان بهدلوكي و انا غايب عن البلد
اييييييييه يا ولاد.......تيت مفيش حد مالي عينيكو يا ولاد ال.............تيت
أ........تيت
دي ما علينا يا جدعان
البرنسيسة ما علينا
وبعدين قلتلك دي لعبة كبيرة و متنزليش, و تاجري في الشاي مؤقت على بال ما اجي
المهم
انتي اخبارك ايه و عاملة ايه
ده و الله اول كومنت اكتبه بعد المود المنيل اللي كان كابس عليا اليومين اللي فاتو
و الله لا يوريكي الم الضروس في الناحيتين عندي يمين و شمال
ومقضيها زبادي و رز بلبن
وبجد بشكرك حتى الموت لسؤالك و اهتمامك
و يا ستي ليكي عندي حق عرب بقى خلاص
وليكي في ذمتي 5 كومنتات كمان
فين جديدك بقى
مش هتكملي اعترافات و لا ايه
بثينة كامل شافت اللموضوع و عجبها و تم اعداده دلوقتي عشان يخش البرنامج
هيكسر الدنيا
سلام مؤقت
مفيش جديد ولا ايه انت عمر ماهشوف فيك الكسل انت النشاط كله
اقولك متخشيش عند دكتور كسلان مرض وبيعدى بلاش
S H A H
سيبك انت
ام حاجة اننا اطمنا عليك
والمفروض احنا اللي نجيبلك الورد
ونيجي نزورك
وعوجة لسانك مسيرها تتعدل
كان غيرك اشطر
وانت ما ينفعش معاك غير البلدي
يا لورد
وانت تعرف برضوا ان حد يقدر يبهدلني
دي اوشاعات
علشان يهزوا مركزي في السوق
وكله منك
اول ما شموا بخبر تواجدك في امريكا اللاتينية
قالوا اننا ناويين نتعامل رأسا مع
المنبع
واننا ناويين نتخاطهم وهم الحيتان
لكن ما تقلقش
انا
ظبتت كل حاجة
المهم انت بعد ما تهيص وتنبسط
ترجع لنا بالبضاعة
انا مظبطة السوق احلى تظبيط
والف سلامة على سنانك
وحلوة الزبادي طعمة الزبادي
سلام يا زبادي
وطبعا انا لي الشرف
ان اول تعليق يكون عندي
بعد الحالة الماساوية دي
يعني نفضت غبار الانتخة عندي
وانا اقول مالي كدا
داخلة على جو تنبلة
ولابسة ماسك
لاتسالوني لأني لا اعرف
وانا متمسكة بحقى
في الكزمنتات المتاخرة
وبالفايدة
وتاني يا شاه
عالج ضروسك يا لورد
روح بس للدكتور وانا هادفع الفيزيتا
سلام يا كينج
والف سلامة
على الضروس الملكية
الشهراماتية
سى السيد
والله ياسي السيد
ما اخبيش عليك
انا اعز اللف والتجول موت
وعلى ما بالف المدونات واعلق
واكتشف مدونات جديدة تعجبني واعلق فيها
على ما باجي مدونتي هنا
باكون خلاص
ما فييش نفس
وبعدين انا باحب التواصل مع الناس
والقراءة لهم اكثر
لان دا بيخليني اعرفهم اكتر
واهو
مكسلة شوية برضوا
والدكتور كسلان
خلاص ما بقاش كسلان
روح اقرأ تعليقات عند
الساموراي الاخير
وشايف انا رديت
على السطرين بتوعك
بمذكرة عرض
وتقولي كسل
منورني يا ابو فهمي
وابقى طمني على صحتك
بامانة
دو مودموزيل ما علينا
====================
بوصي على الكومنت الاخير بتاعك عند فنان فقير,
تخاريف دكتور مش عارف انتي بتجيبي الكلام الكتير ده منين
اديلو اسم الصنف و روقيه
اللي بيعمل دماغ رغي و كلام و فلسفة
او اديلو طابع بلوج يعرف يديها كومنات تمام
ايه اخبار الانتخة
حاسس ان الكيرف عندك في النازل
فوق كدة
الزباين بتطير يا جميلة نفوق بقبى
السلام عليكم
لاء انا زعلانة منك بجد
انتى اكتر واحدة علافتها نساية طبعا مش فى كل حاجة
هو مش انا طلبت منك الاسئلة دى قبل كدة
وانتى دايما بتنسى
فضل زعلانة منك شوية صغيرين لحد ما تجيبلى الاسئلة دى
عايزة اعمل اختبارات على الناس
اللى عندى
يلا بقى خليكى جدعه
Post a Comment